IND vs NZ 3rd ODI: టాస్ గెలిచిన న్యూజిలాండ్.. నంబర్ 1పై కన్నేసిన రోహిత్ సేన.. ప్లేయింగ్ 11లో రెండు మార్పులు..

Venkata Chari

Venkata Chari |

Updated on: Jan 24, 2023 | 1:08 PM

India vs New Zealand: రోహిత్ శర్మ సారథ్యంలో టీమిండియా నేడు వన్డేల్లో నంబర్-1 టైటిల్‌ను అందుకోగలదు. ఇండోర్‌లోని హోల్కర్ మైదానంలో న్యూజిలాండ్‌తో మూడో వన్డేలో తలపడుతోంది.

IND vs NZ 3rd ODI: టాస్ గెలిచిన న్యూజిలాండ్.. నంబర్ 1పై కన్నేసిన రోహిత్ సేన.. ప్లేయింగ్ 11లో రెండు మార్పులు..
Ind Vs Nz 3rd Odi

ఇండోర్‌లోని హోల్కర్ మైదానంలో భారత్ వర్సెస్ న్యూజిలాండ్‌తో మూడో వన్డే మొదలైంది. ఈ క్రమంలో టాస్ గెలిచిన న్యూజిలాండ్ తొలుత బౌలింగ్ ఎంచుకుంది. దీంతో టీమిండియా బ్యాటింగ్ చేయనుంది. ఈ మ్యాచ్‌లో గెలిస్తే టీ20 తర్వాత వన్డేల్లో కూడా టీమిండియా నంబర్‌-1గా మారుతుంది. అంతే కాదు వన్డే చరిత్రలో కివీస్‌పై భారత జట్టు మూడోసారి క్లీన్ స్వీప్ చేయనుంది. 13 ఏళ్ల క్రితం 2010లో గౌతమ్ గంభీర్ కెప్టెన్సీలో జట్టు ఈ ఘనత సాధించింది. 5 మ్యాచ్‌ల సిరీస్‌లో భారత్ 5-0తో న్యూజిలాండ్‌ను ఓడించింది. అంతకు ముందు 1988లో 4 మ్యాచ్‌ల సిరీస్‌ను టీమ్ ఇండియా క్లీన్ స్వీప్ చేసింది.

ప్రస్తుత వన్డే ర్యాంకింగ్స్‌లో ఇంగ్లిష్ జట్టు నంబర్-1 స్థానంలో ఉండగా, న్యూజిలాండ్ రెండో స్థానంలో, భారత్ మూడో స్థానంలో ఉన్నాయి. కీలక విషయం ఏమిటంటే ర్యాంకింగ్ జాబితాలో టాప్-3లో ఉన్న మూడు జట్లూ ఒకే రేటింగ్ పాయింట్లను (113) కలిగి ఉన్నాయి. దశాంశం తర్వాత అంకెల లెక్కింపు ఆధారంగా ఇంగ్లండ్ మొదటి స్థానంలో ఉంది. ఈ మ్యాచ్‌లో గెలిస్తే భారత్‌ రేటింగ్‌ పాయింట్లు 114కి చేరి నంబర్‌-1గా అవతరిస్తుంది.

టీ20లో టీమిండియా ఇప్పటికే నంబర్-1 స్థానంలో ఉంది. అదే సమయంలో భారత జట్టు టెస్టులో రెండో స్థానంలో ఉంది.

ఇరుజట్లు..

భారత ప్లేయింగ్ 11: రోహిత్ శర్మ(కెప్టెన్), శుభ్‌మన్ గిల్, విరాట్ కోహ్లీ, ఇషాన్ కిషన్(కీపర్), సూర్యకుమార్ యాదవ్, హార్దిక్ పాండ్యా, వాషింగ్టన్ సుందర్, శార్దూల్ ఠాకూర్, కుల్దీప్ యాదవ్, యుజ్వేంద్ర చాహల్, ఉమ్రాన్ మాలిక్

న్యూజిలాండ్ ప్లేయింగ్ 11: ఫిన్ అలెన్, డెవాన్ కాన్వే, హెన్రీ నికోల్స్, డారిల్ మిచెల్, టామ్ లాథమ్(కీపర్/కెప్టెన్), గ్లెన్ ఫిలిప్స్, మైఖేల్ బ్రేస్‌వెల్, మిచెల్ సాంట్నర్, లాకీ ఫెర్గూసన్, జాకబ్ డఫీ, బ్లెయిర్ టిక్నర్

ఇవి కూడా చదవండి

మరిన్ని క్రికెట్ వార్తల కోసం ఇక్కడ క్లిక్ చేయండి..

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu