Virat Kohli Debut: ఈరోజు జూన్ 12. అంటే టీ20 వరల్డ్ కప్ 2024లో భారత్ వర్సెస్ అమెరికా మధ్య మ్యాచ్ జరిగే రోజు. ఈ టోర్నీలో టీమిండియా అద్భుత ప్రదర్శన చేస్తోంది. న్యూయార్క్లో ఆతిథ్య జట్టుపై విజయం సాధించి సూపర్ 8లో అడుగుపెట్టాలని టీమ్ ఇండియా ఉవ్విళ్లూరుతోంది. అదే సమయంలో, విరాట్ కోహ్లి కూడా తన అత్యంత ప్రత్యేకమైన రోజున భారీ ఇన్నింగ్స్ ఆడటం ద్వారా సెలబ్రేట్ చేసుకోవాలని కోరుకుంటున్నాడు. గత రెండు మ్యాచ్లలో, కోహ్లీ ఐర్లాండ్పై ఒక పరుగు, పాకిస్తాన్పై కేవలం నాలుగు పరుగులు మాత్రమే చేయగలిగాడు. అయితే అతను జూన్ 12 న అమెరికాతో మైదానంలోకి రాగానే ఫోర్లు, సిక్స్లు కొట్టడం ద్వారా ఈ తేదీని మరింత గుర్తుండిపోయేలా చేయడానికి ప్రయత్నిస్తాడనడంలో ఎలాంటి సందేహం లేదు.
14 ఏళ్ల క్రితం, జూన్ 12న ఇదే రోజున హరారేలో జింబాబ్వేతో జరిగిన అంతర్జాతీయ టీ20 క్రికెట్లో కోహ్లి భారత్ తరపున అరంగేట్రం చేశాడు. ఇప్పుడు, 2024 సంవత్సరంలో ఇదే తేదీన, టీ20 ప్రపంచకప్లో అమెరికాతో తలపడేందుకు భారత్ సిద్ధమైంది. 14 ఏళ్ల తర్వాత తొలిసారిగా కోహ్లి అంతర్జాతీయ టీ20 మ్యాచ్ని జూన్ 12న ఆడనున్నాడు. అంటే అతని టీ20 అరంగేట్రం వార్షికోత్సవం అన్నమాట.
ఈ 14 ఏళ్లలో కోహ్లీ ఈ ఫార్మాట్లో ఆధిపత్యం చెలాయించాడు. అంతర్జాతీయ టీ20 క్రికెట్లో అత్యధిక పరుగులు చేసిన రెండో బ్యాట్స్మెన్గా నిలిచాడు. 2010, 2024 మధ్య, కోహ్లీ 119 టీ20 మ్యాచ్లలో 137.50 స్ట్రైక్ రేట్, 50.52 సగటుతో 4042 పరుగులు చేశాడు. అతను అంతర్జాతీయ టీ20 క్రికెట్లో ఒక సెంచరీ, 37 అర్ధశతకాలు చేశాడు. అయితే, ఈ టోర్నీలో అతడిపై అభిమానులు ఆందోళన చెందుతున్నారు.
గత రెండు మ్యాచ్ల్లో కోహ్లి బ్యాట్ పని చేయలేదు . ఐపీఎల్ 2024లో అతను ఆరెంజ్ క్యాప్ హోల్డర్గా ఉన్నాడు. ఐపీఎల్లో అతడి బ్యాట్ నుంచి పరుగుల వర్షం కురిసింది. కానీ, అమెరికా చేరుకోగానే అతడి బ్యాట్ మూగబోయింది. ఇప్పుడు అతను తన తొలి వార్షికోత్సవాన్ని ఎలా సెలబ్రేట్ చేసుకుంటాడో చూడాలి.
మరిన్ని క్రీడా వార్తల కోసం ఇక్కడ క్లిక్ చేయండి..