చలికాలం.. పెరిగిపోతున్న చలి.. అందులోనూ తెల్లవారుజాము.. ఇంకేముంది వెచ్చగా దుప్పటి కప్పుకుని కాసేపు పడుకోవాలని(Sleeping) అనిపించని వారు ఎవరూ ఉండరు. ఉదయాన్నే లేవాల్సిన పని ఉంది అలారం పెట్టుకున్నా.. దాని పీక నొక్కేసి మరీ మరో పది నిమషాలు ముసుగేసుకుని పడుకోవడం సహజం.
అవసరానికి మించి నిద్రపోవడం, దానికంటే తక్కువ నిద్రపోవడం రెండూ ఆరోగ్యానికి మంచిది కాదు. అలాంటి వారిలో ఆలోచించే శక్తి, అర్థం చేసుకునే శక్తి తగ్గిపోతుంది. వాషింగ్టన్ యూనివర్సిటీకి చెందిన పరిశోధకులు తమ పరిశోధనలో ఈ విషయాన్ని వెల్లడించారు.
