Breaking News
  • ప్రధాని శంకుస్థాపన చేసిన రాజధానిని మార్చే హక్కు ఎవరికీ లేదు. సుప్రీంకోర్టు, రాష్ట్రపతి ఒప్పుకుంటేనే హైకోర్టు కదులుతుంది-కేశినేని. అమరావతి రక్షణకు పార్లమెంటు వేదికగా పోరాటం చేస్తాం-కేశినేని.
  • చిత్తూరు: తిరుచానూరు పీఎస్‌ నుంచి బేడీలతో పరారైన దొంగ. ట్రాక్టర్‌ దొంగతనం కేసులో నాగరాజును అరెస్ట్‌చేసిన పోలీసులు. దొంగ నాగరాజు కోసం గాలిస్తున్న పోలీసులు.
  • ఢిల్లీ: ఆప్‌ ప్రభుత్వంపై బీజేపీ తీవ్ర విమర్శలు. నిర్భయ దోషులను రక్షించేందుకు ఆప్‌ ప్రభుత్వం యత్నిస్తోంది. కావాలనే న్యాయ ప్రక్రియను ఆలస్యం చేస్తోంది-మనోజ్‌ తివారీ. పోలీసులు తమ పరిధిలో లేరని తప్పించుకోవాలని ఆప్‌ చూస్తోంది -బీజేపీ ఢిల్లీ చీఫ్‌ మనోజ్‌ తివారీ.
  • అనంతపురం: తాడిపత్రిలో కత్తిపోట్లు. డబ్బుల విషయంలో స్నేహితుల మధ్య ఘర్షణ. రాము అనే వ్యక్తిని కత్తితో పొడిచిన రవితేజ. ఆస్పత్రికి తరలిస్తుండగా మృతి చెందిన రాము.
  • రైతులు కన్నీళ్లు పెట్టినా సీఎం మనసు కరగడం లేదు. రాష్ట్రంలో పోలీస్‌ రాజ్యం నడుస్తోంది-దేవినేని ఉమ. విశాఖలో భూదందా నడుస్తోంది-మాజీ మంత్రి దేవినేని ఉమ. రియల్‌ ఎస్టేట్‌ వ్యాపారం కోసం రాజధానిని విశాఖకు తరలిస్తున్నారు. పులివెందుల పులి డమ్మీ కాన్వాయ్‌తో వెళ్తోంది. దేశ చరిత్రలో డమ్మీ కాన్వాయ్‌తో వెళ్లిన సీఎం చరిత్రలో లేరు. సచివాలయానికి వెళ్లేందుకు మెటల్‌ రోడ్డు వేసుకుంటున్నారు. 5 కోట్ల మంది ప్రజలు రేపు రోడ్లపైకి రావాలి-దేవినేని ఉమ.

హారర్ కామెడీ సీక్వెల్‌లో తమన్నా..?

, హారర్ కామెడీ సీక్వెల్‌లో తమన్నా..?

టాలీవుడ్ హారర్ కామెడీ సిరీస్‌ ‘రాజు గారి గది’లో మూడో భాగం రానుంది. ఇందుకోసం ఇప్పటికే కథను సిద్ధం చేసుకున్న ఓంకార్ ప్రస్తుతం స్క్రిప్ట్‌పై కసరత్తులు చేస్తున్నాడు. మరోవైపు కథాకథానాయికలను ఎంపిక చేస్తున్నాడు. ఇక తాజా సమాచారం ప్రకారం ఇందులో మెయిన్ లీడ్‌గా మిల్కీ బ్యూటీ తమన్నాను సంప్రదించినట్లుగా తెలుస్తోంది. కథ తమన్నాకు చాలా నచ్చిందని, డేట్స్ గురించి ప్రస్తుతం చర్చలు జరుగుతున్నాయని టాక్.

అయితే హారర్ కామెడీలో నటించడం తమన్నాకు కొత్తేం కాదు. గతంలో ప్రభుదేవా సరసన దేవి(తెలుగులో అభినేత్రి)లో నటించిన తమన్నా.. ప్రస్తుతం ఆ మూవీ సీక్వెల్‌లో కూడ నటిస్తోన్న విషయం తెలిసిందే.

కాగా హారర్ కామెడీగా తెరకెక్కిన రాజు గారి గది మొదటి భాగం అందరినీ ఆకట్టుకోవడంతో పాటు మంచి కలెక్షన్లను సాధించింది. దీంతో నాగార్జున, సమంత ప్రధానపాత్రలలో రెండో భాగాన్ని తెరకెక్కించాడు ఓంకార్. అయితే ఈ సినిమా ప్రేక్షకుల అంచనాలను చేరుకోలేకపోయింది.