Breaking News
  • విశాఖ: సింహాద్రి అప్పన్నస్వామికి స్వర్ణ తులసీ దళాలు సమర్పణ. రూ.25 లక్షలు విలువైన 50 స్వర్ణ తులసీ దళాలు సమర్పించిన బోకం శ్రీనివాసరావు దంపతులు. గతంలోనూ పలు కానుకలు సమర్పించిన శ్రీనివాసరావు.
  • అమరావతి: ఓఎన్‌జీసీ, గెయిల్‌ అధికారులతో మంత్రి పెద్దిరెడ్డి భేటీ. మత్స్యకారులకు చేయూతనివ్వాలని కోరిన పెద్దిరెడ్డి రామచంద్రారెడ్డి. కార్పొరేట్‌ రెస్పాన్స్‌బిలిటీ కింద 2శాతం చెల్లించాలని కోరిన మంత్రి. గతంలో రూ.150 కోట్లు ఇస్తామని ఓఎన్‌జీసీ, గెయిల్‌ అంగీకారం. బకాయిలు రూ.82.12 కోట్లు వెంటనే చెల్లించాలని కోరిన పెద్దిరెడ్డి. ఆయిల్ నిక్షేపాల వెలికితీత సమయంలో మత్స్య సంపదకు నష్టం కలుగకుండా జాగ్రత్తలు తీసుకోవాలని సూచన.
  • తిరుపతి: మీడియాతో మాజీ సీఎం కిరణ్‌ కుమార్‌రెడ్డి చిట్‌చాట్‌. పీసీసీ చీఫ్‌ పదవి మీడియా ఊహగానాలేనన్న కిరణ్‌కుమార్‌రెడ్డి. పీసీసీ చీఫ్‌ పదవిపై అంతగా ఆసక్తి లేదన్న మాజీ సీఎం. తాజా రాజకీయాల తీరుపై తీవ్ర అసంతృప్తి. తాను తిరుపతిలో తెలుగు మహాసభలను ఘనంగా నిర్వహించానన్న కిరణ్‌. చిత్తూరు జిల్లాలో తాను ప్రారంభించిన తాగు, సాగు నీరు ప్రాజెక్టు కొనసాగించకపోవడం పట్ల ఆవేదన. తిరుపతిలో అంతర్జాతీయ స్టేడియం నిర్మించకపోవడంపై అసంతృప్తి.
  • సైదాబాద్‌ పీఎస్‌లో అక్బరుద్దీన్‌పై కేసునమోదు. అక్బరుద్దీన్‌పై క్రిమినల్‌ కేసు నమోదు చేయాలని సైదాబాద్‌ పోలీసులను ఆదేశించిన నాంపల్లి కోర్టు. భారత దేశ సార్వభౌమత్వాన్ని సవాల్‌ చేసిన అక్బరుద్దీన్‌. న్యాయవాది కరుణసాగర్‌ ఫిర్యాదుతో కేసునమోదు.
  • గుంటూరు: దుర్గి మండలం ధర్మవరంలో జనసేన నేతల పర్యటన. బోనబోయిన శ్రీనివాస్‌యాదవ్‌ ఆధ్వర్యంలో కార్యకర్తలకు పరామర్శ. గ్రామంలో తిరునాళ్ల సందర్భంగా పోలీసులు, గ్రామస్తుల మధ్య ఘర్షణ. గురజాల డీఎస్పీ శ్రీహరిని కలిసిన జనసేన నేతలు. గొడవతో సంబంధం లేని వారిని కేసుల నుంచి తొలగించాలని విజ్ఞప్తి. గురజాల సబ్‌జైలులో ఉన్న ధర్మవరం జనసైనికులకు పరామర్శ.
  • తూ.గో: రాజమండ్రి దగ్గర పురాతన హెవలాక్‌ బ్రిడ్జిని పరిశీలించిన ఎంపీ మార్గాని భరత్‌, టూరిజం ఎండీ ప్రవీణ్‌కుమార్‌. హెవలాక్‌ బ్రిడ్జిని పర్యాటక కేంద్రంగా తీర్చుదిద్దనున్న ప్రభుత్వం. వాకింగ్‌, సైక్లింగ్‌ ట్రాక్‌, ఫుడ్‌బజార్‌, ఫ్యాషన్‌ బజార్లకు ఏర్పాటు. 40 అడుగుల మేర ట్రాక్‌ ఏర్పాటు చేయాలని కోరిన ఎంపీ. త్వరలో పనులు ప్రారంభిస్తామన్న ఎండీ ప్రవీణ్‌కుమార్‌.

బాక్సాఫీస్ బాద్ షా చిరు.. ‘సాహో’ను దాటేసిన ‘సైరా’!

Sye Raa First Day Collections Beats Saaho Records, బాక్సాఫీస్ బాద్ షా చిరు.. ‘సాహో’ను దాటేసిన ‘సైరా’!

మెగా ఫ్యాన్స్ ఎంతగానో ఎదురు చూసిన ‘సైరా’ మూవీ థియేటర్లలోకి వచ్చింది. తొలి స్వాతంత్ర్య సమరయోధుడు ఉయ్యాలవాడ నరసింహారెడ్డి పాత్రలో మెగాస్టార్ చిరంజీవి నటనకు అభిమానులు బ్రహ్మరథం పడుతున్నారు. దాదాపు 280 కోట్ల వ్యయంతో భారీ అంచనాలతో విడుదలైన ఈ చిత్రానికి అన్ని చోట్లా పాజిటివ్ రెస్పాన్స్ వచ్చింది. బాస్ సినిమాకు ఫ్యాన్స్ క్యూ కడుతున్నారు. దీంతో ట్రేడ్ వర్గాల అంచనాల ప్రకారం మొదటి రోజు ‘సైరా’ రెండు తెలుగు రాష్ట్రాల్లోనూ కలిపి రూ.38 కోట్లు వసూళ్లు చేసిందని సమాచారం. అయితే నైజాంలో మాత్రం ‘బాహుబలి’, ‘సాహో’ కలెక్షన్స్ కంటే తక్కువగా రూ.8.10 కోట్లు వసూల్ చేయడం గమనార్హం.

దీన్ని బట్టి చూస్తే మెగాస్టార్ చిరంజీవి మళ్ళీ బాక్స్ ఆఫీస్ బాద్ షా పీఠం అధిరోహించాడని చెప్పొచ్చు. తెలుగు రాష్ట్రాల్లో రెండింట్లో కలిపి ‘సైరా’ వసూళ్ల సంఖ్య 37-40 కోట్ల షేర్ ఉంటుందని సినీ విశ్లేషకులు అంటున్నారు. దీంతో ప్రభాస్ ‘సాహో’పై ఉన్న మొదటి రోజు రికార్డును చిరు ‘సైరా’ చెరిపేసిందని మెగా ఫ్యాన్స్ సంబరాలు చేసుకుంటున్నారు. ‘సాహో’.. ఆంధ్రప్రదేశ్, తెలంగాణాల్లో మొదటి రోజు రూ.36.5 కోట్లు కలెక్ట్ చేసిన విషయం తెలిసిందే.