బోరుబావిలో బాలుడు.. సూపర్ స్టార్ ఏం చేశాడంటే..?

తలైవా రజనీకాంత్..దేశ, విదేశాల్లో హద్దుల్లేని అభిమానం సంపాదించుకున్న నటుడు. స్టైల్, మేనేరిజమ్స్‌తో ఇండియన్ సిల్వర్ స్రీన్ రికార్డ్స్‌ని బ్రేక్ చేసే బాద్షా. ఇదంతా సూపర్‌స్టార్‌కి ఒకవైపు మాత్రమే..మరోవైపు ఆయన అభిమానుల కోసం ఎంతదూరమైనా వెళ్తారు. వారికోసం ట్రస్ట్‌లు  ఏర్పాటు చేసి సహాయం చేస్తుంటారు. తాజాగా రజనీకాంత్ తన మంచి మనసును మరోసారి చాటుకున్నారు.  తమిళనాడులోని తిరుచ్చి జిల్లా మనప్పారైలోని ఓ బోరుబావిలో రెండేళ్ల బాలుడి చిక్కుకున్న విషయం తెలిసిందే. బాలుడిని బయటకు తీసేందుకు సహాయక సిబ్బంది తీవ్రంగా […]

బోరుబావిలో బాలుడు.. సూపర్ స్టార్ ఏం చేశాడంటే..?
Follow us

| Edited By:

Updated on: Oct 28, 2019 | 11:29 AM

తలైవా రజనీకాంత్..దేశ, విదేశాల్లో హద్దుల్లేని అభిమానం సంపాదించుకున్న నటుడు. స్టైల్, మేనేరిజమ్స్‌తో ఇండియన్ సిల్వర్ స్రీన్ రికార్డ్స్‌ని బ్రేక్ చేసే బాద్షా. ఇదంతా సూపర్‌స్టార్‌కి ఒకవైపు మాత్రమే..మరోవైపు ఆయన అభిమానుల కోసం ఎంతదూరమైనా వెళ్తారు. వారికోసం ట్రస్ట్‌లు  ఏర్పాటు చేసి సహాయం చేస్తుంటారు. తాజాగా రజనీకాంత్ తన మంచి మనసును మరోసారి చాటుకున్నారు.  తమిళనాడులోని తిరుచ్చి జిల్లా మనప్పారైలోని ఓ బోరుబావిలో రెండేళ్ల బాలుడి చిక్కుకున్న విషయం తెలిసిందే. బాలుడిని బయటకు తీసేందుకు సహాయక సిబ్బంది తీవ్రంగా ప్రయత్నిస్తోన్నారు. ఈ క్రమంలో సూపర్‌స్టార్‌ రజనీకాంత్‌ బాలుడు క్షేమంగా రావాలని కోరుకుంటున్నట్లు తెలిపారు.

‘ప్రతి ఒక్కరికీ దీపావళి శుభాకాంక్షలు. బోరుబావిలో చిక్కుకున్న రెండేళ్ల చిన్నారి సుజిత్‌ క్షేమంగా బయటకు రావాలని ప్రార్థిస్తున్నాను. బాబును బయటకు తీసుకువచ్చేందుకు యంత్రాల సాయంతో సహాయక సిబ్బంది కృషి చేస్తున్నారు. ఈ క్రమంలో మరిన్ని జాగ్రత్తలు తీసుకోవాలని నేను కోరుకుంటున్నాను.’ అని రజనీ పేర్కొన్నారు.

క్షేమంగా బయటకు రావాలని కోరుకుంటున్నా:

ఇక లోకనాయకుడు కమల్ హాసన్ కూడా బోరుబావిలో చిన్నారి గురించి స్పందించారు. అతడు క్షేమంగా బయటకురావాలని కోరుకుంటున్నట్లు తెలిపారు. తెరిచి ఉన్న బోర్లు ఎప్పటికీ ప్రమాదకరమే అని వాటిపట్ల ప్రజలే జాగ్రత్తలు తీసుకోవాలని పేర్కొన్నారు.

తమిళనాడు తిరుచారప్పల్లిలో రెండేళ్ల చిన్నారి బోరుబావిలో పడిపోయాడు. నడుకట్టుపట్ట్ ప్రాంతంలో శుక్రవారం సాయంత్రం 5.30కి ఇంట్లోంచీ ఆడుకుంటూ వెళ్లిన సుజిత్ బయటకు వెళ్లి బోరుబావిలో పడ్డాడు.