Breaking News
  • అమరావతి: ప్రధానిమోదీ నిర్వహించిన వీడియో కాన్ఫరెన్స్ లో సీఎం జగన్ మోహన్ రెడ్డి. బ్రహ్మోత్సవాల సందర్భంగా స్వామివారికి పట్టు వస్త్రాలు సమర్పించాల్సిన నేపథ్యంలో వీడియో కాన్ఫరెన్స్ లో ముందు మాట్లాడేందుకు అనుమతి ఇచ్చినందుకు ప్రధానికి ధన్యవాదాలు తెలిపిన సీఎం జగన్ మోహన్ రెడ్డి. కరోన నివారణకు కేంద్రం ఇస్తున్న అన్ని మార్గదర్శకాలను రాష్ట్రంలో అమలు చేస్తున్నాం. మోదీ నాయకత్వంలో కరోనను పటిష్టంగా ఎదుర్కొన్నాం.
  • భద్రాద్రి: పాల్వంచ అటవీప్రాంతంలో కూంబింగ్‌. తప్పించుకున్న మావోయిస్టులు. ఒక తుపాకీ, కిట్‌ బ్యాగులు, సోలార్‌లైట్‌ స్వాధీనం. మావోయిస్టుల కోసం కొనసాగుతున్న గాలింపు. జిల్లా ఎస్పీ సునీల్‌ దత్‌ నేతృత్వంలో కూంబింగ్‌.
  • టీవీ9 తో సిటీ ED వెంకటేశ్వర రావు. సిటీ బస్సుల కు సంబంధించి ఎలాంటి నిర్ణయం జరగలేదు. తక్కువ సంఖ్యలో బస్సులు నడుపుతామని వార్తలు వొస్తున్నాయి అందులో వాస్తవమ్ లేదు. సిటీ చివరలో 290 సర్వీసులను ఈరోజు నుండి నడుపుతున్నాం. సిటీ కి సంబంధించి చర్చ మాత్రమే జరుగుతుంది ఎలాంటి నిర్ణయం రాలేదు. మేము మాత్రం అన్ని డిపోలలో బస్సుల ను సిద్ధం చేసి ఉంచాం. కోవిడ్ నిబంధనలకు అనుకూలంగా ఏర్పాట్లు కూడా చేసాం. ప్రభుత్వ ఆదేశాల కోసం చూస్తున్నాం.
  • కృష్ణా జిల్లా : సీఎంఆర్ఎఫ్ నకిలీ చెక్కుల కేసులో దూకుడు పెంచిన ఏసీబీ. కృష్ణా జిల్లా విసన్నపేట, కొండపల్లి ఇండియాన్ బ్యాంకులలో ఏసీబీ సోదాలు. గోప్యంగా దర్యాప్తు చేస్తున్న ఏసీబీ అధికారులు. 2020 జూన్ 29న హైమావతి, రమ్య శ్రీ అనే మహిళలకు సీఎంఆర్ఎఫ్ నుంచి ఆర్థిక సహాయం అందించిన సీఆర్ఎంఎఫ్ అధికారులు. అవే చెక్కులు ఫోర్జరీకి గురికావడంతో హైమావతి, రమ్యశ్రీ ని విచారించిన ఏసీబీ అధికారులు. ఇండియన్ బ్యాంక్ అధికారులను సైతం విచారించిన అధికారులు. చెక్ నెంబర్లు ఎలా దుండగులు సేకరించి ఫేక్ చెక్కులు ఎలా తయారు చేసారన్న అంశాలపై కూపీ గాలుగుతున్న ఏసీబీ.
  • ప.గో: భీమవరంలో చిట్టీల పేరిట మోసం. సుమారు 100 మంది నుంచి చిట్టీలు కట్టించుకున్న అమ్మాజీ. రూ.2 కోట్లు వసూలు చేసి పరారైన చిట్టీల వ్యాపారి అమ్మాజీ. ఎమ్మెల్యే గ్రంధి శ్రీనివాస్‌ని ఆశ్రయించిన బాధితులు. కఠిన చర్యలు తీసుకోవాలని పోలీసులను ఆదేశించిన ఎమ్మెల్యే.
  • ఇప్పటివరకు దేశంలో “కరోనా” వల్ల ముగ్గురు ఎమ్.పి లు, ఒక కేంద్ర మంత్రి మృతి. 1) బల్లి దుర్గా ప్రసాద్ ( AP) 2) హెచ్. వసంత్ కుమార్ ( TN) 3) అశోక్ గస్తీ ( Ktk) ——— 4) సురేష్ అంగాడీ ( KTK) ( కేంద్ర రైల్వే శాఖ సహాయ మంత్రి.
  • తిరుమల: తిరుమలకు చేరుకున్న కర్ణాటక సీఎం యడియూరప్ప. కర్ణాటక సీఎంకు స్వాగతం పలికిన టీటీడీ చైర్మన్ వై.వి.సుబ్బారెడ్డి, టీటీడీ అడిషనల్ ఈఓ ధర్మారెడ్డి. రేపు ఉదయం ఏపీ సీఎం జగన్ తో కలిసి శ్రీవారిని దర్శించుకోనున్న యడియూరప్ప. దర్శనానంతరం ఉదయం 7 గంటలకు నాదనీరాజనం వేదికపై సుందరకాండ పారాయణంలో పాల్గొననున్న ముఖ్యమంత్రులు. అనంతరం బ్యాటరీ వాహనం ద్వారా మాడవీధుల్లో ప్రయాణించి పడమర మాడవీధిలోని కర్ణాటక సత్రాల వద్దకు చేరుకోనున్న సీఎంలు. ఉదయం 8.10 గంటలకు కర్ణాటక సత్రాల నూతన సముదాయ నిర్మాణానికి భూమిపూజ చేయనున్న ముఖ్యమంత్రులు. పద్మావతి గెస్ట్ హౌస్ లో అల్పాహారం స్వీకరించి తిరుగు ప్రయాణమవ్వనున్న ముఖ్యమంత్రులు.

గిన్నీస్ రికార్డు సాధించిన తొలి మహిళా దర్శకురాలు ‘విజయనిర్మల’

Vijayanirmala, గిన్నీస్ రికార్డు సాధించిన తొలి మహిళా దర్శకురాలు ‘విజయనిర్మల’

ప్రముఖ నటి, దర్శకురాలు విజయనిర్మల మృతి చెందారు. కొద్ది కాలంగా అనారోగ్యంతో బాధపడుతున్న విజయనిర్మల, కాంటినెంట్ ఆస్పత్రిలో చికిత్స పొందుతూ మృతి చెందారు. విజయనిర్మల 1946 ఫిబ్రవరి 20న జన్మించారు. సూపర్‌స్టార్ కృష్ణకు విజయనిర్మల భార్య. నటుడు నరేష్‌కి తల్లి. విజయనిర్మల మృతితో పలువురు సినీ ప్రముఖులు దిగ్భ్రాంతికిని వ్యక్తం చేస్తున్నారు.

నటిగా దర్శకురాలిగా తనదైన బాణిని పలికించారు. 44 పైగా చిత్రాలకు విజయనిర్మల దర్శకత్వం వహించారు. అత్యధిక చిత్రాలు తెరకెక్కించిన మహిళా దర్శకురాలిగా ఆమె గిన్నీస్ రికార్డు సాధించారు. విజయనిర్మల బాల్యంలో పాండురంగ మహత్యం చిత్రంలో బాలకృష్ణుడిగా నటించి వావ్ అనిపించారు.

రంగుల రాట్నం చిత్రం ద్వారా ఆమె హీరోయిన్‌గా మారారు. మీనా చిత్రం ద్వారా దర్శకురాలిగా మారారు. భార్యాభర్తలిద్దరూ కలిసి 50 చిత్రాల్లో నటించారు. మోసగాళ్లకు మోసగాడు, పండంటి కాపురం, దేవుడు చేసిన మనుషులు, అల్లూరి సీతారామరాజు, పాడిపంటలు వంటి చిత్రాలు రజతోత్సవాలు కూడా జరుపుకున్నాయి.

విజయనిర్మల అసలు పేరు నిర్మల. అయితే తనకు సినీ రంగంలో తొలి అవకాశమిచ్చిన విజయా స్టూడియోకు కృతజ్ఞతగా విజయనిర్మల అని ఆమె పేరు మార్చుకున్నారు. బాలనటిగా కేరీర్ ప్రారంభించిన విజయనిర్మల అంచెలంచెలుగా ఎదిగి కథానాయకిగా ఉన్నతస్థానానికి చేరారు. తరువాత మెగాఫోన్ చేపట్టి అత్యధిక సినిమాలను తెరకెక్కించిన మహిళా దర్శకురాలిగా గిన్నీస్‌బుక్‌లో స్థానం సాధించారు.

సాక్షి చిత్రంలో తొలిసారిగా సూపర్ స్టార్ కృష్ణతో కలిసి ఆమె నటించారు. తెలుగు, తమిళం, మలయాళంలో 200లకు పైగా చిత్రాల్లో విజయనిర్మల నటించారు. సొంత నిర్మాణ సంస్థ విజయకృష్ణా పతాకంపై 15కు పైగా చిత్రాలను నిర్మించారు. తెలుగు సినిమా రంగానికి చేసిన సేవలకు గాను ఆమెకు అత్యున్నత పురస్కారం రఘుపతి వెంకయ్య అవార్డును అందుకున్నారు. మీనా, కవిత, దేవదాసు, దేవుడు గెలిచాడు, రౌడీ రంగమ్మ, మూడు పువ్వులు ఆరు కాయలు, కిలాడీ కృష్ణుడు వంటి చిత్రాలలో ఆమె అన్ని వర్గాల వారిని ఆకట్టుకున్నారు.

Related Tags