Breaking News
  • కరోనా అప్డేట్ తెలంగాణలో ఇవాళ కొత్తగా 16 కరోనా పాజిటివ్ కేసులు నమోదు. తెలంగాణ లో ఇప్పటి వరకు 487 కరోనా పాజిటివ్ కేసులు . ఇప్పటి వరకు మొత్తం 12 మంది మృతి చెందారు. పాజిటివ్ కేసుల నుంచి 45 మందికోలుకుని..డిశ్చార్జి అయ్యారు. ప్రస్తుతం రాష్ట్రంలో 430 యాక్టీవ్ పాజిటివ్ కేసులు ఉన్నాయి.
  • మై హోం గ్రూప్ సంస్ధల విరాళం. కరోనా ని ఎదుర్కోవడానికి తెలంగాణ ప్రభుత్వానికి సాయమందించిన మై హోం గ్రూప్. ముఖ్యమంత్రి కెసిఆర్ ని కలిసి 3 కోట్ల రూపాయల చెక్ ని అందించిన మై హోం ఇండస్ట్రీస్ మేనేజింగ్ డైరక్టర్ జూపల్లి రామ్, శ్యామ్ రావు .
  • అమరావతి రాష్ట్ర ఎన్నికల కమిషనర్ నియామకం నిబంధనలు మార్పు చేస్తూ ప్రభుత్వం పంపిన ఆర్డినెన్స్ కు ఆమోదం తెలిపిన గవర్నర్... వెంటనే ఆర్డినెన్స్ పై జీవో జారీ చేసిన ప్రభుత్వం
  • ఈరోజు ముంబై లో 218 కరోనా పాజిటివ్ కేస్ లు, 10 మంది మృతి ఇప్పటి వరకు ముంబై లో 993 చేరిన కరోనా పాజిటివ్ కేసులు.
  • భారత్‌లో కమ్యూనిటీ ట్రాన్స్‌మిషన్ లేదని తేల్చిన ప్రపంచ ఆరోగ్య సంస్థ. గతంలో ఇచ్చిన నివేదికలో కమ్యూనిటీ ట్రాన్స్‌మిషన్ ఉందని పేర్కొన్న డబ్ల్యూహెచ్ఓ. అది పొరపాటుగా అంగీకరిస్తూ సవరణ చేసిన డబ్ల్యూహెచ్ఓ. దేశంలో కేవలం క్లస్టర్లుగా మాత్రమే కేసులున్నాయని వివరణ.

నెక్సాన్ ఎలక్ట్రిక్ కారు అదుర్స్.. కేవలం రూ.1కే కిలోమీటర్ ప్రయాణం..!

Tata Nexon Electric Vehicle Unveiled In India, నెక్సాన్ ఎలక్ట్రిక్ కారు అదుర్స్.. కేవలం రూ.1కే కిలోమీటర్ ప్రయాణం..!

ప్రస్తుతం మార్కెట్ మొత్తం ఎలక్ట్రిక్ వెహికిల్స్ హవా కొనసాగుతోంది. ఈ క్రమంలో పెద్దపెద్ద కంపెనీలన్నీ వినియోగదారులని ఆకట్టుకునేందకు ప్రత్యక ఫీచర్స్‌తో ఎలక్ట్రిక్ వెహికిల్స్ లాంచ్ చేస్తున్నాయి. ఈ క్రమంలో టాటా మోటర్స్ కూడా ఎలక్ట్రిక్ వర్షన్‌లో అద్బుతమైన కారును మార్కెట్‌లోకి ఆవిష్కరించింది. టాటా మోటర్స్‌లోని పాపులర్ మోడల్ అయిన నెక్సాన్‌లో.. ఎలక్ట్రిక్‌ వెర్షన్‌ (ఈవీ)ను విడుదలచేసింది. ఈ కారు ప్రత్యేకత ఏంటంటే.. దీనిని ఒక్కసారి పూర్తిగా చార్జింగ్‌ చేస్తే.. దాదాపు 300 కిలో మీటర్లకు పైగా ప్రయాణించవచ్చని సంస్థ చెబుతోంది. అంతేకాదు.. బ్యాటరీపై అనుమానాలు లేకుండా.. ఏకంగా ఎనిమిదేళ్ల పాటు గ్యారెంటీని ఇస్తోంది. మరికొద్ది రోజుల్లోనే ఈ నెక్సాన్‌ ఈవీని.. వాణిజ్యపరంగా విడుదల చేస్తామని సంస్థ తెలిపింది. ఇక దీని ధర.. రూ.15 లక్షల నుంచి రూ.17 లక్షల వరకు ఉంటుందని పేర్కొంది. జిప్‌ట్రాన్‌ టెక్నాలజీతో నడిచే ఈ కారు.. కేవలం 9.9 సెకన్ల వ్యవధిలోనే 100 కిలో మీటర్ల వేగాన్ని అందుకుంటుంది. అంతేకాదు.. ఇందులో 35 కనెక్టెడ్‌ ఫీచర్లున్నాయి.

కాగా, ఇప్పటికే టాటా మోటర్స్.. టిగోర్ ఎలక్ట్రిక్ వర్షన్స్‌ను పరిచయం చేసింది. ఈ మోడల్‌పై కస్టమర్స్ నుంచి ఫీడ్‌బ్యాక్ బాగుందని.. కంపెనీ వర్గాలు చెబుతున్నాయి. ఈ కారును ఒక్కసారి చార్జింగ్‌ చేస్తే 150 కిలో మీటర్ల మైలేజీని ఇస్తుంది. కాగా.. ప్రస్తుతం..ఈ నెక్సాన్‌ ఈవీ ద్వారా.. ఇండివిడ్యువల్‌ కస్టమర్లను ఆకర్షించేందుకు ప్రయత్నిస్తున్నట్లు సంస్థ తెలిపింది. తొలుత ఈ కారును 22 నగరాల్లో విడుదల చేయనున్నారు. శుక్రవారం నుంచే దీని బుకింగ్స్‌ను కూడా ప్రారంభించారు. ఆన్‌లైన్‌ లేదా సెలక్టెడ్ క్రోమా స్టోర్ల ద్వారా బుకింగ్ చేసుకోవచ్చు. గరిష్టంగా ఈ కారు ధర రూ.17 లక్షలుగా ఉంది. కిలో మీటరుకు కేవలం రూ.1 ఖర్చుతో ఈ కారులో ప్రయాణం చేయవచ్చని.. సంస్థ ఎలక్ట్రిక్‌ మొబిలిటీ బిజినెస్‌ ప్రెసిడెంట్‌ శైలేష్‌ చంద్ర వెల్లడించారు.

Related Tags