Breaking News
  • ప్రస్తుత పరిస్థితుల్లో ఆర్టీసీని నడపలేం-సీఎం కేసీఆర్‌. ఆర్టీసీకి ఇప్పటికే రూ.5 వేల కోట్ల అప్పులున్నాయి. తక్షణం చెల్లించాల్సిన అప్పులు, బకాయిలు దాదాపు రూ.2 వేల కోట్లు. ప్రస్తుతం ఆర్టీసీని నడపాలంటే నెలకు రూ.640 కోట్లు కావాలి. ఆర్టీసీకి ఆర్థిక భారం మోసే శక్తి లేదు. ఆర్థిక మాంద్యం కారణంగా ప్రభుత్వం కూడా భరించే పరిస్థితి లేదు. ఆర్టీసీకి ఉన్న ఒకే ఒక మార్గం బస్సు చార్జీలు పెంచడం. చార్జీలు ఎక్కువైతే ప్రజలు బస్సులు ఎక్కని పరిస్థితి వస్తుంది. ఇప్పుడు ఆర్టీసీని యధావిధిగా నడపడం సాధ్యం కాదు. హైకోర్టు తీర్పు తర్వాతే తుది నిర్ణయం తీసుకుంటాం-కేసీఆర్‌
  • హైదరాబాద్‌: నేడు రూట్ల ప్రైవేటీకరణపై హైకోర్టులో విచారణ. హైకోర్టు తీర్పుపై ఆర్టీసీ కార్మికుల్లో ఉత్కంఠ
  • చంద్రయాన్‌-2 ప్రయోగం విఫలమైందనడం సమంజసం కాదు. ఇలాంటి ప్రయోగాల్లో చిన్న సమస్యలు తలెత్తే అవకాశం సాధారణం. అంతమాత్రాన చంద్రయాన్‌-2 విఫలమైందనడం సరికాదు -కేంద్రమంత్రి జితేంద్రసింగ్‌
  • ఎస్‌పీజీ సెక్యూరిటీ ఉపసంహరణపై ప్రియాంకాగాంధీ స్పందన. రాజకీయాల్లో భాగంగానే సెక్యూరిటీ తొలగించారు. ఇకపై ఈ తరహా ఘటనలు జరుగుతూనే ఉంటాయి-ప్రియాంక
  • తాజ్‌మహల్‌ పరిసరాల్లో డ్రోన్లు ఎగరేసిన విదేశీ యాత్రికులు. రష్యాకు చెందిన ఐదుగురిని అదుపులోకి తీసుకున్న పోలీసులు
  • దేశంలో ఆర్థిక మాంద్యాన్ని ఎదుర్కొనేందుకు.. పెట్టుబడుల ఉపసంహరణ సరైన పరిష్కారం కాదు-మమతాబెనర్జీ. ప్రభుత్వరంగ సంస్థల్లో వాటాల విక్రయం తాత్కాలిక ఉపశమనమే. ఇలాంటి చర్యలు ఆర్థిక వ్యవస్థ స్థిరత్వానికి దోహదం చేయవు-మమత
  • సియాచిన్‌పై పాకిస్తాన్‌ వివాదాస్పద వ్యాఖ్యలు. సియాచిన్‌ వివాదాస్పద ప్రాంతం. అలాంటి ప్రాంతంలో భారత్‌ పర్యాటకాన్ని ఎలా ప్రారంభిస్తుంది. భారత్‌ నుంచి ఎలాంటి మంచిని ఆశించడంలేదన్న పాక్‌
  • ఈశాన్య రాష్ట్రాల్లో భూ ప్రకంపనలు. గౌహతి, షిల్లాంగ్‌లో కంపించిన భూమి. భయంతో ఇళ్లల్లోంచి బయటకు పరుగులు తీసిన జనం

జగన్ కేబినెట్‌లోకి పోసాని.. నిజమెంత.?

SVBC Chairman Prudhvi Raj Reacts On Posani Krishna Murali Comments, జగన్ కేబినెట్‌లోకి పోసాని.. నిజమెంత.?

సార్వత్రిక ఎన్నికల సమయంలో టాలీవుడ్ ఇండస్ట్రీలో పలువురు నటులు ఏపీ సీఎం జగన్మోహన్ రెడ్డికి గట్టి సపోర్ట్‌గా నిలిచారు. ఆయన తరపున ప్రచారం చేసి.. పార్టీకి పూర్తి మద్దతు తెలిపారు. ఇక జగన్ ముఖ్యమంత్రిగా అధికారం చేపట్టిన తర్వాత ఆ నటులకు కీలకమైన పదవులు కట్టబెడుతున్నారు. ఇటీవలే కమెడియన్ పృథ్వి రాజ్‌కు ఎస్వీబీసీ చైర్మన్‌గా బాధ్యతులు అప్పగించగా.. అలీ, జీవిత, రాజశేఖర్‌లకు కూడా దాదాపు పదవులు ఖరారైనట్లేనని ఇన్‌సైడ్ టాక్. ఇక తనదైన శైలి మాటకారితనంతో ఎన్నికల ప్రచారం సమయంలో వైసీపీకి అండగా నిలిచిన పోసాని కృష్ణమురళికి జగన్ మంచి పదవి ఆఫర్ చేయనున్నారని సమాచారం. అందుకు సంబంధించి తాజాగా పృథ్వి చేసిన వ్యాఖ్యలు రాజకీయంగా ఆసక్తిని రేకెత్తిస్తున్నాయి.

కొద్దిరోజుల క్రితం పృథ్వి ఓ మీడియా సమావేశంలో మాట్లాడుతూ ఇండస్ట్రీ వాళ్లకు జగన్ సీఎం అవ్వడం ఇష్టంలేదని… సినిమా వాళ్లకు జనాలు ఎప్పుడూ ఓట్లేయవద్దని వ్యాఖ్యలు చేసిన సంగతి తెలిసిందే. అటు ఈ వ్యాఖ్యలపై పోసాని మాట్లాడుతూ వాటిని పూర్తిగా ఖండించడం కూడా జరిగింది. సురేష్‌బాబు లాంటి వాళ్లు జగన్ అపాయింట్‌మెంట్ తీసుకున్నారని కూడా చెప్పారు. ఇక దీనిపై ఆదివారం ప్రెస్‌మీట్ పెట్టిన పృథ్వి ”పోసాని కృష్ణమురళి తనకు సోదరుడు లాంటివాడని.. ఒకటి రెండు మాటలు తాను తప్పుగా మాట్లాడినా.. అవి తమ మధ్య విబేధాలు తేవని అన్నారు. పోసాని గారు తనను ఓ మాటన్నా ఫర్వాలేదన్నారు. జగనన్న పోసాని గారికి కేబినెట్ మంత్రి పదవి ఇచ్చినా ఆశ్చర్యం పోనక్కర్లేదని పృథ్వి తెలిపారు. దీనితో పోసానికి మంత్రి పదవి దక్కనుందా అనే చర్చ సోషల్ మీడియాలో జరుగుతోంది. ఒకవేళ పృథ్వి చెప్పినట్టు పోసానికి మంత్రి పదవి ఇస్తే జగన్ ఆయన్ని ఎమ్మెల్సీ చేసి మంత్రి పదవి ఇవ్వాల్సి ఉంటుంది.