Breaking News
  • చెన్నై: ఐఐటీ విద్యార్థిని ఫాతిమా లతీఫ్‌ ఆత్మహత్య కేసు. ఫాతిమా లతీఫ్‌ ఆత్మహత్యపై విద్యార్థి సంఘాల ఆందోళనలు. అసిస్టెంట్‌ ప్రొఫెసర్‌ పద్మనాభన్‌పై చర్యలు తీసుకోవాలని డిమాండ్‌. నేడు ఐఐటీ ముట్టడికి విద్యార్థి సంఘాల పిలుపు.
  • కరీంనగర్‌: అలుగునూరులో రోడ్డుప్రమాదం. లారీ ఢీకొని ఇద్దరు యువకులు మృతి. మృతులు సాయికిరణ్‌, సాయికృష్ణగా గుర్తింపు.
  • నిజామాబాద్‌: భీమ్‌గల్‌ మండలం లింబాద్రిగుట్ట జాతరలో ప్రమాదం. డ్యాన్సింగ్‌ వీలుపై నుంచి పడి రవి అనే వ్యక్తికి తీవ్రగాయాలు. నిజామాబాద్‌ ఆస్పత్రికి తరలింపు.
  • ప్రభుత్వం 50 మంది కార్మికులను చంపేసింది. తప్పుడు విధానాలతో భవన నిర్మాణ కార్మికులు ఆకలితో చనిపోతున్నారు. ప్రజా సమస్యల పరిష్కారం కోసం ప్రభుత్వంపై యుద్ధం చేస్తున్నా. వ్యక్తిగతంగా విమర్శించను.. తప్పుడు విధానాలపైనే ప్రశ్నిస్తున్నా. కార్మికుల కష్టాలను సీఎం జగన్‌ పట్టించుకోవాలి-పవన్‌కల్యాణ్‌.
  • విశాఖ: ఏజెన్సీలో తగ్గిన ఉష్ణోగ్రతలు. అరకులో 13, చింతపల్లిలో 8, మినుములూరులో 10 డిగ్రీల ఉష్ణోగ్రత. పాడేరులో 12 డిగ్రీల ఉష్ణోగ్రత నమోదు.
  • కర్నూలు: విజయానికేతన్‌ స్కూల్‌ కరస్పాండెంట్‌, డైరెక్టర్‌ అరెస్ట్. సాంబార్‌ గిన్నెలో పడి విద్యార్థి మృతి చెందిన ఘటనలో అరెస్ట్‌. కరస్పాండెంట్ నాగమల్లేశ్వరరెడ్డి, డైరెక్టర్ విజయకుమార్‌రెడ్డిని.. రహస్యంగా రిమాండ్‌కు తరలించిన పాణ్యం పోలీసులు. హాస్టల్‌కు అనుమతి లేదని తేల్చిన విద్యాశాఖ అధికారులు. ఇంత వరకు బయటకు రాని సీసీఫుటేజ్‌. హాస్టల్‌లో సీసీ కెమెరాలు లేవంటున్న యాజమాన్యం.
  • హైదరాబాద్‌: మాదాపూర్‌లో రోడ్డుప్రమాదం. అయ్యప్ప సొసైటీలో అదుపుతప్పి స్కూల్‌ బస్సు బోల్తా. బస్సులో విద్యార్థులెవరూ లేకపోవడంతో తప్పిన ప్రమాదం.

అయోధ్య కేసులో సున్నీ వక్ఫ్ బోర్డు కేసు ఉపసంహరణ?

అయోధ్య‌లోని రామ‌జ‌న్మ‌భూమి-బాబ్రీమ‌సీదు వివాదాస్ప‌ద కేసులో సున్నీ వ‌క్ఫ్ బోర్డు కూడా త‌మ వాద‌నలు వినిపించిన విష‌యం తెలిసిందే. అయితే ఈ కేసు నుంచి ఉప‌సంహ‌రించుకోవాల‌ని సున్నీ వ‌క్ఫ్ బోర్డు నిర్ణ‌యించింది. సున్నీ వ‌క్ఫ్ బోర్డులో ఉన్న స‌భ్యుల మ‌ధ్య వివాదం చెల‌రేగ‌డ‌మే దీనికి కార‌ణ‌మ‌ని తెలిసింది. వ‌క్ఫ్ బోర్డు చైర్మ‌న్ జేఏ ఫారుకిపై ఎఫ్ఐఆర్‌లు న‌మోదు అయిన‌ట్లు తెలుస్తోంది. వివాదాస్ప‌ద అంశం నుంచి ఉప‌సంహ‌రించుకోవాల‌ని వ‌క్ఫ్ బోర్డు నిర్ణ‌యించిన‌ట్లు మ‌ధ్య‌వ‌ర్తి ప్యానెల్ సుప్రీంకోర్టుకు వెల్ల‌డించింది.

వ‌క్ఫ్ బోర్డుకు చెందిన భూముల‌ను అక్ర‌మంగా అమ్మేశార‌ని ఫారుకిపై యూపీ ప్ర‌భుత్వం విచార‌ణ‌కు ప్ర‌తిపాదించింది. అయితే త‌న‌కు ప్రాణ‌హాని ఉంద‌ని ఫారుకి కోర్టును కోరడంతో ఆయ‌న‌కు అద‌న‌పు భ‌ద్ర‌త క‌ల్పించాల‌ని సుప్రీం ఆదేశించింది. టైటిల్ సూట్ నుంచి కేసును ఉప‌సంహ‌రించాల‌ని నిర్ణ‌యించామ‌ని, అయోధ్య‌లో ఉన్న 22 మ‌సీదుల మెయింటేనెన్స్ చూసుకోవాల‌ని వ‌క్ఫ్ బోర్డు ప్ర‌భుత్వాన్ని కోరింది. అయోధ్య కేసులో విచార‌ణ‌ను సుప్రీం నేటితో ముగించ‌నున్న‌ది. అయిదుగురు స‌భ్యుల రాజ్యాంగ ధ‌ర్మాస‌నం ఈ కేసును వాదించేందుకు 40 రోజుల టైంను ఫిక్స్ చేసింది.