తరుణ్ తేజ్ పాల్ కేసు.. విచారణ కొనసాగాల్సిందే.. సుప్రీంకోర్టు

తెహెల్కా మ్యాగజైన్ వ్యవస్థాపకుడు, మాజీ ఎడిటర్ తరుణ్ తేజ్ పాల్ కేసుపై విచారణ కొనసాగాల్సిందేనని సుప్రీంకోర్టు తేల్చి చెప్పింది. ఆయనపై వచ్చిన ఆరోపణలు తీవ్రమైనవని పేర్కొంది. తన వద్ద పని చేసే మహిళా జర్నలిస్టుపై అత్యాచారానికి పాల్పడ్డాడని తరుణ్ తేజ్ పాల్ పై అభియోగాలు వచ్చిన సంగతి తెలిసిందే. గోవాలో ఈ కేసుకు సంబంధించి ఓ ట్రయల్ కోర్టు నిర్వహిస్తున్న విచారణను కొట్టివేయాల్సిందిగా కోరుతూ ఆయన చేసిన అభ్యర్థనను సుప్రీంకోర్టు తోసిపుచ్చింది. పైగా ఈ కేసు విచారణలో ఇప్పటికే జాప్యం జరిగిందని, ఆరు నెలల్లోగా విచారణ ముగించాలని కూడా ఆదేశించింది. తెహెల్కా ఫౌండర్ ఎడిటర్ అయిన తరుణ్ తేజ్ పాల్ 2013 లో గోవాలో జరిగిన ఓ ఈవెంట్ సందర్భంగా ఒక మహిళా జర్నలిస్టు పట్ల అసభ్యంగా ప్రవర్తించాడని నాడు ఆరోపణలు వెల్లువెత్తాయి. ఈవెంట్ జరిగిన ఫైవ్ స్టార్ హోటల్ లోని ఎలివేటర్ లో ఆయన తనపై అత్యాచారం చేశాడని ఆమె ఆరోపించింది. పైగా అప్పట్లో ఆయన తనకు పంపిన ఈ-మెయిల్స్ వివరాలను కూడా బాధితురాలు తన సీనియర్లకు తెలియజేసింది. అప్పటి మేనేజింగ్ ఎడిటర్ సోమా చౌదరి వీటిపై స్పందించారు కూడా. ఈ ఈ-మెయిల్స్ కు సంబంధించిన అంశాలన్నీ లీక్ అయ్యాయి. సంచలనం సృష్టించిన ఈ ఉదంతం తరువాత తరుణ్ తేజ్ పాల్.. తన పదవికి రాజీనామా చేశారు. (ఆరు నెలల పాటు తన విధులకు దూరంగా ఉంటానన్నారు). అయితే బాధితురాలు చేసిన ఫిర్యాదుతో తరుణ్ తేజ్ పాల్ ను క్రైమ్ బ్రాంచి పోలీసులు 2013 నవంబరు 30 న అరెస్టు చేశారు. (ఆయన దాఖలు చేసుకున్న ముందస్తు బెయిలు దరఖాస్తును కోర్టు తోసిపుచ్చింది). అయితే 2014 మే నుంచి ఆయన బెయిలుపై ఉన్నారు. గోవా ఫాస్ట్ ట్రాక్ కోర్టులో తేజ్ పాల్ పై పోలీసులు 2,684 పేజీల చార్జిషీటు దాఖలు చేశారు. ఆయన రెండు సార్లు బాధితురాలిపై లైంగిక దాడికి పాల్పడ్డారని, ఇందుకు సాక్ష్యాధారాలు ఉన్నాయని వారు పేర్కొన్నారు. కానీ ఈ ఆరోపణలన్నీ నిరాధారమైనవని, గోవాలోని బీజేపీ ప్రభుత్వం రాజకీయ కక్ష తోనే తనపై కేసు పెట్టిందని తరుణ్ తేజ్ పాల్ ఆరోపించారు. ఈ కేసును కొట్టివేయాలంటూ ఆయన 2017 లో బాంబే హైకోర్టుకెక్కగా.. అక్కడా చుక్కెదురైంది. ఆ పిటిషన్ ను కోర్టు కొట్టివేయడంతో ఇక చివరి అస్త్రంగా అయన సుప్రీంకోర్టును ఆశ్రయించారు. ఇండియాలో సెక్స్యువల్ వయొలెన్స్ మీద తెహెల్కా మ్యాగజైన్ అప్పట్లో బోలెడన్ని ఆర్టికల్స్ ప్రచురించింది. అయితే నాడు ఈ పత్రిక ఎడిటర్ మహాశయుడే తనవద్ద పని చేసే మహిళా జర్నలిస్టు పై ‘ అకృత్యానికి ‘ పాల్పడి ‘ కంచే చేను మేసిన ‘ వైనాన్ని గుర్తుకు తెఛ్చి అప్రదిష్టను మూటగట్టుకున్నాడు.

తరుణ్ తేజ్ పాల్ కేసు.. విచారణ కొనసాగాల్సిందే.. సుప్రీంకోర్టు తెహెల్కా మ్యాగజైన్ వ్యవస్థాపకుడు, మాజీ ఎడిటర్ తరుణ్ తేజ్ పాల్ కేసుపై విచారణ కొనసాగాల్సిందేనని సుప్రీంకోర్టు తేల్చి చెప్పింది. ఆయనపై వచ్చిన ఆరోపణలు తీవ్రమైనవని పేర్కొంది. తన వద్ద పని చేసే మహిళా జర్నలిస్టుపై అత్యాచారానికి పాల్పడ్డాడని తరుణ్ తేజ్ పాల్ పై అభియోగాలు వచ్చిన సంగతి తెలిసిందే. గోవాలో ఈ కేసుకు సంబంధించి ఓ ట్రయల్ కోర్టు నిర్వహిస్తున్న విచారణను కొట్టివేయాల్సిందిగా కోరుతూ ఆయన చేసిన అభ్యర్థనను సుప్రీంకోర్టు తోసిపుచ్చింది. పైగా ఈ కేసు విచారణలో ఇప్పటికే జాప్యం జరిగిందని, ఆరు నెలల్లోగా విచారణ ముగించాలని కూడా ఆదేశించింది. తెహెల్కా ఫౌండర్ ఎడిటర్ అయిన తరుణ్ తేజ్ పాల్ 2013 లో గోవాలో జరిగిన ఓ ఈవెంట్ సందర్భంగా ఒక మహిళా జర్నలిస్టు పట్ల అసభ్యంగా ప్రవర్తించాడని నాడు ఆరోపణలు వెల్లువెత్తాయి. ఈవెంట్ జరిగిన ఫైవ్ స్టార్ హోటల్ లోని ఎలివేటర్ లో ఆయన తనపై అత్యాచారం చేశాడని ఆమె ఆరోపించింది. పైగా అప్పట్లో ఆయన తనకు పంపిన ఈ-మెయిల్స్ వివరాలను కూడా బాధితురాలు తన సీనియర్లకు తెలియజేసింది. అప్పటి మేనేజింగ్ ఎడిటర్ సోమా చౌదరి వీటిపై స్పందించారు కూడా. ఈ ఈ-మెయిల్స్ కు సంబంధించిన అంశాలన్నీ లీక్ అయ్యాయి. సంచలనం సృష్టించిన ఈ ఉదంతం తరువాత తరుణ్ తేజ్ పాల్.. తన పదవికి రాజీనామా చేశారు. (ఆరు నెలల పాటు తన విధులకు దూరంగా ఉంటానన్నారు). అయితే బాధితురాలు చేసిన ఫిర్యాదుతో తరుణ్ తేజ్ పాల్ ను క్రైమ్ బ్రాంచి పోలీసులు 2013 నవంబరు 30 న అరెస్టు చేశారు. (ఆయన దాఖలు చేసుకున్న ముందస్తు బెయిలు దరఖాస్తును కోర్టు తోసిపుచ్చింది). అయితే 2014 మే నుంచి ఆయన బెయిలుపై ఉన్నారు. గోవా ఫాస్ట్ ట్రాక్ కోర్టులో తేజ్ పాల్ పై పోలీసులు 2,684 పేజీల చార్జిషీటు దాఖలు చేశారు. ఆయన రెండు సార్లు బాధితురాలిపై లైంగిక దాడికి పాల్పడ్డారని, ఇందుకు సాక్ష్యాధారాలు ఉన్నాయని వారు పేర్కొన్నారు. కానీ ఈ ఆరోపణలన్నీ నిరాధారమైనవని, గోవాలోని బీజేపీ ప్రభుత్వం రాజకీయ కక్ష తోనే తనపై కేసు పెట్టిందని తరుణ్ తేజ్ పాల్ ఆరోపించారు. ఈ కేసును కొట్టివేయాలంటూ ఆయన 2017 లో బాంబే హైకోర్టుకెక్కగా.. అక్కడా చుక్కెదురైంది. ఆ పిటిషన్ ను కోర్టు కొట్టివేయడంతో ఇక చివరి అస్త్రంగా అయన సుప్రీంకోర్టును ఆశ్రయించారు. ఇండియాలో సెక్స్యువల్ వయొలెన్స్ మీద తెహెల్కా మ్యాగజైన్ అప్పట్లో బోలెడన్ని ఆర్టికల్స్ ప్రచురించింది. అయితే నాడు ఈ పత్రిక ఎడిటర్ మహాశయుడే తనవద్ద పని చేసే మహిళా జర్నలిస్టు పై ‘ అకృత్యానికి ‘ పాల్పడి ‘ కంచే చేను మేసిన ‘ వైనాన్ని గుర్తుకు తెఛ్చి అప్రదిష్టను మూటగట్టుకున్నాడు.