మీ అద్భుత విజయంలో నన్ను భాగం చేశారు.. చాలా థ్యాంక్స్

మెగాస్టార్ చిరంజీవి నటించిన ప్రతిష్టాత్మక భారీ బడ్జెట్ చిత్రం సైరా నరసింహారెడ్డి. తొలి స్వాతంత్య్ర సమరయోధుడు ఉయ్యాలవాడ నరసింహారెడ్డి జీవిత చరిత్ర ఆధారంగా తెరకెక్కిన ఈ చిత్రం బాక్సాఫీస్ వద్ద వసూళ్ల వర్షం కురిపిస్తూ.. మెగాస్టార్ స్టామినాను చాటుతోంది. ఇక ఈ మూవీలో అనుష్క అతిథి పాత్రలో నటించిన విషయం తెలిసిందే. ఉయ్యాలవాడ నరసింహారెడ్డి స్ఫూర్తితో బ్రిటీష్ వారితో పోరాడిన ఝాన్సీ లక్ష్మీభాయ్‌గా ఈ యోగా బ్యూటీ నటించింది. సైరాలో ఈ పాత్ర చిన్నదే అయినప్పటికీ.. ఝాన్సీ లక్ష్మీభాయ్‌గా అనుష్క అద్భుతంగా నటించింది. ఇక తాజాగా ఈ మూవీ విజయంపై సోషల్ మీడియాలో స్పందించిన అనుష్క.. చిత్ర యూనిట్‌ను థ్యాంక్స్ చెప్పింది.

‘‘తొలి స్వాతంత్ర్య సమరయోధుడు ఉయ్యాలవాడ నరసింహారెడ్డి గారి జీవితాన్ని తెర మీద చూపించాలని రామ్ చరణ్ అనుకున్నప్పుడు.. అందుకోసం మెగాస్టార్ చిరంజీవి గారు ఎంతో కష్టపడి.. అంకిత భావంతో పనిచేసినప్పుడు.. వారి డ్రీమ్ ప్రాజెక్ట్‌లో నా వంతు బాధ్యతను నిర్వర్తించాను. ఈ సినిమాలో పనిచేసినందుకు చిత్ర యూనిట్ నన్ను చిత్ర బృందం ప్రశంసించింది. ఈ అద్భుత చిత్రంలో నన్ను కూడా భాగం చేసినందుకు చిరంజీవి గారికి, దర్శకుడు సురేందర్ రెడ్డి గారికి, చరణ్‌, సైరా టీమ్ మొత్తానికి ధన్యవాదాలు. అలాగే సినిమా విడుదలైనప్పటి నుంచి నా పాత్రపై అమితమైన ప్రేమను చూపించిన ప్రేక్షకులు, నా అభిమానులందరికీ థ్యాంక్స్’’ అని అనుష్క తెలిపింది. ఈ మేరకు ఇన్‌స్టాలో ఓ పోస్ట్ చేసింది. కాగా ఈ మూవీ కోసం పిలుస్తూనే అనుష్క అమెరికా నుంచి వచ్చిందని.. తన కోసం ఒక్క రూపాయి కూడా తీసుకోకుండా నటించిందని మెగాస్టార్ చిరంజీవి తెలిపిన విషయం తెలిసిందే.

https://www.instagram.com/p/B3Q2ITSnmke/