India Vs England: ధోని రికార్డుపై కోహ్లీ కన్ను.. మొతేరా స్టేడియంలో ఈ ఫీట్ సాధించగలడా.!

India Vs England: టీమిండియా కెప్టెన్లలో మహేంద్ర సింగ్ ధోనిది డిఫరెంట్ స్టైల్. వన్డే ప్రపంచకప్, టీ20 వరల్డ్ కప్‌తో పాటు మరెన్నో ట్రోఫీలను కైవసం చేసుకున్న ప్రపంచంలోని ఏకైక కెప్టెన్ అతడు. ఇవే కాకుండా కెప్టెన్‌గా ధోని పేరిట అమోఘమైన రికార్డులు ఉన్నాయి. అయితే, ఆ రికార్డులలో ఒకదాన్ని ప్రస్తుత కెప్టెన్ విరాట్ కోహ్లీ బద్దలుకొట్టబోతున్నాడు. రేపటి నుంచి అహ్మదాబాద్‌లో ప్రారంభమయ్యే మూడో టెస్టులో విరాట్ కోహ్లీకి ధోనిని దాటేసే అవకాశం ఉంది. అదే జరిగితే విరాట్ భారత్‌లో అత్యధిక టెస్ట్ మ్యాచ్‌లు గెలిచిన కెప్టెన్‌గా రికార్డుల్లోకి ఎక్కుతాడు. భారత గడ్డపై కెప్టెన్‌గా అత్యధిక టెస్టు విజయాలు సాధించిన కెప్టెన్ల లిస్టులో మహేంద్ర సింగ్ ధోని, విరాట్ కోహ్లీ ఒకే స్థానంలో నిలిచారు. ఇరువురూ కూడా 21 టెస్టుల్లో విజయాలు సాధించారు. దీనితో ఇంగ్లాండ్‌తో జరగబోయే మూడో టెస్టులో టీమిండియా విజయం సాధిస్తే.. విరాట్ ఖచ్చితంగా ధోనిని అధిగమించే అవకాశం ఉంది.

భారత గడ్డపై అన్ని ఫార్మాట్లలో ధోని కెప్టెన్‌గా అత్యధిక మ్యాచ్‌లు గెలిచాడు…

టెస్టుల్లో విరాట్ కోహ్లీ అత్యధిక మ్యాచ్‌లు గెలిచిన కెప్టెన్‌గా అవతరించినా.. ఓవరాల్ ఫార్మాట్లలో ధోని రికార్డును బద్దలుకొట్టడం సాధ్యం కాదు. భారత గడ్డపై అన్ని ఫార్మాట్లలో కలిపి అత్యధిక మ్యాచ్‌లు(74) గెలిచిన రికార్డు ధోని పేరుపై ఉంది. ఆ తర్వాత స్థానంలో విరాట్ కోహ్లీ(53), అజారుద్దిన్(53) సమంగా ఉన్నారు. అజార్ టెస్టులతో పాటు వన్డేల్లో ఈ ఫీట్ సాధించగా.. విరాట్ మూడు ఫార్మాట్లలో నమోదు చేశాడు.

మరిన్ని ఇక్కడ చదవండి:

ఈ ఫోటోలోని రాజకీయ నాయకుడిని గుర్తుపట్టారా.! ఎక్కడో చూసినట్లు ఉందా.?

ఏటీఎం పిన్ మర్చిపోయారా.! డోంట్ వర్రీ.. ఎస్‌బీఐ సరికొత్త ఫీచర్.. వివరాలివే.!

రెప్పపాటులో ఘోరం.. సెల్‌ఫోన్ మోజులో ఒకరు.. ర్యాష్ డ్రైవింగ్‌తో మరొకరు.. వీడియో వైరల్.!

క్రికెట్ ఫ్యాన్స్‌కు గుడ్ న్యూస్.. ఐపీఎల్ వేదికలు ఖరారు.. వివరాలు ఇవిగో.!