Breaking News
  • సరూర్ నగర్ చెరువు లో కొట్టుకు పోయిన నవీన్ కుమార్ మృత దేహానికి నేడు పోస్ట్ మార్టం. ఆదివారం సాయంత్రం నాల లో కొట్టుకుపోయి సరూర్ నగర్ చెరువు లో నిన్న మధ్యాహ్నం తేలిన నవీన్ మృత దేహం. కొట్టుకు పోయిన స్థలం నుండి 100 మీటర్ల దూరం లో లభ్యమైన నవీన్ మృత దేహం. 8 అడుగుల లోతు లో బురదలో ఇర్రుకున్న నవీన్ మృత దేహం. ఈ రెండు ఘటనల పై ప్రభుత్వం సీరియస్. నగరం లో ఓపెన్ నాలా లను క్లోజ్ చేసిన జిహెచ్ఎంసి అధికారులు. నేరేడ్మెంట్ లో మునిసిపల్ మంత్రి కే టి ఆర్ సహా అదికరుల పై ఫిర్యాదు చేసిన బాలిక తల్లిదండ్రులు. సరూర్ నగర్ లో చనిపోయిన నవీన్ కుమార్ భార్య కి ప్రభుత్వ ఉద్యోగం ఇప్పిస్తానని హామీ ఇచ్చిన సబితా ఇంద్రా రెడ్డి. సరూర్ నగర్ చెరువు చుట్టూ ఫెన్సింగ్ ఏర్పాటు చేయాలని కాలనీ వాసుల డిమాండ్.
  • ఒక్క రోజు నిరాహార దీక్ష చేపట్టనున్న రాజ్యసభ డిప్యూటీ చైర్మన్ హరివంశ్ నారాయణ్. తనపై విపక్ష సభ్యుల దుష్ప్రవర్తనకు నిరసనగా దీక్ష. ఈనెల 20న వ్యవసాయ బిల్లుల సందర్భంగా సభ్యుల దురుసు ప్రవర్తన.
  • ఆసిపాబాద్: తృటిలో తప్పించుకున్న బాస్కర్ టీం, మంగిదళం సభ్యుల కోసం మూడవ రోజు కొనసాగుతున్న వేట. కొమురంభీం- మంచిర్యాల మావోయిస్టు డివిజన్‌ కమిటీ కార్యదర్శి మైలారపు అడెల్లు అలియాస్‌ భాస్కర్‌ లక్ష్యంగా ఆపరేషన్. మూడంచెల పహారాతో ఉమ్మడి ఆదిలాబాద్ జిల్లా వ్యాప్తంగా అణువణువు గాలిస్తున్న గ్రే హౌండ్స్ బలగాలు. తెలంగాణ - మహారాష్ట్ర - ఛత్తీస్‌గఢ్‌ సరిహద్దుల వద్ద పటిష్ఠ నిఘా . ప్రాణహిత పరివాహక ప్రాంతాలైన మంచిర్యాల, ఆసిపాబాద్, ఆదిలాబాద్ జిల్లాలో 18 గ్రేహౌండ్స్‌ దళాల ఆధ్వర్యంలో అడవులను జల్లెడ పడుతున్న పోలీసులు. కడంబ, సిద్దేశ్వర గుట్టలు , తిర్యాణి , పెంబి, కోటపల్లి - వేమనపల్లి, కవ్వాల్ అభయారణ్యాలలో డ్రోన్‌ కెమెరాల సాయంతో కొనసాగుతున్న పహరా. కీలకంగా మారిన మావోయిస్టుల వద్ద దొరికిన డంప్. ఆసిపాబాద్ జిల్లా తిర్యాణి మండలం గుండాల వద్ద, దంతన్‌పల్లి సమీపంలో, కడంబా అడవుల్లో ఎన్‌కౌంటర్‌ జరిగిన ప్రదేశంలో మూడు చోట్ల దొరికిన మావోయిస్టుల కిట్లు, డైరీలతో భారీగా రిక్రూట్మెంట్ జరిగినట్టు ప్రాథమిక అంచనా. పోలీసుల బూట్ల చప్పులతో వణికిపోతున్న ఉమ్మడి ఆదిలాబాద్ ఏజెన్సీ, మావోయిస్ట్ ప్రభావిత ప్రాంతాలు. జిల్లా సరిహద్దు‌ దాటి పోకుండా మహరాష్ట్ర - చత్తీస్‌గఢ్ పోలీసుల సహకారం తీసుకుంటున్న ఉమ్మడి ఆదిలాబాద్ బలగాలు.
  • నేడు ఢిల్లీకి ఏపీ సీఎం వైఎస్ జగన్ . మధ్యాహ్నం 3 గంటలకు గన్నవరం ఏర్ పోర్ట్ నుండి ఢిల్లీకి కి పయనం . పలువురు కేంద్ర మంత్రులతో భేటీ అవనున్న ముఖ్యమంత్రి వైఎస్ జగన్ . కేంద్ర హోం శాఖ మంత్రి అమిత్ షా, ఆర్థిక మంత్రి నిర్మలా సీతారామన్, అరోగ్య శాఖ మంత్రి హర్ష వర్ధన్ ను కలిసే అవకాశం . రాష్ట్రానికి రావాల్సిన పెండింగ్ నిధులు, ప్రత్యేక హోదా, పోలవరం బకాయిలు తో సహా పలు అంశాలు ప్రస్తావించే అవకాశం . డిల్లీ వెళ్లనున్న నేపధ్యంలో ఉదయం ఆర్థిక శాఖ అధికారులతో సమీక్ష చేయనున్న సీఎం జగన్ . క్యాంప్ కార్యాలయం లో 11 గంటలకు సమీక్ష . కేంద్రం నుండి రావాల్సిన నిధులు, బకాయిలు వివరాలు అడిగి తెలుసుకునే అవకాశం.
  • చెన్నై: తమిళనాడు లో కురుస్తున్న భారీ వర్షాలు , వరద ప్రభావానికి ఉప్పొంగి ప్రవహిస్తున్న జలాశయాలు . కేరళ- తమిళనాడు సరిహద్దు జిల్లాలైన కన్యాకుమారి, నీలగిరి , కోయిఅంబత్తూర్ జిల్లాలో కురుస్తున్న భారీ వర్షాలు . భారీ వర్షాలకు ఇప్పటికే రెండు సార్లు నిండిపోయిన భవానిసాగర్ డాం. లోతట్టు గ్రామాల ప్రజలు అప్రమత్తంగా ఉండాలని అధికారులు హెచ్చరికలు జారీ. కర్ణాటక - తమిళనాడు సరిహద్దు జిల్లాలో ఉధృతంగా ప్రవహిస్తున్న కావేరీ నది .కర్ణాటక లోని కేఆర్ ఎస్ డాం నుండి 50 వేల కుసెక్యూల నీరు దిగువకు విడుదల చేయడం తో పెరిగిన వరద ఉధృతి . ధర్మపురి ,క్రిష్ణగిరి జిల్లాలో భారీ వర్షాలు పడే అవకాశం ఉండడం తో వరద ముంపు ఎక్కువగా ఉంటుందని వరద ముంపు గ్రామాలను అప్రమత్తం చేసిన అధికారులు. కేరళ , కర్ణాటక నుండి భారీగా వరదనీరు వస్తుండడం తో సరిహద్దు జిల్లాలో ఉన్న జలాశయాలు పూర్తిగా నిండిపోయాయి. వరద ముంపు ఉండడం తో ముఖ్యమైన డాం ల నుండి ఎప్పటికపుడు గేట్లు ఎత్తివేసి నీటి ని దిగువకు విడుదల చేస్తున్న అధికారులు .
  • అమరావతి: సీఐడీకి సీఎంఆర్ఎఫ్ నకిలీ చెక్కుల కేసు. రూ.117 కోట్లను కొల్లగొట్టేందుకు జరిగిన ప్రయత్నంపై కేసు నమోదు. సీఐడీ ఏడిజి సునీల్ కుమార్ ఆధ్వర్యంలో విచారణ. నిందితుల కోసం పశ్చిమబెంగాల్, కర్ణాటక, దిల్లీలకు ప్రత్యేక బృందాలు. దిల్లీలోని శర్మ ఫోర్సింగ్. పశ్చిమ బెంగాల్ లోని మల్లబపూర్ పీపుల్ రూరల్ డెవలప్మెంట్ సొసైటీ. కర్ణాటకలోని అద్వైత వీకే , హోలో బ్లాక్స్ &ఇంటర్ లాక్ సంస్థల పేరిట ఫోర్జరీ చెక్కులను గుర్తింపు. ఈ అంశాలపై సీఐడీ ఆరా. ఫోర్జరీ వెనుక ఎవరున్నారనే కోణంలో దర్యాప్తు చేస్తున్న తుళ్లూరు పోలీసులు. మరో వైపు ఏసీబీ అంతర్గత విచారణ. గతంలో ఎప్పుడైనా నకిలీ చెక్కులతో నగదును మార్చారా అనే కోణంలోనూ ఆరా .

Breaking: సీఏఏపై స్టేకు సుప్రీం నో

supreme court rejected stay plea, Breaking: సీఏఏపై స్టేకు సుప్రీం నో

దేశవ్యాప్తంగా జోరుగా చర్చ జరుగుతున్న సిటిజెన్షిప్ అమెండ్‌మెంట్ యాక్టు అమలుపై స్టే విధించేందుకు సుప్రీంకోర్టు నిరాకరించింది. సీఏఏకు వ్యతిరేకంగా, అనుకూలంగా సుమారు 143 పిటిషన్లు దాఖలైన నేపథ్యంలో సుప్రీంకోర్టు సోమవారం నుంచి విచారణ ప్రారంభించింది. సీఏఏ అమలుపై స్టే విధించేందుకు విముఖత వ్యక్తం చేసిన అత్యున్నత ధర్మాసనం.. తదుపరి విచారణ కొనసాగించేందుకు వీలుగా కేంద్ర ప్రభుత్వానికి నోటీసులు జారీ చేసింది.

పౌరసత్వ సవరణ చట్టాన్ని వ్యతిరేకిస్తూ దాఖలు అయిన పిటిషన్‌లపై సుప్రీంకోర్టులో సోమవారం విచారణ జరిగింది. సీఏఏను లౌకికతత్వానికి వ్యతిరేకంగా అభివర్ణించిన పిటిషన్‌దారులు.. చట్టం అమలుపై తక్షణం స్టే విధించాలని కోరారు. స్టే విధించేందుకు సుప్రీంకోర్టు నిరాకరించింది. తదుపరి విచారణ కొనసాగించేందుకు వీలుగా కేంద్ర ప్రభుత్వానికి అత్యున్నత న్యాయస్థానం నోటీసులు జారీ చేసింది.

అంతకముందు.. వివాదాస్పదమైన సీఏఏని సవాలు చేస్తూ.. సుప్రీంకోర్టులో మొత్తం 144 పిటిషన్లు దాఖలయ్యాయి. సీజేఐ ఎస్.ఎ. బాబ్డే నేతృత్వంలోని ముగ్గురు న్యాయమూర్తుల బెంచ్ వీటిని విచారించింది. ఈ చట్టాన్ని వెంటనే ఉపసంహరించాలని కోరుతున్న పిటిషన్లే వీటిలో ఎక్కువగా ఉన్నాయి. ఈ చట్టం లీగల్ కాదని, మౌలిక రాజ్యాంగ వ్యవస్థకు, సమానత్వ హక్కుకు వ్యతిరేకంగా ఉందని పిటిషనర్లు పేర్కొన్నారు. జనవరి 10న అమలులోకి తెచ్చిన ఈ చట్టాన్ని అమలుకాకుండా స్తంభింపజేయాలని కూడా కొందరు అభ్యర్థించారు. కాంగ్రెస్ పార్టీతో బాటు డీఎంకే, సీపీఐ, సీపీఎం, ఐయుఎంఎల్, ఎంఐఎం సహా.. నటుడు కమల్ హాసన్ నాయకత్వంలోని మక్కల్ నీది మయ్యం కూడా ఈ చట్టాన్ని వ్యతిరేకిస్తూ పిటిషన్లు దాఖలు చేశాయి.

సవరించిన పౌరసత్వ చట్టం రాజ్యాంగబధ్దమైనదేనని ప్రకటించాలని కోరుతూ దాఖలైన పిటిషన్‌ను విచారించేందుకు కోర్టు జనవరి 9 న నిరాకరించింది. దేశం వివిధ సమస్యలను ఎదుర్కొంటోందని, ప్రస్తుతం శాంతి నెలకొనేలా చూడాల్సి ఉందని న్యాయమూర్తులు బీ.ఆర్. గవాయ్, సూర్యకాంత్ లతో కూడిన ధర్మాసనం స్పష్టం చేసింది. ఈ చట్టం చెల్లుబాటును కోర్టు నిర్ణయించాల్సి ఉంది తప్ప.. ఇదిరాజ్యాంగ బధ్దమేనని ప్రకటించడానికి కాదని పేర్కొంది.

Related Tags