Breaking News
  • విశాఖ: బ్లూఫ్రాగ్‌ టెక్నాలజీస్‌పై కొనసాగుతున్న సీఐడీ విచారణ. 8 సర్వర్లకు చెందిన డేటాను సేకరించిన అధికారులు. డేటాను విశ్లేషిస్తున్న సీఐడీ అధికారులు. ప్రభుత్వ ఇసుక పోర్టల్‌ను హ్యాక్‌ చేసి.. కృత్రిమ కొరత సృష్టించినట్టు బ్లూఫ్రాగ్‌పై అభియోగాలు.
  • హైదరాబాద్‌: అధికారులతో రైల్వే సేఫ్టీ కమిషనర్‌ భేటీ. కాచిగూడ రైలు ప్రమాదంపై చర్చ. ప్రకాశం జిల్లా: ఒంగోలులో మనబడి నాడు-నేడు కార్యక్రమం ప్రారంభం. కార్యక్రమాన్ని ప్రారంభించిన సీఎం జగన్. వివిధ శాఖలు ఏర్పాటు చేసిన స్టాళ్లను పరిశీలించిన జగన్‌.
  • ప.గో: యలమంచిలి మండలం కాజ గ్రామంలో రోడ్డుప్రమాదం. అదుపుతప్పి పంట కాలువలోకి దూసుకెళ్లిన కారు. దంపతులకు తీవ్రగాయాలు, ఆస్పత్రికి తరలింపు.
  • అనంతపురం: కల్యాణదుర్గంలో కాలువలోకి దూసుకెళ్లిన కాలేజ్‌ బస్సు. ప్రమాద సమయంలో బస్సులో 48 మంది విద్యార్థులు. విద్యార్థులకు తృటిలో తప్పిన ముప్పు. డ్రైవర్‌ నిర్లక్ష్యమే కారణమంటున్న విద్యార్థుల తల్లిదండ్రులు.
  • భూపాలపల్లిలో కొనసాగుతున్న బంద్‌. ఆర్టీసీ డ్రైవర్‌ నరేష్‌ ఆత్మహత్యకు నిరసనగా బంద్‌. డిపోల్లోనే నిలిచిపోయిన ఆర్టీసీ బస్సులు.
  • అమరావతి: మంగళగిరి జనసేన కార్యాలయంలో బాలల దినోత్సవం. పాల్గొన్న జనసేన అధ్యక్షుడు పవన్‌కల్యాణ్‌. పిల్లలకు పుస్తకాలను పంపిణీ చేసిన పవన్‌కల్యాణ్‌.
  • హైదరాబాద్‌: కూకట్‌పల్లిలో నియోజకవర్గంలో మంత్రి కేటీఆర్‌ పర్యటన. పలు అభివృద్ధి కార్యక్రమాలను ప్రారంభించిన కేటీఆర్‌. కూకట్‌పల్లిలో ఇండోర్‌ స్టేడియం ప్రారంభం. మల్టీపర్పస్‌ స్పోర్ట్స్ కాంప్లెక్స్‌ను.. పిల్లలతో కలిసి ప్రారంభించిన మంత్రి కేటీఆర్‌. డబుల్ బెడ్‌రూమ్ కాంప్లెక్స్‌ను ప్రారంభించిన కేటీఆర్. అధికారిక కార్యక్రమాల్లో ఫ్లెక్సీలపై కేటీఆర్‌ వార్నింగ్‌. ఫ్లెక్సీలు తొలగిస్తేనే కార్యక్రమానికి వస్తానన్న కేటీఆర్‌. కేటీఆర్‌ ఫ్లెక్సీలు తొలగించిన సిబ్బంది.

చంద్రబాబు విధానాలే పార్టీ మార్పుకు కారణం.. మాజీ ఎంపీ జేసీ హాట్ కామెంట్స్

Tdp former MP Jc divekarreddy hot comments on BJP

ఇప్పటికే టీడీపీకి చెందిన కీలక నేతలు పార్టీ మారి కమలం గూటికి చేరిపోయారు. ఇప్పటికీ వలసలు కొనసాగుతూనే ఉన్నాయి. ఈ నేపథ్యంలో అనంతపురం మాజీ ఎంపీ జేసీ దివాకర్‌రెడ్డి కూడా బీజేపీలో చేరేందుకు రెడీ అవుతున్నారా? అనే సందేహాలు వ్యక్తమవుతున్నాయి. వివాదాస్పద వ్యాఖ్యలకు మారుపేరుగా నిలిచే జేసీ.. బీజేపీపై కీలక వ్యాఖ్యాలు చేసి కాక పుట్టించారు.

ఏపీలో ఇప్పుడిప్పుడే బీజేపీ తన క్యాడర్ పెంచుకునే పనిలో పడింది. రానున్న ఎన్నికల నాటికి కమలం పార్టీ బలమైన శక్తిగా ఎదిగేందుకు ఇప్పటినుంచి పావులు కదుపున్నట్టు తెలుస్తోంది. దీనికి ఉదాహరణగానే తమ పార్టీలో చేర్చుకునేందుకు తలుపులు బార్లా తెరిచింది. ఇప్పటికే టీడీపీ నుంచి నలుగురు ఎంపీలు జంప్ చేశారు. నిన్నటివరకు బాబు పక్షాన నిలిచి ఉన్నపాటున బీజేపీ పాట అందుకున్నారు. వీరిలో సుజనా చౌదరి, సీఎం రమేశ్, టీజీ వెంకటేశ్‌లు ఉన్నారు. వీరి చేరిక తర్వాత రాష్ట్ర వ్యాప్తంగా అనేక ప్రాంతాలనుంచి బీజేపీలోకి వలసలు పెరిగాయనే విషయం తెలిసిందే. అయితే తాజాగా టీడీపీ నుంచి పోటీచేసి ఓటమి పాలైన జేసీ దివాకర్‌రెడ్డి ఏపీలో బీజేపీ పాత్రపై కీలక వ్యాఖ్యలు చేశారు.

ఏపీలో బీజేపీ ప్రభంజనం ప్రారంభమైందని, అది ఎక్కువైనా, తక్కువైనా సరే అంటూ వ్యాఖ్యానించారు. అదే సమయంలో టీడీపీ నుంచి బీజేపీకి వలసలు పెరగడానికి తమ పార్టీ అధినేత చంద్రబాబు పాత్ర పరోక్ష కారణమంటూ అధినేతను కూడా టార్గెట్ చేశారు. చంద్రబాబు ఆలోచనలపైనే బీజేపీ ఆధారపడి ఉందన్నారు. దేశంలో ప్రాంతీయ పార్టీలన్నీ ప్రధాని మోదీ ఆలోచనలపైనే ఆధారపడి ఉన్నాయన్నారు జేసీ.
ప్రస్తుతం దేశంలో మోదీ హవా నడుస్తోందని, తమ పార్టీ అధినేత చంద్రబాబు తప్పుడు నిర్ణయాలు, మోదీ అమలు చేస్తున్న సంక్షేమ పథకాలు ఈ వలసలకు కారణమంటూ విశ్లేషించారు.

జేసీ చేసిన తాజా కామెంట్స్ ఇటు పార్టీ అధినేత చంద్రబాబును టార్గెట్ చేయడంతో పాటు బీజేపీకి అనుకూలంగా ఉండటంతో ఏపీ రాజకీయాల్లో ఆసక్తికర చర్చను లేవనెత్తింది. టీడీపీ నుంచి ఇప్పటికే మాజీ మంత్రి ఆదినారాయణరెడ్డి బీజేపీలో చేరుతుండగా జేసీ కూడా అటువైపు చూస్తున్నారనే అనుమానాలు వ్యక్తమవుతున్నాయి.