Breaking News
  • రేపు 9 రాష్ట్రాల ముఖ్యమంత్రులతో ప్రధాని వీడియో కాన్ఫరెన్స్. కోవిడ్-19 స్థితిగతులపై ఉదయం గం. 11.00కు ప్రారంభం కానున్న సమావేశం. వీడియో కాన్ఫరెన్సులో ఆంధ్రప్రదేశ్, బిహార్, గుజరాత్, కర్ణాటక, మహారాష్ట్ర, పంజాబ్, తమిళనాడు, తెలంగాణ, ఉత్తరప్రదేశ్ రాష్ట్రాల ముఖ్యమంత్రులు, చీఫ్ సెక్రటరీలు. ప్రధానితో పాటు సమావేశంలో పాల్గొననున్న కేంద్ర మంత్రులు రాజ్‌నాథ్ సింగ్, నిర్మలా సీతారామన్, డా. హర్షవర్థన్, కిషన్ రెడ్డి, కేబినెట్ సెక్రటరీ, హోం సెక్రటరీ. నేడు 6 రాష్ట్రాల సీఎంలతో జరిగిన సమావేశంలో కూడా కిషన్ రెడ్డికి చోటు.
  • విజయవాడ : చోటా రౌడీ గ్యాంగ్ ని అరెస్టు చేసిన అజిత్ సింగ్ నగర్ పొలీసులు. విజయవాడ అజిత్ సింగ్ నగర్ లో స్ట్రీట్ ఫైట్ చేధించిన అజిత్ సింగ్ నగర్ పోలీసులు. పాత గొడవలు నేపథ్యంలో పుట్ట వినయ్ అనే యువకుడి పై ముకుమ్మడిగా దాడి చేసిన ఐదుగురు యువకులు. గాయాల పాలైన యువకుడు అజిత్ సింగ్ నగర్ పీఎస్ లో ఫిర్యాదు. గంటల వ్యవధిలో కేసుని ఛేదించిన పోలీసులు.
  • ఇంటర్ డిగ్రీ అడ్మిషన్లపై నిర్ణయం తీసుకున్న విద్యాశాఖ. -ఎంట్రెన్స్ టెస్టులు నిర్వహించనున్న తెలంగాణ ప్రభుత్వం. ఇంటర్ - సెప్టెంబర్ 1 తర్వాత అడ్మిషన్స్ పై నిర్ణయం డిగ్రీ - 28 నుంచి అడ్మిషన్స్ . సెట్స్ : Ecet - aug 8. Mcet- 9,10,11,14 sep Poly set - 2 sep ఎంట్రెన్స్ ఎగ్జామ్స్ అన్ని TCS ద్వారా ఆన్లైన్ పరీక్షలు. Degree పరీక్షలు సుప్రీం చెప్పిన తర్వాత నిర్ణయం . 17 ఇంటర్ నుంచి డిజిటల్ క్లాసులు ప్రారంభం .
  • రాజస్థాన్‌ రాజకీయాల్లో శరవేగంగా మారుతున్న పరిణామాలు. పార్టీకి మళ్లీ దగ్గరవుతున్న తిరుగుబాటు నేత సచిన్ పైలట్. రాహుల్, ప్రియాంక గాంధీలతో సచిన్ మంతనాలు. సీఎం అశోక్ గెహ్లోత్ తీరుపై తీవ్ర అభ్యంతరాలు. అధిష్టానం ముందు తన డిమాండ్లు ఏకరువు పెట్టిన పైలట్. సచిన్ లేవనెత్తిన అంశాల పరిష్కారానికి కమిటీ. ముగ్గురు సభ్యులతో కమిటీ ఏర్పాటు చేసిన పార్టీ అధినేత్రి సోనియా గాంధీ.
  • తిరుపతి ఎస్వీబీసీ ఛానెల్ సీఈఓగా కేంద్ర సమాచార శాఖ అధికారి సురేష్ కుమార్ గెదెలను నియమిస్తూ ఆదేశాలు ఇచ్చిన ప్రభుత్వం. ప్రస్తుతం విజయవాడలోని దూరదర్శన్ కేంద్రంలో డిప్యూటీ డైరెక్టరుగా పనిచేస్తున్న సురేష్ కుమార్. కేంద్ర సర్వీసుల నుంచి డెప్యుటేషనుపై రాష్ట్ర సర్వీసులోకి చేరిన సురేష్ కుమార్.
  • సాధారణ మెయిల్, ఎక్స్‌ప్రెస్, ప్యాసెంజర్ రైలు సర్వీసుల రద్దు సెప్టెంబర్ 30 వరకు కొనసాగింపు. ప్రస్తుతం నడుస్తున్న స్పెషల్ ట్రైన్లు మాత్రం నడుస్తాయి. రైల్వే బోర్డు తాజా ప్రకటన.
  • మణిపూర్ అసెంబ్లీలో బలనిరూపణలో గెలిచిన బీజేపీ. సభలో 28 మంది బీజేపీ, 16మంది కాంగ్రెస్ ఎమ్మెల్యేల హాజరు. గైర్హాజరైన 8 మంది కాంగ్రెస్ ఎమ్మెల్యేలు. ఓటింగ్ అనంతరం నినాదాలతో హంగామా చేసిన కాంగ్రెస్. కుర్చీలను విసిరేసిన నిరసన తెలిపిన కాంగ్రెస్.

రాజకుటుంబానికే పద్మనాభుడి అలనా, పాలనా బాధ్యతలు

సుప్రీం కోర్టు ఆధ్వర్యంలోనే సంపదను లెక్కించారు. కానీ ఆరోగది జోలికి మాత్రం పోలేదు. ఎందుకంటే ఆ గది తలుపులకు నాగబంధంతో మూడి పడివుంది. దానిని తెరిస్తే ప్రళయం తప్పదని కొందరు వాదించారు. 16 శతాబ్దంలో రాజా మార్తాండవర్మ కాలం నాటి ఈ రహస్య గదిని సిద్ధపురుషులు మాత్రమే తెరవగలరన్న వాదన కూడా ఉంది.
Supreme Revealed Judgement against Padmanabhaswamy temple to fever of Travancore Royal family, రాజకుటుంబానికే పద్మనాభుడి అలనా, పాలనా బాధ్యతలు

ఆలయ నిర్వహణ హక్కుల కేసు కంటే.. ఆరోగది తలుపులు తెరవడంపై సుప్రీం కోర్టు ఏం చెబుతుందోనన్న ఆసక్తి అందరిలోనూ కన్పించింది. కానీ సుప్రీంకోర్టు నిర్ణయాన్ని రాజ కుటుంబానికే వదిలేసింది. ఈ విషయంలో ట్రావెన్‌కోర్‌ రాజకుటుంబం ఎలాంటి నిర్ణయం తీసుకుంటుందన్నది ఇప్పుడు ఉత్కంఠ రేపుతోంది. ఇంతకీ అసలా గదిలో ఏముంది ? గతంలో ఆ గదిని చాలాసార్లు తెరిచారన్న వాదనల్లో నిజమెంత ?

మన దేశంలో ఎన్నో పురాతన ఆలయాలు ఉన్నాయి. అందులో అంతుపట్టని రహస్యాలూ ఉన్నాయి. కానీ పద్మనాభ స్వామి ఆలయంలో బయటపడ్డ అపూర్వ సంపదలు, అంతుచిక్కని రహస్యాలు మాత్రం మునుపెన్నడూ చూడనవి. అందుకే ఆ దేవాలయం ప్రపంచ దృష్టిని ఆకర్షించింది. ఐదు గదుల్లో లక్షల కోట్ల రూపాయల విలువైన సంపద బయటపడింది. దీంతో ఆరో గదిలో ఏముందనేది అందరిలోనూ ఉత్కంఠను రేపుతోంది. ఇప్పటికే ఐదు గదులు తెరిచినా ఆరోగదిని తెరిచే సాహసం మాత్రం చేయలేదు. ఎందుకంటే, అది తెరిస్తే ఏదో విపత్తు సంభవిస్తుందన్న వాదనలు, బలమైన నమ్మకాలు ఉన్నాయి. అందుకే కోర్టులు సైతం ఆ విషయంలో తలదూర్చడం లేదు.

పద్మనాభ స్వామి ఆలయ నేలమాళిగలోని ఆరోగది తెరవాలని కొందరు, తెరవొద్దని మరికొందరు ఎన్నో వాదనలు వినిపించారు. చివరకు సుప్రీం కోర్టు కూడా ఆ నిర్ణయాన్ని రాజకుటుంబానికే వదిలేసింది. ఇప్పటికే సుప్రీం కోర్టు ఆలయ నిర్వహణ బాధ్యతలన్నీ ట్రావెన్‌కోర్‌ రాజకుటుంబానికే చెందుతాయని స్పష్టం చేసింది. అంటే ఆలయంలోని ఆరో గది తెరవాలా ? వద్దా ? అనేది దానిపై ఆ రాజకుటుంబమే నిర్ణయం తీసుకోవాల్సి ఉంది. 2011లో నేలమాళిగలో గదులు తెరిచి.. సుప్రీం కోర్టు ఆధ్వర్యంలోనే సంపదను లెక్కించారు. కానీ ఆరోగది జోలికి మాత్రం పోలేదు. ఎందుకంటే ఆ గది తలుపులకు నాగబంధంతో మూడి పడివుంది. దానిని తెరిస్తే ప్రళయం తప్పదని కొందరు వాదించారు. 16 శతాబ్దంలో రాజా మార్తాండవర్మ కాలం నాటి ఈ రహస్య గదిని సిద్ధపురుషులు మాత్రమే తెరవగలరన్న వాదన కూడా ఉంది.

కేరళలోని పద్మనాభస్వామి ఆలయాన్ని క్రీస్తు శకం ఆరో శతాబ్ధంలో నిర్మించారు. 16 శతాబ్ధం నుంచి ఇది ట్రావెన్‌కోర్‌ రాజుల చేతుల్లోకి వెళ్లింది. అప్పటి నుంచి ఆలయం కొన్ని శతాబ్ధాల పాటు ఓ వెలుగు వెలిగింది. అప్పట్లో డచ్‌, బ్రిటీషర్లు, టిప్పు సుల్తాన్‌ నుంచి ట్రావెన్‌ కోర్‌ రాజ్యానికి ముప్పు పొంచి ఉండడంతో 18 శతాబ్ధంలో ఆలయ పునర్‌నిర్మాణం జరిగినప్పుడు సంపదనంతా నేలమాళిగలో భద్రపరిచారు. ఐదు గదుల్లో దొరికిన సంపద కంటే ఎన్నో రెట్లు సంపద ఆరో గదిలో ఉందని అందుకే దానిని కాపాడేందుకు నాగబంధం వేశారన్న వాదన ఒకటి ఉంది. ఆ తలుపులు తెరవడం నాగబంధంతోనే సాధ్యమవుతుందని కొందరు చెబుతున్నారు. ఇలాంటి వాదనల నేపథ్యంలో ఇటు దైవ నమ్మకాలు, అటు సైంటిఫిక్‌ అంశాలను పరిగణలోకి తీసుకున్న కోర్టు ఆ గదిని తెరిచేది లేనిది ట్రావెన్‌కోర్‌ రాజకుటుంబానికే వదిలేసింది. అసలు రాజకుటుంబానికి ఆ గదిని తెరిచే ఆలోచన ఉందా ? ఉంటే దాన్ని తెరవగలిగే సిద్ధ పురుషులు ఇప్పుడు ఉన్నారా ? అనేది ఆసక్తికరంగా మారింది.

నిజానికి 1930లోనే ఓసారి కొందరు ఆరోగదిలో నిధిని దోచుకునేందుకు విఫలయత్నం చేశారట. అప్పట్లో నల్లత్రాచులు వారిని వెంటాడంతో అక్కడి నుంచి పారిపోయారట. అంతే అప్పటి నుంచి ఏ ఒక్కరూ దానిని తెరిచే సాహసం చేయలదని ఓ కథనం ప్రచారంలో ఉంది. అలాగే సుమారు వందేళ్ల క్రితం తీవ్రమైన కరువు సంభవించినప్పుడు నేలమాళిగ లోని ఆరోగదిని తెరిచే ప్రయత్నం చేశారట. అప్పుడు ఆ గది నుంచి భీకరంగా సముద్ర గర్జనలు వినిపించడంతో ఆ ప్రయత్నాన్ని విరమించుకున్నారన్న ప్రచారం కూడా ఉంది. కాదూ కూడదని ఆలయాన్ని తెరిస్తే సముద్రపు నీరు ఆలయాన్ని ముంచెత్తే ప్రమాదం కూడా ఉందట. ఎందుకంటే ఈ ఆలయానికి కేవలం 3.5 కిలోమీటర్ల దూరం లోనే సముద్ర తీరం ఉంది. అయితే, ఆలయ ఆస్తులను ఆడిట్‌ చేసేందుకు వచ్చిన కాగ్‌ మాజీ చీఫ్‌ వినోద్‌ రాయ్‌ ఇవన్నీ కట్టు కథలని కొట్టి పారేశారు. 1990లో బి నేలమాళిగను ఏడు సార్లు తెరిచారని ఆయన తన నివేదికలో వెల్లడించారు. ఏదేమైనా ఆలయంలోని ఆరోగది తలుపులు తెరవాలా ? వద్దా ? అనే విషయంపై ట్రావెన్‌ కోర్‌ రాజ కుటుంబానిదే తుది నిర్ణయం.

Related Tags