Virat Kohli: ప్లీజ్ కోహ్లీ.. రిటైర్మెంట్కు ముందు ఆ పని చెయ్యవా.. సోషల్ మీడియాలో వైరల్ అవుతున్న ‘పాక్’ అభిమాని అభ్యర్థన..
టీమిండియా స్టార్ క్రికెటర్, మాజీ కెప్టెన్ విరాట్ కోహ్లీకి అభిమానుల్లో ఎంత క్రేజ్ ఉందో ప్రత్యేకంగా చెప్పాల్సిన పనిలేదు. విరాట్ క్రీజులోకి వస్తే చాలు.. అభిమానులు ఉర్రూతలూగుతారు.
టీమిండియా స్టార్ క్రికెటర్, మాజీ కెప్టెన్ విరాట్ కోహ్లీకి అభిమానుల్లో ఎంత క్రేజ్ ఉందో ప్రత్యేకంగా చెప్పాల్సిన పనిలేదు. విరాట్ క్రీజులోకి వస్తే చాలు.. అభిమానులు ఉర్రూతలూగుతారు. ఈలలు, గోలలో స్టేడియం మోతమోగిపోతుంది. క్రికెట్ ప్రపంచంలో విరాట్ సృష్టించిన లెక్కలేని రికార్డులే ఈ క్రేజ్కు కారణం. క్రికెట్ ప్రపంచానికి రారాజుగా వెలుగొందుతున్న కోహ్లికి భారత్ లోనే కాదు, యావత్ ప్రపంచ వ్యాప్తంగా అభిమానులు ఉన్నారు. మన దాయాది దేశం పాకిస్తాన్లోనూ చాలామంది కోహ్లీకి అభిమానులు ఉన్నారు. చాలా మంది అభిమానులు కోహ్లీపై తమ అభిమానాన్ని రకరకాలుగా వ్యక్తపరుస్తారు. తాజాగా అలాంటి దృశ్యమే సోషల్ మీడియాలో విపరీతంగా వైరల్ అవుతోంది. పాకిస్థాన్లోని బద్వాయిరీకి చెందిన ఓ అభిమాని.. కోహ్లీని ఓ కోరిక కోరాడు. స్టేడియంలో ప్లేకార్డు ప్రదర్శిస్తూ ఫోటోను సోషల్ మీడియాలో షేర్ చేశాడు.
ఇంగ్లండ్, పాకిస్థాన్ జట్ల మధ్య టీ20 సిరీస్ జరుగుతున్న విషయం తెలిసిందే. 7 మ్యాచ్ల టీ20 సిరీస్లో ఇప్పటికే 6 మ్యాచ్ల్లో ఫలితాలు వచ్చాయి. ఆడిన 6 మ్యాచ్ల్లో పాకిస్థాన్ 3 మ్యాచ్లు గెలవగా, మిగిలిన 3 మ్యాచుల్లో ఇంగ్లండ్ విజయం సాధించింది. దీంతో అందరి మూడ్ ఫైనల్ మ్యాచ్ పైనే ఉంది. కానీ ఫైనల్ మ్యాచ్కు ముందు జరిగిన 6వ టీ20 మ్యాచ్లో ‘కోహ్లీ.. రిటైర్మెంట్కు ముందు పాకిస్థాన్లో క్రికెట్ ఆడాలి’ అనే ప్లకార్డు పట్టుకున్న క్రికెట్ అభిమాని కెమెరాకు చిక్కాడు. కోహ్లీని ప్రత్యేకంగా అభ్యర్థించాడు. ఇప్పుడు ఈ వీడియో ఇంటర్నెట్లో తెగ వైరల్ అవుతోంది. చాలా మంది నెటిజన్లు ఈ అభిమాని అభ్యర్థనను నెరవేర్చమని కోహ్లీని కోరుతున్నారు.
కాగా, విరాట్ ఇప్పటి వరకు మొత్తం 102 టెస్టులు, 262 వన్డేలు, 108 టీ20లు ఆడాడు. విదేశాల్లో ఎన్నో మ్యాచ్లు ఆడిన విరాట్ ఇప్పటి వరకు పాకిస్థాన్లో ఒక్క మ్యాచ్ కూడా ఆడలేదు. భారత్ చివరి టూర్ 2006లో పాకిస్థాన్లో జరిగింది. అయితే ఆ సమయంలో విరాట్ టీమ్ ఇండియాలో లేడు. 2006 నుంచి ఇరు దేశాల మధ్య నెలకొన్న పరిస్థితుల కారణంగా ద్వైపాక్షిక సిరీస్లు జరగలేదు. దీంతో పాక్లో ఒక్క మ్యాచ్ కూడా ఆడని వారి జాబితాలో కోహ్లీ చేరాడు.
Virat Kohli’s fans during yesterday match between Pakistan vs England in Pakistan, they wanted Virat Kohli to play in Pakistan. pic.twitter.com/MduIyzHgIN
— CricketMAN2 (@ImTanujSingh) October 1, 2022
మరిన్ని క్రికెట్ వార్తల కోసం ఈ లింక్ క్లిక్ చేయండి..