చనిపోయేముందు సుశాంత్ గూగుల్లో ఏం సెర్చ్ చేశాడంటే…!
బాలీవుడ్ న‌ట‌డు సుశాంత్ సింగ్ మ‌ర‌ణం యావ‌త్ చిత్ర ప‌రిశ్ర‌మ‌ను ఓ కుదుపు కుదిపిన విష‌యం తెలిసిందే. కాగా అతడి ఆత్మ‌హ‌త్య‌కు సంబంధించి రోజుకో కొత్త కోణం వెలుగులోకి వ‌స్తుంది.
బాలీవుడ్ న‌ట‌డు సుశాంత్ సింగ్ మ‌ర‌ణం యావ‌త్ చిత్ర ప‌రిశ్ర‌మ‌ను ఓ కుదుపు కుదిపిన విష‌యం తెలిసిందే. కాగా అతడి ఆత్మ‌హ‌త్య‌కు సంబంధించి రోజుకో కొత్త కోణం వెలుగులోకి వ‌స్తుంది. తాజాగా ఫోరెన్సిక్ రిపోర్టులో ఆస‌క్తిక‌ర విష‌యాలు రివీల్ అయ్యాయి. సూసైడ్ కు ముందు గూగుల్లో తన గురించే సుశాంత్ సెర్చ చేసినట్లు అధికారులు చెప్పారు. అతడి గురించి ఈ మ‌ధ్యకాలంలో వచ్చిన కొన్ని కథనాలు చదివాడని పేర్కొన్నారు.
జూన్ 14న ఆత్మ‌హ‌త్య‌కు కొద్ది నిమిషాల ముందు అంటే ఉదయం 10:15 గంటల ప్రాంతంలో, సుశాంత్ తన పేరునే గూగుల్ చేసినట్లు విచార‌ణ‌లో తెలిసింది. అదే సమయంలో ప్రూట్ జ్యూస్ తాగిన‌ట్లు అధికారులు గుర్తించారు. తరచుగా గూగూల్లో తన పేరును సెర్చ్ చేసి..తన టీమ్ తో మాట్లాడేవాడ‌ని వివరించారు. ఈ క్రమంలోనే తన ప్ర‌తిష్ఠ‌ను మ‌స‌క‌బార్చేందుకు ఎవరో ప్రయత్నిస్తున్నట్లు అతడు భావించినట్లు వివరించారు. ఇటీవల పోస్టుమార్టం నివేదికలో సుశాంత్ ఉరివేసుకోవడం వల్లే చ‌నిపోయిన‌ట్లు తేలింది. అయితే, నటుడు సూసైడ్ చేసుకోవడానికి పలువురు మూవీ సెల‌బ్రిటీస్ కారణమంటూ ఆరోపణలు వెల్లువెత్తుతున్న నేపథ్యంలో.. పోలీసులు చాలా కోణాల్లో దర్యాప్తు చేపట్టారు. ఇప్ప‌టికే కుటుంబ సభ్యులు, సన్నిహితులతో సహా మొత్తం 30 మందిని విచారించారు.
