Breaking News
  • టిఆర్ఎస్ పార్టీ శ్రేణులతో పార్టీ వర్కింగ్ ప్రెసిడెంట్ కేటీఆర్ టెలికాన్ఫరెన్స్. ఎమ్మెల్సీ ఎన్నికలు ఉన్న వరంగల్, ఖమ్మం, నల్గొండ జిల్లాల ఓటరు నమోదు ఇంచార్జి లతో మాట్లాడిన కేటీఆర్. అక్టోబర్ 1 నుంచి జరగబోయే గ్రాడ్యుయేట్ ఓటర్ల నమోదునకు ప్రాధాన్యత ఇవ్వాలి. ఓటరు నమోదు కార్యక్రమాన్ని పెద్ద ఎత్తున చేపట్టాలి. పార్టీ శ్రేణులకు దిశానిర్దేశం చేసిన  కేటీఆర్.
  • బెంగుళూరు అల్లర్ల కేసులో సయ్యద్ సాదిక్ అలీని అరెస్ట్ చేసిన ఎన్ ఐ ఎ. ఆగస్టు 11న డీజే హాలి, కేజీ హాలీ పోలీస్ స్టేషన్ల పై దాడి లతోపాటు కాంగ్రెస్ ఎమ్మెల్యే శ్రీనివాసమూర్తి ఇంటిపై అల్లరి మూకల విధ్వంసం. ఈ దాడి వెనకాల ఉన్న సయ్యద్ సాదిక్ అలీ ని అరెస్ట్ చేసిన ఎన్ ఐ ఎ. బెంగళూరులో ఓ బ్యాంకు రికవరీ ఏజెంట్ గా పనిచేస్తున్న సయ్యద్ సాదిక్ అలీ. ఆగస్టు 11 అల్లర్లు తర్వాత అజ్ఞాతంలోకి వెళ్లిపోయిన సయ్యద్. కేంద్ర హోంశాఖ ఆదేశాలతో సెప్టెంబర్ 21న బెంగళూరు అల్లర్ల పై కేసు నమోదు చేసిన ఎన్ ఐ ఎ. ఈరోజు బెంగళూరులో 30 చోట్ల సోదాలు నిర్వహించిన ఎన్ ఐ ఏ. సోదాల్లో ఎయిర్ గన్, షార్ప్ ఆయుధాల తో పాటు, ఐరన్ రోడ్స్ ఎలక్ట్రానిక్ పరికరాలను స్వాధీనం చేసుకున్న ఎన్ ఐఎ.
  • ఏపీ బీజేపీ రాష్ట్ర ప్రధాన కార్యదర్శి విష్ణువర్ధన్ రెడ్డి కి కోరిన పాజిటివ్. నిన్నటి నుండి బీజేపీ తలపెట్టిన కార్యక్రమాల్లో చురుగ్గా పాల్గొన్న విష్ణువర్ధన్ రెడ్డి.
  • ఏసీబీ అధికారులకు మాజీమంత్రి అయ్యన్న, ఎమ్మెల్యే వెలగపూడి ఫిర్యాదు. మంత్రి జయరాంపై ఫిర్యాదు చేసిన అయ్యన్నపాత్రుడు, వెలగపూడి. మంత్రి జయరాం, ఆయన కుమారుడిపై ఫిర్యాదు చేశాం. ఆధారాలుంటే చూపించండి రాజీనామా చేస్తామని జయరాం అన్నారు. అన్ని ఆధారాలు చూపించా-మాజీమంత్రి అయ్యన్నపాత్రుడు. ఏసీబీ ప్రభుత్వం కంట్రోల్‌లో ఉంది. న్యాయం జరగకపోతే గవర్నర్‌ను కలుస్తాం-అయ్యన్నపాత్రుడు.
  • ముంబై బయలుదేరిన రకుల్ . ncb ముందు హాజరవడానికి కాసేపటి కిందట హైదరాబాద్లోని రాజీవ్ గాంధీ ఇంటర్నేషనల్ ఎయిర్ పోర్ట్ నుంచి బయలుదేరిన నటి రకుల్ ప్రీత్ సింగ్. రేపు ఎన్ సి బి ముందు విచారణకు రానున్న రకుల్.
  • కర్నూలు జిల్లా: శ్రీశైలంలోని ఘంటా మఠంలో మరో అద్భుతం. ఘంటా మఠం పునర్నిర్మాణ పనుల్లో బయట పడిన 6 అడుగుల ధ్యాన మందిరం. ధ్యాన మందిరం లోపలి భాగంలో వైవిధ్యంగా ఉన్న సొరంగం. ధ్యాన మందిరం లోపల నైరుతి భాగం నుంచి ఆగ్నేయం వరకు, ఆగ్నేయం మార్గం నుంచి తూర్పు వరకు సొరంగం ఉన్నట్లు గుర్తించిన దేవస్థానం అధికారులు. పది రోజుల క్రితమే ఘంటా మఠంలో బయటపడిన వెండి నాణేలు, తామ్ర శాసనాలు. ధ్యాన మందిరాన్ని యథావిధిగా పునర్నిర్మిస్తాం : ఈవో రామారావు.
  • రేపట్నుంటి సిటీబస్సులు - మంత్రి పువ్వాడ అజయ్. 25 శాతం బస్సులు నడిపేందుకు ముఖ్యమంత్రి కేసీఆర్ అంగీకారం - మంత్రి పువ్వాడ అజయ్.

ట్విట్ట‌ర్ మోత మోగిపోయింది : మ‌హేశ్ ఫ్యాన్స్ వ‌రల్డ్ రికార్డ్‌

సూప‌ర్‌స్టార్ మ‌హేశ్‌కు అపార‌మైన ఫ్యాన్ బేస్ ఉంది. వారు త‌లుచుకుంటే రికార్డుల క్రియేట్ చెయ్య‌డం, బ‌ద్ద‌లు కొట్టడం పెద్ద క‌ష్ట‌మేమి కాదు.

Mahesh Babu Fans Creates World's Biggest Trend, ట్విట్ట‌ర్ మోత మోగిపోయింది : మ‌హేశ్ ఫ్యాన్స్ వ‌రల్డ్ రికార్డ్‌

Happy birthday mahesh babu : సూప‌ర్‌స్టార్ మ‌హేశ్‌కు అపార‌మైన ఫ్యాన్ బేస్ ఉంది. వారు త‌లుచుకుంటే రికార్డుల క్రియేట్ చెయ్య‌డం, బ‌ద్ద‌లు కొట్టడం పెద్ద క‌ష్ట‌మేమి కాదు. ఇక ఆదివారం మహేశ్ బర్త్ డే. ఫ్యాన్స్ అంద‌రూ క‌లిసి గుర్తిండిపోయే గిఫ్ట్ ఇవ్వాలిగా. ఇచ్చేశారు. అలాంటి, ఇలాంటి గిఫ్ట్ కాదు. అల్టిమేట్ గిఫ్ట్ ఇచ్చారు. #HDBMaheshBabu ట్యాగ్‌తో సోషల్ మీడియాలో వరల్డ్ రికార్డ్ నెలకొల్పారు మహేష్ అభిమానులు. 60.2 మిలియన్ ట్వీట్లతో అతి పెద్ద ట్రెండ్ క్రియేట్ చేశారు. 1.28 లక్షల అభిమానులు ఈ కార్య‌క్ర‌మంలో పాల్గొనడం కూడా సరికొత్త రికార్డే. కాగా సోష‌ల్ మీడియా ద్వారా ప‌లువురు సినీ, రాజకీయ సెలబ్రిటీలందరూ మహేష్ బాబుకు పుట్టిన రోజు శుభాకాంక్షలు చెప్పారు.

కరోనా వ్యాప్తి నేప‌థ్యంలో సామూహిక‌ వేడుకలకు దూరంగా ఉండాల‌ని మహేష్ బాబు పిలుపునిచ్చిన విష‌యం తెలిసిందే. జన్మదినం సందర్భంగా ఇంటి ఆవరణలో మొక్కలు నాటి సరికొత్త సందేశం ఇచ్చారు మహేష్ బాబు. గ్రీన్ ఇండియా దిశ‌గా అడుగులు వేయాల‌ని పిలుపునిచ్చారు. కాగా పుట్టినరోజు సంద‌ర్భంగా విడుద‌ల చేసిన మహేష్ కొత్త సినిమా సర్కారు వారిపాట మోషన్ పోస్టర్ కు విశేష స్పందన లభించింది.

 

Also Read : ఏపీలో క‌రోనా క‌ల్లోలం : జిల్లాల వారీగా వివ‌రాలు

Related Tags