ముఖ్యమంత్రి కేసీఆర్కు కృతజ్ఞతలు…
మా అభ్యర్థన మన్నించి తిరిగి షూటింగ్స్ ప్రారంభించుకోవడానికి అనుమతులు ఇచ్చిన తెలంగాణ ముఖ్యమంత్రి కేసీఆర్గారికి ధన్యవాదాలు. అలాగే చర్చల్లో కీలక పాత్ర పోషించిన తలసాని శ్రీనివాసయాదవ్ గారికి కూడా కృతజ్ఞతలు.
తెలంగాణ ముఖ్యమంత్రి కేసీఆర్కు దర్శకధీరుడు ఎస్.ఎస్. రాజమోళి కృతజ్ఞతలు తెలిపారు. తెలంగాణలో సినిమాల షూటింగులు కొనసాగించుకోవడానికి విధివిధానాలు రూపొందించిన మంత్రి తలసాని శ్రీనివాస యాదవ్కు ప్రత్యేక ధన్యవాదాలు చెబుతూ ట్వీట్ చేశారు. ‘‘మా అభ్యర్థన మన్నించి తిరిగి షూటింగ్స్ ప్రారంభించుకోవడానికి అనుమతులు ఇచ్చిన తెలంగాణ ముఖ్యమంత్రి కేసీఆర్గారికి ధన్యవాదాలు. అలాగే చర్చల్లో కీలక పాత్ర పోషించిన తలసాని శ్రీనివాసయాదవ్ గారికి కూడా కృతజ్ఞతలు. ఇప్పుడు ప్రభుత్వ నిబంధనలకు లోబడి పనిచేయాల్సిన బాధ్యత మాపై ఉంది’’అంటూ ట్విట్టర్ పోస్టులో పేర్కొన్నారు.
ఇప్పటికే తెలంగాణలో సినిమా, టీవీ కార్యక్రమాల షూటింగులు కొనసాగించుకోవడానికి ముఖ్యమంత్రి కేసీఆర్ అనుమతి ఇచ్చారు. రాష్ట్రంలో పరిమిత సిబ్బందితో, కోవిడ్-19 మార్గదర్శకాలు పాటిస్తూ సినిమా, టీవీ కార్యక్రమాల షూటింగులు నిర్వహించుకోవచ్చని సీఎం స్పష్టం చేసిన సంగతి తెలిసిందే.
Thank you @TelanganaCMO KCR garu for considering our request and allowing us to get back to work, and @YadavTalasani garu for streamlining the process.
Now the onus is on us as an industry to figure out how to work with the recommended safety guidelines in place. Quite a job!
— rajamouli ss (@ssrajamouli) June 9, 2020