Cristiano Ronaldo: మరోసారి మంచి మనసు చాటుకున్న రొనాల్డో.. గోల్ కొట్టలేదని ఏడ్చిన చిన్నారికి జెర్సీ బహూకరణ..
క్రిస్టియానో రొనాల్డో... ఫుట్బాల్లో ఈ పేరుకున్న క్రేజ్ గురించి ప్రత్యేకంగా చెప్పక్కర్లేదు. మైదానంలో పాదరసంలా కదులుతూ గోల్స్తో ప్రత్యర్థి గుండెల్లో రైళ్లు పరిగెత్తించే ఈ స్టార్ ఫుట్బాల్ ఆటగాడికి..
క్రిస్టియానో రొనాల్డో… ఫుట్బాల్లో ఈ పేరుకున్న క్రేజ్ గురించి ప్రత్యేకంగా చెప్పక్కర్లేదు. మైదానంలో పాదరసంలా కదులుతూ గోల్స్తో ప్రత్యర్థి గుండెల్లో రైళ్లు పరిగెత్తించే ఈ స్టార్ ఫుట్బాల్ ఆటగాడికి మిలియన్ల సంఖ్యలో అభిమానులున్నారు. మైదానంలో కేవలం ఆటతోనే కాదు తన వ్యవహారశైలి, ప్రవర్తనతోనూ ఫ్యాన్స్ హృదయాలను కొల్లగొడుతుంటాడీ స్టార్ ప్లేయర్. ప్రస్తుతం అలాంటి సంఘటనే ఒకటి చోటుచేసుకుంది. ఫిపా వరల్డ్ కప్ అర్హత పోటీల్లో భాగంగా ఐర్లాండ్లోని డబ్లిన్ వేదికగా శుక్రవారం పోర్చుగల్, రిపబ్లిక్ ఆఫ్ ఐర్లాండ్ జట్లు తలపడ్డాయి. ఇరు జట్ల ఆటగాళ్లు పోటాపోటీగా ఆడడంతో మ్యాచ్ 0-0 స్కోరుతో డ్రాగా ముగిసింది.
కాగా ఈ మ్యాచ్లో పోర్చుగల్ను ముందుండి నడిపించిన రొనాల్డో బాగానే ఆడాడు. కానీ నిర్ణీత సమయంలో ఒక్క గోల్ కూడా కొట్టలేకపోయాడు. దీంతో మ్యాచ్ చూడడానికి వచ్చిన ఐర్లాండ్ చిన్నారి తీవ్ర నిరాశకు గురైంది. మ్యాచ్ ముగిసిన అనంతరం గ్రౌండ్లోకి పరుగెత్తుకుని వచ్చి రొనాల్డోను పట్టుకుని గట్టిగా ఏడ్చింది. దీంతో చలించిపోయిన రొనాల్డో ఆ చిన్నారిని హత్తుకుని ఓదార్చాడు. అనంతరం తన జెర్సీని బహుమతిగా అందించాడు. ప్రస్తుతం దీనికి సంబంధించిన వీడియో సోషల్ మీడియాలో వైరల్గా మారింది. ‘నువ్వు గోల్ కొట్టకపోయినా… మళ్లీ మా మనసులు గెల్చుకున్నావ్’ అంటూ నెటిజన్లు ప్రశంసల వర్షం కురిపిస్తున్నారు.
@Cristiano con un niño después del partido. Cristiano le dio su camiseta a la chica fan de Irlanda después de tiempo completo. pic.twitter.com/w8ArtK6AyR
— Elia M. V. (@emariahn) November 11, 2021
Also Read: