Breaking News
  • విశాఖ: బ్లూఫ్రాగ్‌ టెక్నాలజీస్‌పై కొనసాగుతున్న సీఐడీ విచారణ. 8 సర్వర్లకు చెందిన డేటాను సేకరించిన అధికారులు. డేటాను విశ్లేషిస్తున్న సీఐడీ అధికారులు. ప్రభుత్వ ఇసుక పోర్టల్‌ను హ్యాక్‌ చేసి.. కృత్రిమ కొరత సృష్టించినట్టు బ్లూఫ్రాగ్‌పై అభియోగాలు.
  • హైదరాబాద్‌: అధికారులతో రైల్వే సేఫ్టీ కమిషనర్‌ భేటీ. కాచిగూడ రైలు ప్రమాదంపై చర్చ. ప్రకాశం జిల్లా: ఒంగోలులో మనబడి నాడు-నేడు కార్యక్రమం ప్రారంభం. కార్యక్రమాన్ని ప్రారంభించిన సీఎం జగన్. వివిధ శాఖలు ఏర్పాటు చేసిన స్టాళ్లను పరిశీలించిన జగన్‌.
  • ప.గో: యలమంచిలి మండలం కాజ గ్రామంలో రోడ్డుప్రమాదం. అదుపుతప్పి పంట కాలువలోకి దూసుకెళ్లిన కారు. దంపతులకు తీవ్రగాయాలు, ఆస్పత్రికి తరలింపు.
  • అనంతపురం: కల్యాణదుర్గంలో కాలువలోకి దూసుకెళ్లిన కాలేజ్‌ బస్సు. ప్రమాద సమయంలో బస్సులో 48 మంది విద్యార్థులు. విద్యార్థులకు తృటిలో తప్పిన ముప్పు. డ్రైవర్‌ నిర్లక్ష్యమే కారణమంటున్న విద్యార్థుల తల్లిదండ్రులు.
  • భూపాలపల్లిలో కొనసాగుతున్న బంద్‌. ఆర్టీసీ డ్రైవర్‌ నరేష్‌ ఆత్మహత్యకు నిరసనగా బంద్‌. డిపోల్లోనే నిలిచిపోయిన ఆర్టీసీ బస్సులు.
  • అమరావతి: మంగళగిరి జనసేన కార్యాలయంలో బాలల దినోత్సవం. పాల్గొన్న జనసేన అధ్యక్షుడు పవన్‌కల్యాణ్‌. పిల్లలకు పుస్తకాలను పంపిణీ చేసిన పవన్‌కల్యాణ్‌.
  • హైదరాబాద్‌: కూకట్‌పల్లిలో నియోజకవర్గంలో మంత్రి కేటీఆర్‌ పర్యటన. పలు అభివృద్ధి కార్యక్రమాలను ప్రారంభించిన కేటీఆర్‌. కూకట్‌పల్లిలో ఇండోర్‌ స్టేడియం ప్రారంభం. మల్టీపర్పస్‌ స్పోర్ట్స్ కాంప్లెక్స్‌ను.. పిల్లలతో కలిసి ప్రారంభించిన మంత్రి కేటీఆర్‌. డబుల్ బెడ్‌రూమ్ కాంప్లెక్స్‌ను ప్రారంభించిన కేటీఆర్. అధికారిక కార్యక్రమాల్లో ఫ్లెక్సీలపై కేటీఆర్‌ వార్నింగ్‌. ఫ్లెక్సీలు తొలగిస్తేనే కార్యక్రమానికి వస్తానన్న కేటీఆర్‌. కేటీఆర్‌ ఫ్లెక్సీలు తొలగించిన సిబ్బంది.

మెగాస్టార్ 152లో ఊహించని సర్‌ప్రైజ్.. అదేంటంటే.?

‘సైరా’ నరసింహారెడ్డితో బ్లాక్‌బస్టర్ హిట్ కొట్టిన మెగాస్టార్ చిరంజీవి తన తదుపరి సినిమాపై పూర్తి ఫోకస్ పెట్టాడు. చిరంజీవి హీరోగా కొరటాల శివ డైరెక్షన్‌లో సోషియో పొలిటికల్ డ్రామా తెరకెక్కనున్న సంగతి తెలిసిందే. ప్రస్తుతం ప్రీ-ప్రొడక్షన్ వర్క్ జరుపుకుంటున్న ఈ చిత్రం డిసెంబర్‌లో సెట్స్ మీదకు వెళ్లనుంది. అలాగే హీరోయిన్‌గా త్రిషను ఫైనల్ చేశారని వినికిడి.

ఈ సినిమాలో చిరు సరసన ఇద్దరు హీరోయిన్లు నటించే స్కోప్ ఉండటంతో.. రెండో నాయిక కోసం కొరటాల సెర్చ్ ఆపరేషన్ మొదలుపెట్టాడట. ఇప్పటికే నయనతార, కాజల్, తమన్నా లాంటి అగ్ర కథానాయికల పేర్లు పరిశీలిస్తుండగా.. వాళ్లనే మళ్ళీ రిపీట్ చేస్తే బాగోదని కొరటాల భావిస్తున్నాడని సమాచారం. అందుకే కొత్త స్టార్ కోసం వెతుకులాట మొదలుపెట్టారు. ఇక ఈ తరుణంలో.. చిలిపిదనం, కొంటెదనం కలగలిసిన బొమ్మరిల్లు హాసిని.. అదేనండీ జెనీలియా అయితే రెండో హీరోయిన్‌కు సరిగ్గా సరిపోతుందని చిత్ర యూనిట్ భావిస్తోందట.

దర్శకనిర్మాతలు ఇప్పటికే జెనీలియాను సంప్రదించే పనిలో ఉన్నారని తెలుస్తోంది. ఒకవేళ అన్నీ వర్కౌట్ అయితే.. హాసిని ఫ్యాన్స్‌కు ఇది అదిరిపోయే న్యూస్.. అంతేకాకుండా ఆమె రీ-ఎంట్రీకి సరైన సినిమా అవుతుందని సినీ విశ్లేషకుల వాదన. మరి ఆమె దగ్గర నుంచి ఎలాంటి సమాధానం వస్తుందో వేచి చూడాల్సిందే. కాగా, 2016లో జాన్ అబ్రహం‌తో ‘ఫోర్స్ 2’ అనే హిందీ చిత్రం చేసిన జెనీలియా.. 2018లో భర్త రితీష్ దేశ్‌ముఖ్‌తో మరాఠీ సినిమాలో నటించింది.