Breaking News
  • ఈ ప్రభుత్వానికి ఇంకా పురిటి వాసన పోలేదు. వర్షాలతో ఇసుక కొరత ఏర్పడింది. అప్పుడే దీక్షలు ఎందుకు. ఏ ప్రభుత్వానికైనా కొంత సమయం ఇవ్వాలి. చంద్రబాబు ప్రతిపక్ష నేత పాత్ర కూడా పోషించలేకపోతున్నారు-వంశీ
  • తిరుమల: ఈ నెల 23 నుంచి డిసెంబర్‌ 2 వరకు తిరుచానూరు పద్మావతి అమ్మవారి వార్షిక బ్రహ్మోత్సవాలు. ఈ నెల 23న చిన్నశేష వాహనం, 27న గజవాహనం. 28న గరుడ వాహనం, డిసెంబర్‌ 1న పంచమి తీర్థం. డిసెంబర్‌ 2న పుష్పయాగ కార్యక్రమం-టీటీడీ.
  • రాఫెల్‌పై రాహుల్‌ గాంధీ ఆరోపణలు అవాస్తవమని.సుప్రీం తీర్పుతో తేటతెల్లమైంది-బీజేపీ రాష్ట్రఅధ్యక్షుడు లక్ష్మణ్‌. మోదీ ప్రభుత్వానికి క్లీన్‌ చిట్‌ ఇచ్చింది. జఠిల సమస్యలను సామరస్య పూర్వకంగా మోదీ పరిష్కరించారు. తెలంగాణలో అశాంతి, అసంతృప్తి నెలకొంది. అధికార పార్టీలో చాలా మంది అసంతృప్తితో ఉన్నారు. తెలంగాణలో ప్రత్యామ్నాయ పార్టీ బీజేపీనే. అందుకే అందరూ బీజేపీలో చేరుతున్నారు-లక్ష్మణ్‌
  • ముగిసిన ఆర్టీసీ, పొలిటికల్‌ జేఏసీ సమావేశం.
  • ఇసుక కొరతపై 12 గంటల పాటు దీక్ష చేసిన చంద్రబాబు రాష్ట్రంలో ఇసుక కృత్రిమ కొరత సృష్టిస్తున్నారు. రాష్ట్రంలో జె-ట్యాక్స్‌ వసూలు చేస్తున్నారు. ముఖ్యమంత్రి నీరో చక్రవర్తిలా వ్యవహరిస్తున్నారు బాధితులకు అండగా నిలిస్తే దాడులు చేస్తున్నారు. ఇసుక లేక అన్ని వర్గాలు ఇబ్బందులు పడుతున్నాయి. నాపై కోపంతో అన్న క్యాంటీన్లు మూసేశారు-చంద్రబాబు
  • తిరుమల: ఈ నెల 23 నుంచి డిసెంబర్‌ 2 వరకు తిరుచానూరు పద్మావతి అమ్మవారి వార్షిక బ్రహ్మోత్సవాలు. ఈ నెల 23న చిన్నశేష వాహనం, 27న గజవాహనం. 28న గరుడ వాహనం, డిసెంబర్‌ 1న పంచమి తీర్థం. డిసెంబర్‌ 2న పుష్పయాగ కార్యక్రమం-టీటీడీ.
  • ఇసుక కొరత వల్ల ప్రత్యక్షంగా, పరోక్షంగా లక్షల మంది నష్టపోయారు. చంద్రబాబు మీద కక్షతోనే భవన నిర్మాణ కార్మికుల పొట్టగొట్టారు. వైసీపీ ప్రభుత్వం జాతీయ పతాకాన్ని అవహేళన చేసింది.సచివాలయాలకు వైసీపీ రంగులేసే జగన్‌కు గాంధీ గురించి మాట్లాడే అర్హత లేదు-ఎంపీ రామ్మోహన్‌నాయుడు

టీడీపీ నేతలను వెంటాడుతున్న కేసులు.. నెక్స్ట్ టార్గెట్ ఎవరంటే?

పశ్చిమగోదావరి జిల్లా టీడీపీ డీలా పడిందా.? అంటే అవునంటున్నాయి రాజకీయ వర్గాలు. ఆ జిల్లాలో టీడీపీకి బలమైన నేతగా ఉన్న చింతమనేని ప్రభాకర్.. ఇప్పుడు జైలు పాలయ్యారు. కేసుల మీద కేసులతో చింతమనేని చుట్టూ ఉచ్చు బిగుస్తోంది. మరోవైపు చింతమనేని అనుచరులపైనా వరుస కేసులు నమోదవుతున్నాయి. దీంతో కొందరు మహిళా నేతలు సైతం ఇప్పటికే అజ్ఞాతంలోకి వెళ్లిపోయారు. ఇప్పటి వరకు 150 మందిపై కేసులు నమోదయ్యాయి. ఇంత జరుగుతున్నా… చంద్రబాబు కానీ పార్టీ సీనియర్లు కానీ బాధితుల్ని పరామర్శించిన దాఖలాలు లేవు. దీంతో జిల్లా నేతలంతా అంత యాక్టివ్‌గా లేరు. మరి కొంతమంది తాము టీడీపీ నేతలని చెప్పుకోవడానికి భయపడుతున్నట్లు తెలుస్తోంది.

ఒక్క చింతమనేని మాత్రమే కాదు.. ఆ జిల్లాలోని టీడీపీ నేతలందరూ కూడా ఒక్కొక్కరుగా టార్గెట్ అవుతున్నట్లు కనిపిస్తోంది. చింతమనేని తర్వాత నెక్ట్స్‌ లిస్ట్‌లో మాజీ ఎమ్మెల్యే బడేటి బుజ్జి పేరు వినిపిస్తోంది. టీడీపీ అధికారంలో ఉన్న సమయంలో శుభమ్మదేవి స్కూల్‌ గ్రౌండ్‌ భూములు అన్యాక్రాంతం అయ్యాయి. టీడీపీ నేతల చేతుల్లో ఉన్న ఈ భూమిని కార్పొరేషన్‌ అధికారులు ఇప్పటికే స్వాధీనం చేసుకున్నారు. ఎన్నికల సమయంలో జరిగిన గొడవలను బయటకు తీసి కేసులు పెట్టే ఆలోచనలో ఉన్నట్లు ప్రచారం జరుగుతోంది. కేసులు తిరగతోడితే బడేటి బుజ్జి కూడా చింతమనేని చెంతకే చేరుతారని స్వయంగా జిల్లా టీడీపీ నేతలు చెవులు కొరుక్కుంటున్నారట. దీనితో కొందరు నేతలు టీడీపీ నుంచి వైసీపీలోకి వెళ్లాలనే ఆలోచనలో ఉన్నట్లు తెలుస్తోంది. ఓవరాల్‌గా చూస్తే పశ్చిమగోదావరి జిల్లా టీడీపీ క్యాడర్‌ అయోమయంలో పడింది. అటు వైసీపీ జిల్లాలో టీడీపీని ఖాళీ చేసే దిశగా అడుగులు వేస్తున్నట్లు కన్పిస్తోంది.