Breaking News
  • ఈఎస్‌ఐ స్కామ్‌పై స్పందించిన మంత్రి గుమ్మనూరు జయరాం. చంద్రబాబు ప్రభుత్వం కార్మికులను కూడా దోచుకుంది. గత ప్రభుత్వంలో ఈఎస్‌ఐలో భారీ అవినీతి జరిగింది-జయరాం. అవినీతిపై విజిలెన్స్‌ విచారణకు ఆదేశించాం. అవినీతిపై విజిలెన్స్‌ నివేదిక ఆధారంగా చర్యలు తీసుకుంటాం-జయరాం. అక్రమంగా చెల్లించిన బిల్లుల సొమ్ము రికవరీ చేస్తాం. అవినీతికి పాల్పడిన వారినెవ్వరినీ వదిలిపెట్టం-మంత్రి జయరాం
  • వారిస్‌ పఠాన్‌ వ్యాఖ్యలను వక్రీకరించారు-ఇంతియాజ్‌ జలీల్‌. అలాంటి వ్యాఖ్యలను పార్టీ సమర్ధించదు. వారిస్‌ పఠాన్‌ వ్యాఖ్యలను ప్రజలు తప్పుగా అర్థం చేసుకున్నారు. -టీవీ9తో మహారాష్ట్ర ఎంఐఎం ఎంపీ ఇంతియాజ్‌ జలీల్‌.
  • తూ.గో: అన్నవరం ఆలయానికి కొత్త పాలక మండలి నియామకం. 16 మందితో కొత్త పాలక మండలిని నియమిస్తూ ప్రభుత్వం ఉత్తర్వులు.
  • ఏపీ ఈఎస్‌ఐ స్కాంలో వివాదాస్పదమైన అప్పటి మంత్రి పితాని వ్యవహారం. మందుల సరఫరా బిల్లుల చెల్లింపులో మొదట సరఫరా చేసిన వాళ్లకే.. బిల్లులు చెల్లించాలని ఆదేశించిన అప్పటి కార్మికశాఖ కార్యదర్శి. కార్మికశాఖ కార్యదర్శి ఆదేశాలను అడ్డుకున్న పితాని సత్యానారాయణ. తమకు నచ్చిన వాళ్లకే ఇచ్చేలా వ్యవహరించారని పితానిపై ఆరోపణలు.
  • ప్రకాశం: ఒంగోలులో ఏఎన్‌ఎం హైమావతి ఆత్మహత్యాయత్నం. నిద్ర మాత్రలు మింగి ఆత్మహత్యకు యత్నించిన హైమావతి. హైమావతి పరిస్థితి విషమం, ఆస్పత్రికి తరలింపు. విధుల నుంచి తొలగించడంతో ఆత్మహత్యకు యత్నించిందన్న స్థానికులు. తనను పర్మినెంట్‌ చేస్తామంటూ అపోలో ఏజెన్సీకి చెందిన.. ప్రదీప్‌, గణేష్‌లు రూ.3 లక్షలు తీసుకున్నారని హైమావతి ఆరోపణలు.

అనుమానాస్పద స్థితిలో అడవి మృగాల మరణాలు..

Suspicious deaths of animals in Kurnool district, అనుమానాస్పద స్థితిలో అడవి మృగాల మరణాలు..

ఏపీలోని పలు జిల్లాల్లో అనుమానాస్పద స్థితిలో వన్యమృగాలు మృత్యువాతడ్డాయి. కర్నూలు జిల్లాలో చిరుత అనుమానాస్పద స్థితిలో మృతిచెందగా, అనంతపురం జిల్లాలో ఎలుగుబంటి మృతి కలకలం రేపింది. కర్నూలు జిల్లా ఆళ్లగడ్డ మండలం మిట్టపల్లె గ్రామ సమీపాన ఉన్న తెలుగుగంగ కాలువలో చిరుత చనిపోయింది. అటుగా వెళ్తున్న గ్రామస్తులు గమనించి ఫారెస్ట్‌ అధికారులకు సమాచారం అందజేశారు. ఘటనా స్థలానికి చేరుకున్న డీఎఫ్‌ఓ అధికారులు..చిరుత మృతదేహన్ని స్వాదీనం చేసుకున్నారు. డాగ్‌ స్క్వాడ్‌ను రంగంలోకి దింపి చిరుత మృతిపై ఆరా తీస్తున్నారు. కాగా గతంలో ఎనిమిది నెలల క్రితం మిట్టపల్లి సమీపంలోని తెలుగు గంగ కాలువలో చిరుత చనిపోయింది. తిరిగి అటువంటి ఘటనే పునరావృతం కావడంతో వేటగాళ్ల పనిగా అనుమానిస్తూ…అధికారులు అప్రమత్తమయ్యారు. అటు అనంతపురం జిల్లా శెట్టూరు మండలంలోని కనుకూరు గ్రామ సమీపంలో ఎలుగుబంటి ప్రాణం లేకుండా కనిపించింది. ఎలుగు శరీరంపై రక్తపు మరకలు గమనించిన అధికారులు..ఇది కూడా అనుమానాస్పద మృతిగా కేసు నమోదు చేసుకుని దర్యాప్తు చేపట్టారు. చాలా ప్రాంతాల్లో వేటగాళ్లు బిగించి ఉచ్చు, విద్యుత్‌ వైర్ల కారణంగా అడవి మృగాలు మృత్యువాత పడుతుండగా, మరికొన్ని ప్రాంతాల్లో ఆహారం, దాహం తీర్చుకోవటం కోసం వచ్చి ఇలా ప్రాణాలు కొల్పోతున్నాయంటున్నారు అటవీశాఖ అధికారులు.

Related Tags