Breaking News
  • సికింద్రాబాద్‌-మచిలీపట్నం మధ్య ప్రత్యేక రైళ్లు. డిసెంబర్‌ 1,8,15,22,29 తేదీల్లో నడవనున్న ప్రత్యేక రైళ్లు. మచిలీపట్నంలో మధ్యాహ్నం 2:25కి బయల్దేరి.. రాత్రి 10:10కి సికింద్రాబాద్‌కు చేరుకోనున్న ప్రత్యేక రైలు. అదేరోజు సికింద్రాబాద్‌ నుంచి రాత్రి 11:55కి బయల్దేరి.. మరుసటి రోజు ఉ.8:55కి మచిలీపట్నం చేరుకోనున్న ప్రత్యేక రైలు.
  • ఏపీకి నెంబర్లు కేటాయించిన కేంద్రం. అక్రమ మైనింగ్‌, అనధికార మద్యం అమ్మకాలపై.. ఫిర్యాదులకు నెంబర్లు కేటాయించిన కేంద్ర సర్కార్‌. అక్రమ మైనింగ్‌పై ఫిర్యాదు కోసం 14400 నెంబర్‌.. అనధికార మద్యంపై ఫిర్యాదుకు 14500 నెంబర్‌ కేటాయింపు.
  • మళ్లీ పెరిగిన బంగారం ధరలు. పెళ్లిళ్ల సీజన్‌ కొనుగోళ్లతో పెరిగిన పసిడి ధరలు. 10గ్రాముల 24క్యారెట్ల బంగారంపై రూ.225 పెంపు. రూ.38,715 పలుకుతున్న 10గ్రాముల బంగారం. రూ.440 పెరిగి రూ.45,480కి చేరిన కిలో వెండి ధర.
  • ఛండీగడ్‌: 2019 ప్రపంచ కబడ్డీ కప్‌కు పంజాబ్ ఆతిథ్యం. డిసెంబర్‌ 1 నుంచి 9 వరకు మ్యాచ్‌ల నిర్వహణ. సుల్తాన్‌పూర్‌ లోధిలోని గురునానక్‌ స్టేడియంలో ప్రారంభ వేడుక. ప్రపంచ కబడ్డీ టోర్నీలో పాల్గొననున్న భారత్, అమెరికా, శ్రీలంక.. ఆస్ట్రేలియా, ఇంగ్లాండ్, కెన్యా, న్యూజిలాండ్‌, పాకిస్తాన్‌, కెనడా జట్లు.
  • ఓటర్ల జాబితా సవరణకు కొత్త షెడ్యూల్‌ విడుదల. జనవరి 1, 2020 అర్హత తేదీతో ఓటర్ల జాబితా సవరణ. ఓటర్ల వివరాల పరిశీలనకు ఈనెల 30 తుది గడువు. డిసెంబర్‌ 16న ఓటర్ల జాబితా ముసాయిదా ప్రచురణ. 2020, జనవరి 15న అభ్యంతరాలు, వినతుల స్వీకరణ.
  • టిక్‌టాక్‌కు పోటీగా త్వరలో ఇన్‌స్టాగ్రామ్‌ కొత్త ఫీచర్‌. రీల్స్‌ పేరిట ఓ కొత్త ఫీచర్‌ అందుబాటులోకి. ఇన్‌స్టాగ్రామ్‌లోని ఎక్స్‌ప్లోర్‌ సెక్షన్‌లో కొత్త ఫీచర్. కొత్త ఫీచర్‌లో టిక్‌టాక్ మాదిరిగా వీడియోలు క్రియేట్‌ చేసే సౌకర్యం.

నాటి ‘ టార్జాన్ ‘ స్టార్ రాన్ ఎలీ భార్య దారుణ హత్య..

1960 ప్రాంతాల్లో టీవీ సీరీస్ ‘ టార్జాన్ ‘ లో నటించి పాపులర్ అయిన రాన్ ఎలీ భార్య వలేరీ ఎలీ దారుణ హత్యకు గురయింది. 62 ఏళ్ళ ఆమెను ఈ దంపతుల కొడుకు కెమరూన్ ఎలీ కత్తితో పొడిచి హతమార్చాడు. కాలిఫోర్నియాలోని వీరి నివాసంలోనే ఈ దారుణం జరిగింది. 30 ఏళ్ళ కెమరూన్ ఎలీని ప్రమాదకరమైన వ్యక్తిగా భావించిన పోలీసులు అతడ్ని కాల్చి చంపారు. అసలు ఈ గొడవకు వీరి కుటుంబ కలహాలే కారణమని భావిస్తున్నారు. తన తల్లిని హత్య చేశాక కెమరూన్ ఇంటి బయటకు వెళ్లి దాక్కున్నాడని, అతని చేతిలో గన్ ఉండడంతో తమపై కాల్పులు జరపవచ్చునని భావించి తాము కాల్పులు జరపవలసి వచ్చిందని పోలీసులు చెబుతున్నారు. తన భార్యపై కొడుకు దాడి చేస్తున్నప్పుడు 81 ఏళ్ళ రాన్ ఎలీ గాయపడ్డాడా అన్న విషయం తెలియలేదు. అయితే ఆయనను పోలీసులు ఆసుపత్రికి తీసుకువెళ్లగా అక్కడ డాక్టర్లు పరీక్షించి చెకప్ అనంతరం డిశ్చార్జి చేశారని తెలుస్తోంది. వలేరీ మాజీ ‘మిస్ ఫ్లోరిడా ‘అని, ఈ దంపతులకు ముగ్గురు పిల్లలని పోలీసు వర్గాలు వెల్లడించాయి. 1966.. 1969 మధ్య కాలంలో ఎన్ బీ సీ, సీబీఎస్ టీవీ సీరీస్ లో రాన్ ఎలీ ‘ టార్జాన్ ‘ రోల్ లో నటించి పిల్లలను, పెద్దలను మెప్పించాడు.