పదినెలల్లో దాదాపు 5 కోట్లు ఖర్చుపెట్టిన సుశాంత్
బాలీవుడ్ హీరో సుశాంత్ సింగ్‌ రాజ్‌పుత్‌ ఆత్మహత్యోదంతం సస్పెన్స్ క్రైం థిల్లర్ లా మారిపోయింది. సుశాంత్ కు చెందిన ఒక బ్యాంక్ అకౌంట్‌ లావాదేవీలకు సంబంధించిన స్వతంత్ర ఆర్థిక విశ్లేషణలో..
బాలీవుడ్ హీరో సుశాంత్ సింగ్‌ రాజ్‌పుత్‌ ఆత్మహత్యోదంతం సస్పెన్స్ క్రైం థిల్లర్ లా మారిపోయింది. సుశాంత్ కు చెందిన ఒక బ్యాంక్ అకౌంట్‌ లావాదేవీలకు సంబంధించిన స్వతంత్ర ఆర్థిక విశ్లేషణలో పలు ఆసక్తికర విషయాలు వెలుగులోకి వచ్చాయి. సుశాంత్ బ్యాంక్ స్టేట్ట్‌మెంట్‌‌లలో ఒకదాన్ని పరిశీలించగా.. డబ్బు ఎక్కువగా ప్రయాణ, వ్యక్తిగత విలాసాలు, చారిటీలకు సహాయం, దాతృత్వం, ఆధ్యాత్మిక కార్యకలాపాల కోసం ఖర్చు చేసినట్టు తేలింది. ఇందులో కొంత మొత్తం రియా, ఆమె సోదరుడి కోసం కూడా ఖర్చు చేసినట్లు తెలిసింది. గత ఏడాది జనవరి నుండి నవంబర్ వరకు సుశాంత్ మొత్తం 4.6 కోట్ల రుపాయాలు ఖర్చు చేశాడు.
ఈ ఖర్చులలో ముఖ్యంగా ప్రయాణానికి సుమారు 42 లక్షలు, పవానా (మహారాష్ట్ర) లోని ఒక ఫామ్‌హౌస్‌కు 33 లక్షలు, వ్యక్తిగత విలాసాలకు 1.1 కోటి రుపాయాలు ఖర్చు చేసినట్లు తెలుస్తోంది. ఇక రియా, ఆమె సోదరుడి కోసం 9.5 లక్షల రుపాయాలు ఖర్చు చేశాడు. దీనిలో వారి విమాన టిక్కెట్ల కోసం 1.7 లక్షల రుపాయాలు.. 4.72 లక్షలు రియా సోదరుడి హోటల్‌ ఖర్చుల కోసం.. 3.4 లక్షలు ఆమె షాపింగ్‌, మేకప్‌, ఇతర ఖర్చుల కోసం వాడినట్లు స్టేట్ మెంట్ చూపిస్తోందని ఢిల్లీకి చెందిన ప్రముఖ ఆర్థిక ఫోరెన్సిక్ నిపుణుడు నమ్రత కనోడియా తాజాగా చెప్పుకొచ్చారు.
