Breaking News
  • నల్గొండ: ధర్మారెడ్డిపల్లి కాల్వను పూర్తిచేసి రైతులకు నీరు ఇవ్వాలి. రైతుల ఆత్మహత్యలలో దేశంలో తెలంగాణ మూడో స్థానంలో ఉంది. మిగులు బడ్జెట్‌ ఉన్న తెలంగాణను అప్పుల తెలంగాణగా మార్చారు. అన్ని ప్రాంతాలను సమానంగా చూస్తేనే సీఎం అని అనిపించుకుంటారు. రైతు బంధు నిధులను వెంటనే విడుదల చేయాలి-కోమటిరెడ్డి వెంకట్‌రెడ్డి.
  • కరీంనగర్‌: అల్గునూర్‌ బ్రిడ్జి పైనుంచి పడ్డ కారు. కారులో ప్రయాణిస్తున్న భర్త మృతి, భార్యకు గాయాలు. కాపాడేందుకు వెళ్లిన కానిస్టేబుల్‌ చంద్రశేఖర్‌కు గాయాలు. మృతుడు కరీంనగర్‌కు చెందిన శ్రీనివాస్‌గా గుర్తింపు. కొమురవెళ్లి జాతరకు వెళ్తుండగా ఘటన.
  • సిద్దిపేట: జగదేవపూర్‌లో ఉద్రిక్తత. చైర్మన్‌ పదవి కోసం రెండువర్గాలుగా చీలిన టీఆర్‌ఎస్. ఇంద్రసేనారెడ్డి, శ్రీనివాస్‌రెడ్డి వర్గాల మధ్య ఘర్షణ. శ్రీనివాస్‌రెడ్డి వర్గానికి చెందిన వ్యక్తి ఆత్మహత్యాయత్నం. అడ్డుకున్న పోలీసులు.
  • చెన్నై: విల్లుపురం జిల్లా సెంజిలో అగ్రవర్ణాల దాష్టీకం. పొలాల్లో మల విసర్జన చేశాడని యువకుడిని కొట్టిన అగ్రవర్ణాల పెద్దలు. యువకుడికి తీవ్రగాయాలు, పోలీసులకు సమాచారం ఇచ్చిన స్థానికులు. గాయాలతో ఉన్న యువకుడిని ఇంటికి పంపిన పోలీసులు. ఇంటికి వెళ్లిన కొద్దిసేపటికే యువకుడు మృతి. కుటుంబ సభ్యులు, దళిత సంఘాల ఆందోళన. దాడి చేసినవారిని కఠినంగా శిక్షించాలని డిమాండ్‌.
  • బాబు మాజీ పీఎస్‌ శ్రీనివాస్‌ ఇంట్లో ఐటీ దాడులపై రాజకీయ రచ్చ. వైసీపీ, టీడీపీ పరస్పర విమర్శలు. ట్విట్టర్‌లో చంద్రబాబుపై విజయసాయి ధ్వజం. కౌంటర్‌ ఎటాక్‌ చేసిన టీడీపీ నేతలు. శ్రీనివాస్‌ కమిట్‌మెంట్‌ను మెచ్చుకోవాలి. యజమాని ప్రతి లావాదేవీని డైరీలో రాసుకున్నాడు. దోచుకున్నవి, దొంగ లెక్కలను పర్‌ఫెక్ట్‌గా రికార్డ్‌ చేశాడు-విజయసాయి. దోపిడీదారులు నిప్పుకణికల్లా బిల్డప్‌ ఇస్తుంటారు-విజయసాయి. టీడీపీపై దుష్ప్రచారం చేస్తే చట్టపర చర్యలు-యనమల. ఐటీ దాడులను భూతద్దంలో చూపించారు-యనమల. రూ.2 వేల కోట్ల నగద అని ప్రచారం చేశారు. చంద్రబాబుకు వైసీపీ నేతలు క్షమాపణ చెప్పాలి-యనమల. శ్రీనివాస్‌ ఇంట్లో వేల కోట్లు ఉన్నాయని తప్పుడు ప్రచారం చేశారు-బుచ్చయ్య. వైవీ సుబ్బారెడ్డి మైనింగ్‌లపై విచారణ చేయాలి-బుచ్చయ్య.

Parasite: ఆస్కార్ మూవీకి నోటీసులివ్వనున్న విజయ్ నిర్మాత..!

Parasite movie in trouble, Parasite: ఆస్కార్ మూవీకి నోటీసులివ్వనున్న విజయ్ నిర్మాత..!

Parasite movie: ఇటీవల జరిగిన ఆస్కార్ అవార్డు ప్రధానోత్సవంలో దక్షిణ కొరియన్ సినిమా పారాసైట్ ఏకంగా నాలుగు అవార్డులను సొంతం చేసుకున్న విషయం తెలిసిందే. ఉత్తమ చిత్రం, ఉత్తమ దర్శకుడు, ఉత్తమ స్క్రీన్‌ ప్లే, ఉత్తమ విదేశీ చిత్రం కేటగిరిలో పారాసైట్‌కు నాలుగు అవార్డులు వచ్చాయి. అయితే ఈ అవార్డులు వచ్చిన తరువాత ఈ మూవీ బాగా పాపులర్ అయ్యింది. దీంతో ఆ సినిమాను చూసిన కోలీవుడ్ ‌అభిమానులు ఈ కాన్సెఫ్ట్ మా మూవీ కాపీ అంటూ నెట్టింట్ట తమ అభిప్రాయాలను వ్యక్తపరిచారు.

విజయ్ హీరోగా కేఎస్ రవి కుమార్ తెరకెక్కించిన మిన్సార కన్నా కథను పారాసైట్ పోలి ఉందని పలువురు నెటిజన్లు కామెంట్లు చేశారు. అంతేకాదు షాప్ లిఫ్టర్స్ అనే మూవీ ఛాయలు కూడా పారాసైట్‌లో కనిపించినట్లు కొంతమంది నెటిజన్లు అభిప్రాయపడ్డారు. ఇదిలా ఉంటే మిన్సార కన్న సినిమా హక్కులు తేనప్పన్ అనే నిర్మాత దగ్గర ఉండగా.. పారాసైట్‌పై ఆయన లీగల్ యాక్షన్ తీసుకునేందుకు సిద్ధమవుతున్నట్లు తెలుస్తోంది. ఈ మేరకు ఓ ఇంటర్నేషనల్‌ న్యాయవాదితో ఆయన సంప్రదింపులు జరిపినట్లు తెలుస్తోంది. ఈ క్రమంలో త్వరలోనే పారాసైట్ దర్శకనిర్మాతలకు నోటీసులు ఇవ్వబోతున్నట్లు సమాచారం. కాగా ఈ ఏడాది ఎక్కువ ఆస్కార్‌లు సాధించిన పారాసైట్‌కు.. కాపీ మరకలు అంటడం అంతర్జాతీయంగానూ హాట్‌ టాపిక్‌గా మారింది.