Breaking News
  • కర్నూలు: ప్రమాదంలో శ్రీశైలం డ్యామ్‌. పగుళ్లు వచ్చి డ్యామ్‌ ప్రమాదంలో ఉందని రాజేంద్రసింగ్‌ హెచ్చరిక. పగుళ్లతో వాటర్‌ లీకేజీలు ఎక్కువగా ఉన్నాయన్న రాజేంద్రసింగ్‌. గంగాజల్‌ సాక్షరత యాత్రలో భాగంగా శ్రీశైలం డ్యామ్‌ పరిశీలన. ప్రధాన డ్యామ్‌ ఎదురుగా భారీ గొయ్యి ఏర్పడింది. డ్యామ్‌ గేట్లు ఎత్తిన ప్రతీసారి మరింత పెద్దదవుతుంది. ఆ గొయ్యి విస్తరిస్తూ డ్యామ్‌ పునాదుల వరకు వెళ్తోంది. చాలా కాలం నుంచి లీకేజీలు వస్తున్నా పట్టించుకోలేదు. డ్యామ్‌ నిర్వహణ సరిగా లేకపోవడంతో ప్రమాదంగా మారింది.
  • శ్రీశైలం డ్యామ్‌కు పగుళ్లు వాస్తవమేనంటున్న అధికారులు. పరిస్థితిపై ప్రభుత్వానికి వివరించాం. డ్యామ్‌ కొట్టుకుపోయేంత ముప్పులేదంటున్న అధికారులు.
  • కాకినాడ: వైద్యం వికటించి యువకుడి పరిస్థితి విషమం. కడుపు నొప్పి రావడంతో ఫౌండేషన్‌ ఆస్పత్రిలో చేరిన యువకుడు. మూడు రకాల ఇంజెక్షన్‌లు చేసిన ఆస్పత్రి వైద్యులు. యువకుడి పరిస్థితి విషమించడంతో ట్రస్ట్‌ ఆస్పత్రికి తరలింపు.
  • కొలిక్కి రాని మహారాష్ట్ర పంచాయితీ. ముంబైలో నేడు వేర్వేరుగా కాంగ్రెస్‌, ఎన్సీపీ నేతల సమావేశం.
  • కొమురంభీంఆసిఫాబాద్‌: కాగజ్‌నగర్‌లో దారుణం. తల్లి సంధ్య గొంతు కోసిన కొడుకు. తల్లి పరిస్థితి విషమం, మంచిర్యాల ఆస్పత్రికి తరలింపు. అంగన్‌వాడీ టీచర్‌గా పనిచేస్తున్న సంధ్య.
  • ప్రకాశం: అద్దంకిలో రెండు ఇళ్లలో చోరీ. 7 సవర్ల బంగారం, రూ.10వేల నగదు, 2 సెల్‌ఫోన్లు అపహరణ.
  • నేడు జనగామ, మహబూబాద్‌ జిల్లాల్లో మంత్రి ఎర్రబెల్లి పర్యటన. పలు అభివృద్ధి కార్యక్రమాలలో పాల్గొననున్న ఎర్రబెల్లి దయాకర్‌రావు.
  • చిత్తూరు: రామకుప్పం మండలం ననియాలతండాలో దారుణం. వేటగాళ్లు అమర్చిన విద్యుత్‌ తీగలు తగిలి రవి అనే వ్యక్తి మృతి. రవి మృతదేహాన్ని రహస్యంగా కాల్చివేసిన వేటగాళ్లు. రవిని హత్య చేశారంటున్న ననియాల గ్రామస్తులు. పలువురిని అదుపులోకి తీసుకొని విచారిస్తున్న పోలీసులు. ననియాల, ననియాలతండా గ్రామాలలో ఉద్రిక్తత.

చంద్రబాబు ఎమ్మెల్యే మాత్రమే..! సుజనా నోట.. షాకింగ్ మాట

Sujana Chowdary sensational comments on Chandrababu Naidu, చంద్రబాబు ఎమ్మెల్యే మాత్రమే..! సుజనా నోట.. షాకింగ్ మాట

జమిలి ఎన్నికలపై మాట్లాడే అర్హత ప్రతిపక్షనేత చంద్రబాబుకు లేదన్నారు బీజేపీ ఎంపీ సుజనా చౌదరి. ఆయన కేవలం ఒక ఎమ్మెల్యే మాత్రమేనని పేర్కొన్న సుజనా.. జమిలి ఎన్నికలపై ఇంతవరకు తనకు సమాచారం లేదని పేర్కొన్నారు. రాజధాని ప్రాంత రైతులతో కలిసి సుజనా చౌదరి, కామినేని గవర్నర్ విశ్వభూషణ్ హరిచందన్‌ను కలిశారు. ఈ సందర్భంగా రాజధాని అంశంపై ఆయనకు ఫిర్యాదు చేశారు. అనంతరం మాట్లాడుతూ ఏపీలో అధికార వైసీపీ, ప్రతిపక్ష టీడీపీపై విమర్శలు గుప్పించారు.

జగన్‌ సర్కార్‌కు పరిపాలనపై దృష్టి లేదని, కేవలం ప్రతిపక్షాలపై దాడి చేయడంపైనే ఎక్కువ దృష్టి ఉందని ఆయన అన్నారు. రాష్ట్రంలో శాంతి భద్రతలు గాడి తప్పాయని ఈ సందర్భంగా పేర్కొన్నారు. పాలనపై వైసీపీ నేతలు దృష్టి పెట్టాలని.. పోలవరం, అమరావతిపై గందరగోళం నెలకొందని ఆయన చెప్పుకొచ్చారు. రాజధానిపై మంత్రి బొత్స స్టేట్‌మెంట్ ఇచ్చి నెలరోజులు గడుస్తున్నా.. ముఖ్యమంత్రి మాత్రం దీనిపై ఇప్పటి వరకూ స్పందించలేదని విమర్శించారు.

ఇక పోలవరంపై కిరణ్‌కుమార్‌రెడ్డి తీవ్ర నిర్లక్ష్యం వహించారని.. ఆ తరువాత టీడీపీ హయాంలో కాలయాపన జరగడం వల్ల ట్రాక్ తప్పిందని సుజనా పేర్కొన్నారు. ఇక ఇప్పుడు వైసీపీ ప్రభుత్వం కూడా ఏకపక్ష ధోరణితో వెళ్తోందని.. కేంద్రం హెచ్చరిస్తున్నా పట్టించుకోవడం లేదని ఆరోపించారు. పోలవరంపై ఆలస్యం చేయడం వల్ల ప్రతీ సీజన్‌లో 10వేల కోట్లు నష్టం వస్తుందని.. టెండర్లు మార్చడం వలన 5 రూపాయలు కూడా ఆదా చేయలేరని పేర్కొన్నారు. ఇక ప్రభుత్వ తీరు ఇలాగే కొనసాగితే కేంద్రం కచ్చితంగా జోక్యం చేసుకుంటుందని ఈ సందర్భంగా సుజనా హెచ్చరించారు.

అయితే ఈ ఏడాదిలో ఏపీలో జరిగిన అసెంబ్లీ, లోక్‌సభ ఎన్నికల ఫలితాల వరకు సుజనా టీడీపీలోనే ఉన్నారు. ఆ తరువాత చంద్రబాబుకు షాక్ ఇస్తూ బీజేపీ కండువాను కప్పుకున్నారు. ఇక ఇప్పుడు బాబును టార్గెట్ చేస్తూ ఆయన చేసిన వ్యాఖ్యలు సంచలనంగా మారాయి.