Breaking News
  • కాశ్మీర్లో ఉగ్రవాదుల గ్రనేడ్ దాడి. అనంత్‌నాగ్ సమీపంలోని బిజ్‌బెహారా వద్ద ఘటన. సీఆర్పీఎఫ్ క్యాంపుపై గ్రనేడ్ విసిరిన ఉగ్రవాదులు. ఘటనలో ఎవరూ గాయపడలేదని సీఆర్పీఎఫ్ వెల్లడి.
  • మూడోరోజు రాత్రి శ్రీవేంకటేశ్వర స్వామి వారికి జరిగే సుకుమార సేవగా ముత్యపుపందిరి వాహనాన్ని చెప్పవచ్చు. ముక్తి సాధనకు ముత్యం లాంటి స్వచ్ఛమైన మనసు కావాలని లోకానికి ఈ వాహనం ద్వారా స్వామివారు చాటి చెబుతారు. శ్రీనివాసుడు ముత్యపు పందిరిపై మనోరంజకంగా దర్శనమిస్తూ భక్తులకు కనువిందు చేస్తాడు.
  • రానున్న జిహెచ్ఎంసి ఎన్నికల నేపథ్యంలో అన్ని రాజకీయ పార్టీలకు రాష్ట్ర ఎన్నికల సంఘం లేఖ. కోవిడ్ నేపథ్యంలో బ్యాలెట్ పేపర్ లేదా ఈవీఎంల ద్వారా ఎన్నికల నిర్వహణకు సంబంధించి పార్టీల అభిప్రాయం తెలపాలని సూచన. ఈనెల 30వ తేదీ లోపు తమ అభిప్రాయాలు, సూచనలు ఇవ్వాలని లేఖలో పేర్కొన్న రాష్ట్ర ఎన్నికల సంఘం. ఈనెల 30వ తేదీ తరువాత ఇచ్చే సూచనలు పరిగణనలోకి తీసుకోబడవని తేల్చి చెప్పిన రాష్ట్ర ఎన్నికల సంఘం.
  • కోవిడ్ సమయంలో ఎన్నికల నిర్వహణపై ముగిసిన అంతర్జాతీయ సదస్సు. వీడియో కాన్ఫరెన్సు ద్వారా చర్చించుకున్న పలు దేశాల ఎన్నికల సంఘాలు. స్వేచ్ఛాయుతంగా, పారదర్శకంగా సకాలంలో ఎన్నికల నిర్వహణపై చర్చ. కోవిడ్ సమయంలో ఎన్నికల నిర్వహణపై అభిప్రాయాలు, అనుభవాలు, ఆలోచనలను పంచుకున్న ఎన్నికల సంఘాలు. మహమ్మారి సందర్భంగా అనుసరించాల్సిన ప్రొటోకాల్స్‌పై మేథోమధనం.
  • 2021-22 సంవత్సరానికి ఆరు రబీ పంటలకు కనీస మద్దతు ధరను పెంచుతూ కేంద్రం నిర్ణయం. లోక్ సభలో ప్రకటన చేసిన కేంద్ర వ్యవసాయ శాఖ మంత్రి నరేంద్రసింగ్ తోమర్. మద్దతు ధర తొలగించబడుతుందనే అసత్యాలు తొలగించడానికి కేంద్ర ప్రభుత్వం స్పష్టమైన సందేశాన్ని ఇస్తుంది. గోధుమలకు క్వింటాకు 50రూ పెంపు. శెనగలు క్వింటాకు 225 రు పెంపు. మసూర్ దాల్ క్వింటాకు 300రూ పెంపు. ఆవాలు క్వింటాకు 225రూ పెంపు. బార్లీ క్వింటాకు 75రూ పెంపు. కుసుమలు క్వింటాకు 112 రూ పెంపు.
  • ఈనెల 28,29న తెలంగాణ ఎంసెట్ అగ్రికల్చర్, మెడికల్ ప్రవేశ పరీక్ష. ఆన్లైన్ ద్వారా పరీక్ష నిర్వహించనున్న జేఎన్టీయూ. మొత్తం 84 పరీక్ష కేంద్రాల్లో 67 తెలంగాణ,17 ఏపీ పరీక్ష కేంద్రాల ఏర్పాటు. పరీక్ష కు హాజరుకానున్న 78970 మంది విద్యార్థులు. రెండు రోజులు రెండు సెషన్స్ లో ఎక్జాం. నేటి నుండి ఈనెల 25 హాల్ టికెట్స్ వెబ్ సైట్ లో అందుబాటు.
  • మాజీ అడ్వకేట్ జనరల్ దమ్మాలపాటి శ్రీనివాస్ కేసులో సుప్రీం కోర్టులో పిటిషన్ దాఖలు చేసిన ఏపీ ప్రభుత్వం . ఏపీ హైకోర్టు ఇచ్చిన స్టే ఎత్తివేయాలని పిటిషన్ లో వినతి. దర్యాప్తును నిలిపివేస్తూ కొద్ది రోజుల క్రితం తీర్పునిచ్చిన హైకోర్టు. కేసు దర్యాప్తుపై స్టే విధించడం వల్ల కీలకమైన ఆధారాలను నిందితులు నాశనం చేసే అవకాశం ఉందని పిటిషన్లో వాదన.

కటౌట్లపై తమిళ స్టార్ల చొరవ.. టాలీవుడ్ హీరోల మౌనం!

Why Telugu Actors Not Respond On Social Activites, కటౌట్లపై తమిళ స్టార్ల చొరవ.. టాలీవుడ్ హీరోల మౌనం!

సినిమాలతో పాటు సోషల్ యాక్టివిటీస్‌లో కూడా తమిళ హీరోలు ఎక్కువగా పాల్గొంటారు. తంబీలకు కష్టమొచ్చిందంటే చాలు.. అక్కడి రాజకీయ నాయకులకంటే ముందుగా హీరోలే స్పందిస్తుంటారు. నాడు తమిళనాడు వరదల్లో మునిగిన వేళ.. టాప్ హీరోలు సైతం సామాన్యుల మాదిరి అందరితోనే సామాన్లు మోశారు. ఇంకా చెప్పాలంటే జల్లికట్టు వివాద సమయంలో కూడా హీరోల పాత్ర కీలకమని చెప్పడంలో వింతేమీ లేదు.  పేదవాళ్ళు కష్టాల్లో ఉంటే చాలు విరాళాలు సేకరించి ఆదుకుంటారు. ఈ తమిళ హీరోలు తాజాగా చెన్నైలో చోటు చేసుకున్న ఓ విషాద ఉదంతంపై గళం విప్పడమే కాకుండా హైకోర్టు కూడా స్పందించేలా చేశారు.

పళ్లికరనై సమీపంలో టూవీలర్ మీద వెళుతున్న శుభశ్రీ అనే మహిళపై భారీ ఫ్లెక్సీ పడింది. ఆమె కింద పడిపోగా.. అంతలోనే వాటర్ ట్యాంకర్ ఆమె మీద దూసుకుపోవటంతో అక్కడికక్కడే ప్రాణాలు కోల్పోయింది. అధికార పార్టీకి చెందిన నేత కోసం ఏర్పాటు చేసిన ఈ బ్యానర్ పైన తీవ్ర విమర్శలు వెల్లువెత్తాయి. ఇక ఈ ఉదంతంపై కోలీవుడ్ అగ్రనాయకులు పెదవి విప్పటమే కాకుండా.. తమ ఫ్యాన్స్‌కు బ్యానర్లు ఏర్పాటు చేయొద్దని.. పెద్ద పెద్ద కటౌట్లు పెట్టొద్దని సూచించారు.

ఏ హీరో సినిమా రిలీజైనా సదురు హీరో అభిమానులు పెద్ద పెద్ద బ్యానర్లు, కటౌట్లు పెట్టి హడావుడి చేస్తారు. ఇకపై అలాంటి హంగూ ఆర్భాటాలకు దూరంగా ఉండాలని నిర్ణయానికి వచ్చారు తమిళ హీరోలు. తమ సినిమా ప్రమోషన్స్‌కు గానీ.. ప్రెస్ మీట్స్, ప్రోగ్రామ్స్ ఏదైనా కూడా బ్యానర్లు, కటౌట్లను ఏర్పాటు చేయొద్దని విన్నవించుకుంటున్నారు.

కమల్ హాసన్, సూర్య, విజయ్.. వంటి స్టార్ హీరోలు ఇప్పటికే ఈ విషయాన్ని అభిమానులకు తెలిపారు. వీరందరూ కూడా ఇలాంటి తరహా వేడుకల్ని నిషేధించి.. సామాజిక సేవా కార్యక్రమాలను మొదలు పెట్టాలని గట్టిగానే వార్నింగ్ ఇచ్చారు. రక్త దానాలు, పేదవారికి సహపడటం, విద్యార్థులకు సాయం చేయడం, ఇతర సేవా కార్యక్రమాల్లో పాల్గొనాలని పిలుపునిచ్చారు.

కటౌట్ వల్ల ఓ నిండు ప్రాణం బలవడంతో తమిళ హీరోలంతా గట్టిగా స్పందిస్తే.. తెలుగు హీరోలు మాత్రం ఇలాంటి అంశాలపై ఇప్పటి వరకు ఎవరూ స్పందించకపోవడం గమనార్హం. విజయ్ దేవరకొండ, సంపూర్ణేష్ బాబు, సందీప్ కిషన్, పలు యంగ్ హీరోలు మాత్రం అప్పుడప్పుడు సామాజిక సేవా కార్యక్రమాలు చేపడుతుంటే.. స్టార్ హీరోలు మాత్రం సోషల్ ఇష్యూ‌లుపై స్పందించకపోవడం విచారకరం.

Related Tags