Breaking News
  • అసెంబ్లీ సాక్షిగా ఐదు కోట్ల ఆంధ్రులను మోసం చేశారు. న్యాయం చేయమని రోడ్డుపైకి వచ్చిన మహిళను అరెస్ట్ చేస్తున్నారు. మహిళలపై లాఠీచార్జ్‌ దారుణం-నారా లోకేష్‌. మండలిలో రేపు ఏం జరుగుతుందో ప్రజలే చూస్తారు-లోకేష్‌.
  • బీజేపీ జాతీయ అధ్యక్షుడిగా జేపీ నడ్డా ఎన్నిక సంతోషకరం. తెలంగాణ తరపున అభినందనలు తెలిపాం. తెలంగాణపై దృష్టిపెట్టాలని కోరాం-టీఎస్‌ బీజేపీ చీఫ్‌ డా.లక్ష్మణ్‌. త్వరలో తెలంగాణలో జేపీ నడ్డా పర్యటిస్తారు. కాంగ్రెస్‌, టీఆర్‌ఎస్‌, మజ్లిస్‌ ఒక గూటి పక్షులే-డా.లక్ష్మణ్‌.
  • అమరావతి: పవన్‌తో పోలీసుల మంతనాలు. రాజధాని గ్రామాల పర్యటన వాయిదా వేసుకోవాలంటున్న పోలీసులు.
  • కరీంనగర్‌లో గంజాయి ముఠా గుట్టురట్టు. రూ.30 లక్షల విలువైన గంజాయి పట్టివేత. ముగ్గురు అరెస్ట్‌, ట్రక్‌ స్వాధీనం.
  • చెన్నై విమానాశ్రయంలో భారీగా బంగారం పట్టివేత. అబుదాబి నుంచి చెన్నైకి తరలిస్తున్న 3.7 కేజీల బంగారం పట్టివేత. ముగ్గురిని అదుపులోకి తీసుకుని విచారిస్తున్న కస్టమ్స్ అధికారులు.

కుల మతాలకు అతీతంగా చరిత్ర సృష్టించిన తమిళనాడు మహిళ

Chennai Women Sneha Is The First Citizen In India To Receive No Caste No Religion Certificate, కుల మతాలకు అతీతంగా చరిత్ర సృష్టించిన తమిళనాడు మహిళ

భారతదేశంలో కులం, మతం అనే రెండు అంశాలు ఎప్పటినుంచో ఉన్నాయి. వీటి వల్ల ఇండియాలో ఎన్నో కొట్లాటలు కూడా జరిగాయి. పుట్టుకతో మన కులం, మతం నిర్ణయించబడుతుందని ప్రభుత్వ వ్యవస్థ చెబుతోంది. అలాంటి ఈ కులమతాలతో ఏం సాధించగలమని ఆమె అనుకుంది.? ఇలా అనుకుందో లేదో.. కులం, మతం లేని జీవితం జీవించాలని నిర్ణయించుకుంది. వెంటనే ఆ ప్రయత్నంగా అడుగులు వేసింది. దాదాపు తొమ్మిదేళ్ల పాటు పోరాటం చేయగా.. చివరికి తనకు కులం, మతం లేదంటూ భారతదేశంలోనే ధ్రువీకరణ పత్రం పొందిన తొలి మహిళగా అందరి దృష్టిని ఆకర్షించింది. ఆమె ఎవరో కాదు.. తమిళనాడులోని వెల్లూరు జిల్లా తిరుపత్తూర్‌కు చెందిన స్నేహ పార్తీబారాజా. అసలు ఆమె ఎందుకు ఇలాంటి నిర్ణయం తీసుకోవాల్సి వచ్చిందో ఇప్పుడు తెలుసుకుందాం.

స్వతహాగా లాయర్ అయిన స్నేహకు.. చిన్నప్పటి నుంచి వాళ్ళ అమ్మానాన్నలు కులం, మతం అనేది తెలియకుండా పెంచారు. స్కూల్లో, కాలేజీల్లో సైతం కులం పేరు నమోదు చేయలేదు. దీంతో కుల, మతాలకు అతీతంగా ఆమె పెరిగింది. ఇక ఇదే సమయంలో కులం, మతం లేకుండా సర్టిఫికెట్ ఉంటే బాగుంటుందని స్నేహాకు అనిపించింది. ప్రభుత్వమే అలాంటి సర్టిఫికెట్‌ను ఇస్తే కుల నిర్మూలనకు మంచి ఆరంభం అవుతుందనుకుంది. కానీ ఆ సర్టిఫికెట్ పొందటం అంత సులువు కాదు.. దానికోసం ఆమె ఏకంగా తొమ్మిదేళ్లు పోరాటం చేయాల్సి వచ్చింది.

మొదట్లో స్నేహాకు అధికారులు కులం లేదంటూ సర్టిఫికెట్ ఇవ్వడం కుదరదని తేల్చి చెప్పారు. అయినా కూడా ఆమె పట్టు విడవలేదు. కలెక్టర్ వరకు వెళ్ళింది. అప్పుడు క్యాస్ట్ సర్టిఫికెట్ మాదిరిగానే కులం, మతం లేదని సర్టిఫికెట్ కోసం ప్రత్యేకంగా దరఖాస్తు చేసుకోవాలని సూచించారు. దానికి అనుగుణంగా అధికారులు విషయాలన్నింటిని పరిశీలించారు. అప్పటి సబ్ కలెక్టర్.. తహసీల్దార్‌కు రికమండ్ చేయగా ఫిబ్రవరి 5, 2019న కులం, మతం లేదంటూ సర్టిఫికెట్‌ను స్నేహాకు అందజేశారు. దీంతో కులం, మతం లేదన్న సర్టిఫికెట్ పొందిన తొలి మహిళగా రికార్డు సృష్టించింది.