Breaking News
  • కరోనా నుంచి బయటపడిన చైనా, ఇప్పుడు యూరప్‌ దేశాలకు కిట్లను, మాస్క్‌లను పంపిస్తోంది. అయితే వాటిలో నాణ్యత లేదని కొన్ని దేశాలు ఆరోపిస్తున్నాయి. పరికరాలను తిప్పి పంపిస్తున్నాయి. ఈ సంక్షోభాన్ని, చైనా తన ప్రభావాన్ని విస్తరించుకోవడానికి వాడుకుంటోందన్న విమర్శలూ వినిపిస్తున్నాయి.
  • ఆంధ్రప్రదేశ్‌లో కరోనా భూతం విస్తరిస్తోంది. ఏపీలో ఉన్న 13 జిల్లాలలో 11 జిల్లాలను కరోనా కమ్మేసింది. నిజాముద్దీన్‌ జమాత్‌ లింకులతో చిన్న పట్టణాలు, పల్లెలకు కూడా వ్యాపించింది కరోనా.. కొత్త కేసులన్నింటికీ ఢిల్లీ లింకులుండటం ఆందోళన కలిగిస్తోంది.
  • కరోనాపై యుద్ధం చేస్తున్న భారత్‌కు ప్రపంచబ్యాంకు భారీ సాయాన్ని అందించింది. భారత్‌తో పాటు కరోనాను ఎదుర్కొంటున్న పలు దేశాలకు ప్రపంచబ్యాంకు ఆర్ధిక సాయాన్ని ప్రకటించింది. కరోనాను తీవ్రంగా ప్రతిఘటిస్తున్న భారత్‌కు ఒక బిలియన్‌ డాలర్ల భారీ ఆర్ధిక సాయాన్ని ప్రకటించింది ప్రపంచబ్యాంక్‌..
  • ఉమ్మడి ఆదిలాబాద్‌ జిల్లాలో ఆశా వర్కర్లు ఇంటింటి సర్వే చేస్తున్నారు. ఇది గందరగోళానికి దారి తీస్తోంది. ఢిల్లీ నుంచి వచ్చిన వ్యక్తి ఇంటికి వెళ్లారు ఆశావర్కర్లు. సర్వే కోసమని వెళ్లిన ఆశా వర్కర్లను దుర్భాషలాడటమే కాకుండా వారిపై దాడికి ప్రయత్నించారు
  • అమరావతి ఏపీ ప్రభుత్వం కీలక నిర్ణయం ఎస్మా పరిధిలోకి ప్రభుత్వ, ప్రైవేట్‌ వైద్య సర్వీసులు. 6 నెలల పాటు ఎస్మా పరిధిలోకి తెస్తూ జీవో కూడా విడుదల. ఈ చట్టం కింద పనిచేయడానికి నిరాకరించిన వారిని శిక్షించే అధికారం ప్రభుత్వానికి ఉందంటూ జీవో జారీ.

Gannavaram politics: గన్నవరంలో టీడీపీ ఆగమాగం.. ఇంఛార్జ్ ఎవరంటే!

వల్లభనేని వంశీ వంటి బలమైన నేత పార్టీకి దూరమవడంతో గన్నవరంలో తెలుగుదేశం పార్టీకి ప్రత్యామ్నాయ నేత కరవయ్యాడని తెలుస్తోంది. నియోజకవర్గ ఇంఛార్జ్‌ని సైతం నియమించే పరిస్థితి లేకపోవడంతో తెలుగుదేశం పార్టీ శ్రేణులో అయోమయంలో పడిపోయాయని అంటున్నారు.
tdp in confusion in gannavaram, Gannavaram politics: గన్నవరంలో టీడీపీ ఆగమాగం.. ఇంఛార్జ్ ఎవరంటే!

TDP in search of Gannavaram in charge: గన్నవరం నియోజకవర్గ ఇన్ ఛార్జ్ నియామకం తెలుగుదేశంపార్టీకి ఛాలెంజింగ్‌గా మారింది.. ఖాళీగా ఉన్న అన్ని నియోజక వర్గాలకు ఇన్‌ఛార్జ్‌లను నియమించినా.. ఆ నియోజకవర్గానికి మాత్రం సరైన నేత దొరకడం లేదట.. ఎమ్మెల్యే వల్లభనేని వంశీ పార్టీకి దూరమవడం వల్ల. టీడీపీలో వంశీకి ధీటైన నేత లేకపోవడంపై ఆ పార్టీలో చర్చ జరుగుతోంది.

గన్నవరం టీడీపీ ఇంచార్జ్‌ను ఎప్పుడు నియమిస్తారని తెలుగు తమ్ముళ్లు వెయిటింగ్‌ చేస్తున్నారు. ఖాళీగా ఉన్న బాపట్ల, గుడివాడ ,మాచర్ల, ఏలూరు, నియోజకవర్గాలకు ఇంచార్జ్‌ను పార్టీ ఇటీవల నియమించింది. వల్లభనేని వంశీ తరువాత పార్టీకి దూరమైన మరో ఎమ్మెల్యే మద్దాల గిరి నియోజకవర్గానికి కూడా వెంటనే ఇన్‌ఛార్జీని నియమించింది టిడిపి అధిష్టానం. మరి గన్నవరం నియోజకవర్గానికి ఎందుకు ఇన్ ఛార్జ్ నియమించడం లేదనే చర్చ పార్టీలోనూ, బయటా నడుస్తోంది.

వల్లభనేని వంశీ పార్టీ మారిన తరువాత నియోజకవర్గ నేతలతో చంద్రబాబు భేటీ అయ్యారు. అధైర్య పడకుండా గట్టిగా పోరాటం చేయాలని సమర్థవంత నాయకత్వాన్ని నియమిస్తామని చంద్రబాబు చెప్పారట. ఆ తరువాత పార్టీ జిల్లా అధ్యక్షునితో పాటు ఐదుగురిని కలిపి ఓ కమిటీ వేశారు. అంతే.. ఆ తర్వాత ఇన్‌ఛార్జ్‌ని నియమించే మాటే ఎత్తడం లేదని తెలుస్తోంది. వల్లభనేని వంశీ, అతనిపై పోటీ చేసిన యార్లగడ్డ వెంకట్రావు అన్ని రకాలుగా బలమైన నేతలు.. గన్నవరం నియోజకవర్గంలో వంశీని ఢీ కొట్టే ధీటైన నేత లేరు. వంశీ వైసీపీకి దగ్గరవడంతో కేడర్ కూడా అతనితో పాటే వెళ్లింది. టీడీపీలో వంశీని ఎదుర్కొనే నేత నియోజకవర్గంలో లేరనేది రాజకీయ వర్గాల్లో చర్చ నడుస్తోంది.

బయటి నియోజకవర్గాల నుంచి ఎవరో ఒక నేతను తీసుకు రావాలని టీడీపీ ప్రయత్నం చేస్తోంది. విజయవాడ తూర్పు ఎమ్మెల్యే గద్దె రాంమ్మోహన్‌ భార్య గద్దె అనురాధను నియమించాలని ఆలోచిస్తున్నారట. వీరితో పాటు ఒకరిద్దరు నేతల పేర్లు ప్రచారంలో ఉన్నా ఏ నిర్ణయం తీసుకోలేక తర్జనభర్జన పడుతోందట టీడీపీ అధిష్టానం. మొత్తానికి గన్నవరం నియోజకవర్గ ఇంచార్జ్‌ నియామకం టీడీపీకి సవాల్‌గా మారింది.

Read this: Former Governor Vidyasagar Rao’s comments became sensational

Related Tags