Pele: పీలే ఆరోగ్యంపై బిగ్‌ అప్‌డేట్‌.. తన హెల్త్‌ కండిషన్‌పై స్వయంగా సందేశం పంపిన సాకర్ దిగ్గజం

Basha Shek

Basha Shek |

Updated on: Dec 04, 2022 | 2:46 PM

82 ఏళ్ల పీలేకు గతేడాది క్యాన్సర్‌ కారణంగా పెద్ద పేగులో కణతిని తొలగించారు. అప్పటినుంచి తరచూ చికిత్స కోసం ఆస్పత్రికి వస్తున్నాడు. అయితే తాజాగా అనారోగ్యం బారిన పడడంతో కుటుంబసభ్యులు సావో పౌలో పట్టణంలోని ఆల్బర్ట్‌ ఐన్‌స్టీన్‌ ఆస్పత్రిలో పీలేను చేర్పించారు.

Pele: పీలే ఆరోగ్యంపై బిగ్‌ అప్‌డేట్‌.. తన హెల్త్‌ కండిషన్‌పై స్వయంగా సందేశం పంపిన సాకర్ దిగ్గజం
Pele

బ్రెజిలియన్ ఫుట్‌బాల్ లెజెండ్ పీలే రిటైర్ అయ్యి కొన్నేళ్లు గడిచి ఉండవచ్చు. కానీ అతను ఇప్పటికీ ప్రతి ఫుట్‌బాల్ ప్రేమికుడి హృదయంలో ఉన్నాడు. అందుకే అతను అనారోగ్యం బారిన పడ్డడాని వార్త తెలియగానే ప్రపంచ వ్యాప్తంగా ఉన్న సాకర్‌ అభిమానులు తల్లడిల్లిపోయారు. అతనికి ఏమీ కాకూడదని, త్వరగా కోలుకోవాలని ప్రార్థనలు చేస్తున్నారు. . 82 ఏళ్ల పీలేకు గతేడాది క్యాన్సర్‌ కారణంగా పెద్ద పేగులో కణతిని తొలగించారు. అప్పటినుంచి తరచూ చికిత్స కోసం ఆస్పత్రికి వస్తున్నాడు. అయితే తాజాగా అనారోగ్యం బారిన పడడంతో కుటుంబసభ్యులు సావో పౌలో పట్టణంలోని ఆల్బర్ట్‌ ఐన్‌స్టీన్‌ ఆస్పత్రిలో పీలేను చేర్పించారు. ఆదివారం ఉదయం వరకు కూడా పీలే పరిస్థితి విషమంగా ఉందని.. కీమో థెరపీకి కూడా స్పందించడం లేదని.. వెంటిలేటర్‌పై ఉంచి చికిత్స అందిస్తున్నట్లు పుకార్లు వచ్చాయి. దీంతో అతని అభిమానుల్లో మరింత ఆందోళన మొదలైంది. అయితే తన ఆరోగ్యంపై వచ్చిన వదంతులపై పీలే స్వయంగా స్పందించాడు. ప్రస్తుతం తాను బాగానే ఉన్నట్లు ఇన్‌స్టాగ్రామ్‌ వేదికగా వెల్లడించాడు. ‘ఫ్రెండ్స్‌.. నేను చాలా బాగా ఉన్నాను. నా కోసం ప్రార్థిస్తున్న వాళ్లంతా ఎలాంటి ఆందోళన చెందవద్దు. నేను సానుకూల దృక్పథంతోనే ఉన్నాను. చికిత్స కొనసాగుతోంది. భగవంతుడిపై తనకు అపార నమ్మకం ఉంది. మీరు చూపిస్తున్న ప్రేమ నాకు మరింత శక్తినిస్తోంది. నా కోసం ప్రార్థిస్తున్న అభిమానులకు, చికిత్స అందిస్తున్న సిబ్బందికి ధన్యవాదాలు’ అని తన ఫ్యాన్స్‌కు సందేశం పంపాడు ఫుట్ బాల్ దిగ్గజం.

ప్రపంచకప్‌లోనూ పీలే హోరు..

1958, 1962, 1970లో బ్రెజిల్ ప్రపంచకప్ గెలవడంలో పీలే కీలక పాత్ర పోషించాడు. జాతీయ జట్టు తరఫున 92 మ్యాచ్‌ల్లో 77 గోల్స్ చేశాడు. అంతేకాదు బ్రెజిల్ తరఫున అత్యధిక గోల్స్ చేసిన ఆటగాడిగా రికార్డలకెక్కాడు. కాగా శుక్రవారం కామెరూన్‌తో జరిగిన ప్రపంచ కప్ మ్యాచ్‌కు ముందు బ్రెజిల్ అభిమానులు పీలేను గుర్తు చేసుకున్నారు. ఖతార్‌లోని బ్రెజిల్ అభిమానులు పీలే చిత్రంతో కూడిన బ్యానర్‌ను ప్రదర్శించారు. అందులో పీలే, త్వరగా కోలుకోవాలని రాశారు.అలాగే స్టేడియంలో ఉన్న ఒక అభిమాని పీలే ఫొటోతో కూడిన జెర్సీని ధరించాడు.

లేటెస్ట్ న్యూస్ హైలెట్స్ చూడండి

View this post on Instagram

A post shared by Pelé (@pele)

ఇవి కూడా చదవండి

మరిన్ని క్రీడా వార్తల కోసం క్లిక్ చేయండి..

Follow us on

Related Stories

Most Read Stories

Click on your DTH Provider to Add TV9 Telugu