Sye Raa: లైక్స్ జోరు.. వ్యూస్ బేజారు!
మెగా ఫ్యాన్స్ ఎప్పుడెప్పుడా అని ఎదురు చూస్తున్న ‘సైరా’ టీజర్ వచ్చేసింది. మెగాస్టార్ చిరంజీవి ప్రధాన పాత్రలో దర్శకుడు సురేందర్ రెడ్డి తెరకెక్కించిన ప్రతిష్టాత్మక చిత్రం ‘సైరా నరసింహారెడ్డి’. స్వాతంత్య్ర సమరయోధుడు ఉయ్యాలవాడ నరసింహారెడ్డి జీవితకథ ఆధారంగా ఈ మూవీ రూపొందింది. భారీ బడ్జెట్తో తెరకెక్కించిన ఈ చిత్రాన్ని హీరో రామ్ చరణ్ తన సొంత బ్యానర్ కొణిదెల ప్రొడక్షన్స్ పై నిర్మిస్తున్నాడు. పవన్ కళ్యాణ్ వాయిస్తో ప్రారంభమైన టీజర్ పలు యాక్షన్ సన్నివేశాలతో ప్రేక్షకులను ఆకట్టుకునే […]
మెగా ఫ్యాన్స్ ఎప్పుడెప్పుడా అని ఎదురు చూస్తున్న ‘సైరా’ టీజర్ వచ్చేసింది. మెగాస్టార్ చిరంజీవి ప్రధాన పాత్రలో దర్శకుడు సురేందర్ రెడ్డి తెరకెక్కించిన ప్రతిష్టాత్మక చిత్రం ‘సైరా నరసింహారెడ్డి’. స్వాతంత్య్ర సమరయోధుడు ఉయ్యాలవాడ నరసింహారెడ్డి జీవితకథ ఆధారంగా ఈ మూవీ రూపొందింది. భారీ బడ్జెట్తో తెరకెక్కించిన ఈ చిత్రాన్ని హీరో రామ్ చరణ్ తన సొంత బ్యానర్ కొణిదెల ప్రొడక్షన్స్ పై నిర్మిస్తున్నాడు.
పవన్ కళ్యాణ్ వాయిస్తో ప్రారంభమైన టీజర్ పలు యాక్షన్ సన్నివేశాలతో ప్రేక్షకులను ఆకట్టుకునే విధంగా ఉంది. చిరంజీవి ఎంట్రీ, అమిత్ త్రివేది బ్యాగ్రౌండ్ స్కోర్ అద్భుతంగా ఉన్నాయి. నయనతార హీరోయిన్గా నటిస్తున్న ఈ చిత్రంలో అమితాబ్, విజయ్ సేతుపతి, సుదీప్, తమన్నా వంటి స్టార్ నటీనటులు కీలక పాత్రల్లో కనిపించనున్నారు. తెలుగు, మలయాళం, కన్నడ భాషల్లో విడుదలైన ఈ టీజర్.. కేవలం తెలుగులో మాత్రమే తక్కువ వ్యూస్ రాబట్టుకుంది. అయితే ఇక్కడో విచిత్రమేమిటంటే టీజర్ లైక్స్ ప్రతి నిమిషానికి డబుల్ అవుతూనే ఉన్నాయి. దాదాపు గంటలోనే 144k లైక్స్ సాధించి కొత్త రికార్డ్స్ సృష్టిస్తోంది. కొంతమంది అయితే అనుమానాలు వ్యక్తం చేస్తుంటే.. మెగా ఫ్యామిలీ ఫ్యాన్స్ మాత్రం ఇది మెగాస్టార్ చిరంజీవి స్టామినాకు నిదర్శనమని అంటున్నారు.