Breaking News
  • ఢిల్లీ: భారత్ లో విజృంభిస్తున్న కరోనా వైరస్. ఒక లక్ష 51 వేల మార్క్ ని దాటినా కరోనా పాజిటివ్ కేస్ లు దేశవ్యాప్తంగా కరోనా పాజిటివ్ కేసులు : 151767 దేశ వ్యాప్తంగా యాక్టీవ్ కేసులు: 83004 కరోనా నుంచి డిశ్చార్జ్ అయిన బాధితులు: 64426 దేశం మొత్తం కరోనా తో మృతుల సంఖ్య : 4337 కేంద్ర ఆరోగ్య మంత్రిత్వ శాఖ
  • కరోనా తెలంగాణా బులిటిన్. ఇవ్వాళ తాజాగా 71 పాజిటివ్ కేసులు నమోదు. మొత్తం రాష్ట్రంలో 1991 కరోనా పాజిటివ్ కేసులు . ఇవ్వాళ మృతులు 1. మొత్తం ఇప్పటివరకు 57 మంది కరోనా కు బలి అయ్యారు. యాక్టీవ్ కేసులు 650 మంది చికిత్స పొందుతున్నారు.
  • ఈ రోజు ఒకరికి CRPF జవాన్ కి కరోనా పాజిటివ్ ఉన్నట్లు దృవీకరించిన వైద్యులు. దేశ వ్యాప్తంగా మొత్తం 369 CRPF సిబ్బందికి కరోనా పాజిటివ్ ఉన్నట్లు దృవీకరణ 141 యాక్టీవ్ కేస్ లు. 226 మంది డిశ్చార్జ్. ఇద్దరు మృతి.
  • ఢిల్లీ: తబ్లిఘి జమాత్ కేసుకు సంబంధించి 294 మంది విదేశీయుల పై 15 చార్జిషీట్లను సాకేత్ కోర్టులో దాఖలు చేయనున్న ఢిల్లీ పోలీసులు.
  • అమరావతి: అధికార వికేంద్రీకరణ బిల్లు పరిశీలనకు మండలి చైర్మన్ సెలెక్ట్ కమిటీ వేయాలని ఆదేశించిన అమలు కావడం లేదని హైకోర్టులో పిటిషన్ వేసిన టీడీపీ ఎమ్మెల్సీ దీపక్ రెడ్డి. 8 మంది సభ్యులతో కమిటీ వేయాలని మండలి చైర్మన్ ఆదేశించినా మండలి కార్యదర్శి అమలు చేయడం లేదని పిటిషన్ లో తెలిపిన దీపక్ రెడ్డి. నేడు విచారణ జరపనున్న హైకోర్టు.
  • హైకోర్టు జడ్జీలను కించపరుస్తూ పెట్టిన పోస్టులను హైకోర్టు సుమోటోగా స్వీకరించటంపై హర్షం వ్యక్తంచేసిన సిపిఐ రాష్ట్ర కార్యదర్శి కె రామకృష్ణ. ప్రభుత్వం చేస్తున్న తప్పులను హైకోర్టు అడ్డుకుంటే ప్రజా ప్రతినిధులయ్యుండి సిగ్గులేకుండా హైకోర్టు వ్యతిరేకంగా పోస్టులు పెడతారా? హైకోర్టు జడ్జిలపై పోస్టులను హైకోర్టు సుమోటోగా స్వీకరించి 49 మందికి నోటీసులు జారీ చేసింది. ముఖ్యమంత్రి జగన్మోహన్ రెడ్డి ఇలాంటి తొట్టిగ్యాంగ్ ను ప్రోత్సహించటం సరికాదు. ప్రభుత్వానికి వ్యతిరేకంగా పోస్టులు పెడితే కేసులు పెడుతున్న ప్రభుత్వం హైకోర్టు జడ్జిలపై పోస్టులు పెట్టే వారిని ఎందుకు కాపాడుతున్నది? పోస్టులు పెట్టిన వారిపై తక్షణం చర్యలు తీసుకోవాలి - రామకృష్ణ.

Talasani warning దద్దమ్మ మాటలకు ధీటుగా రిప్లై.. తలసాని వార్నింగ్

తెలంగాణ మంత్రి తలసాని శ్రీనివాస్ యాదవ్ కాంగ్రెస్ నేతలకు సీరియస్ వార్నింగ్ ఇచ్చారు. కరోనా నియంత్రణకు పటిష్టమైన చర్యలు తీసుకుంటుంటే వాటిని చూడలేని కాంగ్రెస్ నేతలు దద్దమ్మ మాటలు మాట్లాడుతున్నారని, వాటికి ధీటుగా సమాధానం చెబుతామని తలసాని హెచ్చరించారు.
talasani warns congress leaders, Talasani warning దద్దమ్మ మాటలకు ధీటుగా రిప్లై.. తలసాని వార్నింగ్

Talasani warns congress leaders: తెలంగాణ మంత్రి తలసాని శ్రీనివాస్ యాదవ్ కాంగ్రెస్ నేతలకు సీరియస్ వార్నింగ్ ఇచ్చారు. కరోనా నియంత్రణకు పటిష్టమైన చర్యలు తీసుకుంటుంటే వాటిని చూడలేని కాంగ్రెస్ నేతలు దద్దమ్మ మాటలు మాట్లాడుతున్నారని, వాటికి ధీటుగా సమాధానం చెబుతామని తలసాని హెచ్చరించారు. కరోనా నియంత్రణా చర్యలపై ముఖ్యమంత్ర కేసీఆర్ నిర్వహించిన సమీక్షలో పాల్గొన్న తర్వాత మంత్రి తలసాని మీడియాతో మాట్లాడారు.

సీఎం కేసీఆర్ కరోనా నివారణకు అనేక చర్యలు తీసుకుంటున్నారని, ప్రజలందరూ లాక్ డౌన్ కు సహకరిస్తున్నారని ఆయన అన్నారు. తెలంగాణ రాష్ట్ర వ్యాప్తంగా 20వేల బెడ్స్ అందుబాటులో ఉంచామని చెప్పారు. తెలంగాణ ప్రజలతో సమానంగా వలస జీవులకు నిత్యవసర సరుకులు అందిస్తున్నామని తెలిపారు. వైద్యపరంగా ప్రభుత్వం అన్ని వసతులు కల్పించిందన్నారు.

నిత్యావసర సరుకుల సాకుతో కొంతమంది రోడ్లెక్కుతున్నారని, మరికొంత మంది దద్దమ్మలు గాలిమాటలు మాట్లాడుతున్నారని ఆగ్రహం వ్యక్తం చేశారు మంత్రి తలసాని. ఇలాంటి సమయంలో ప్రజలను తప్పుదారి పట్టించొద్దని కాంగ్రెస్ నేతలకు సూచించారు. కాంగ్రెస్ అధికారంలో ఉన్నప్పుడు మీడియాకు ఇచ్చిన గౌరవం ఏంటో అందరికి తెలుసన్నారు తలసాని.

ప్రపంచ అగ్ర దేశాలు సైతం బయో మెడిసిన్ ఇండియాను అడిగే పరిస్థితి ఇప్పుడు ఉందని అన్న మంత్రి, విమర్శలు చేసే వాళ్ళు ఇన్ని రోజులు ఎక్కడికి వెళ్లారని ప్రశ్నించారు. జ్ఞానం లేని వ్యక్తులు మాట్లాడిన మాటలు వింటే నవ్వొస్తుందని వ్యంగ్యంగా అన్నారాయన. మీడియాలో కనిపించాలనే ప్రతిపక్ష నేతలు విమర్శలు చేసారని, కాంగ్రెస్ నేతలు పనికిరాని దద్దమ్మలని తలసాని మండిపడ్డారు.

Related Tags