Team India: 31 మ్యాచ్లు.. 187 స్ట్రైక్ రేట్తో 1164 పరుగులు.. నంబర్ వన్ ప్లేయర్కు ఐసీసీ స్పెషల్ గిఫ్ట్.. అదేంటంటే?
Suryakumar Yadav: సూర్యకుమార్ యాదవ్ గతేడాది టీ20 ఇంటర్నేషనల్స్లో రెండు సెంచరీలతో సహా అత్యధిక పరుగుల లిస్టులో అగ్రస్థానంలో చేరాడు.
భారత క్రికెట్ జట్టు స్టార్ బ్యాట్స్మెన్ సూర్యకుమార్ యాదవ్ మరోసారి ప్రపంచ క్రికెట్లో తన సత్తా చాటాడు. టీమిండియా డాషింగ్ బ్యాట్స్మెన్ 2022 సంవత్సరానికి గాను ఉత్తమ టీ20 ప్లేయర్గా ఎంపికయ్యాడు. అంతర్జాతీయ క్రికెట్ కౌన్సిల్ తన వార్షిక అవార్డులో సూర్యకు ఈ ప్రత్యేక గౌరవాన్ని అందించింది. కాగా, జనవరి 25 బుధవారం ప్రకటించిన అవార్డులో సూర్య కుమార్ యాదవ్కు దక్కిన ఈ అవార్డు ఎంతో ప్రత్యేకమైనదిగా చెప్పుకోవచ్చు. సూర్యకుమార్ యాదవ్ గతేడాది టీ20 ఇంటర్నేషనల్లో అత్యధిక పరుగులు చేసిన సంగతి తెలిసిందే. ఇందులో 2 సెంచరీలు కూడా ఉన్నాయి.
సూర్యకుమార్ 31 మ్యాచ్లలో 46.56 సగటుతో 1164 పరుగులు చేశాడు. టీమ్ ఇండియా సూపర్ స్టార్ తన అద్భుతమైన 2022 సీజన్లో 187.43 స్ట్రైక్ రేట్ను కూడా కలిగి ఉన్నాడు. 2022లో సూర్య ఈ రికార్డును బద్దలు కొట్టాడు. అతను 1000 కంటే ఎక్కువ టీ20 పరుగులు చేశాడు. ఒక క్యాలెండర్ ఇయర్లో 1000 టీ20లకు పైగా పరుగులు చేసిన ప్రపంచంలో రెండో బ్యాట్స్మెన్గా నిలిచాడు. 31 మ్యాచ్ల్లో 1164 పరుగులు చేశాడు. ఈ సమయంలో, సూర్య స్ట్రైక్ రేట్ 187.43. ముఖ్యమైన విషయం ఏమిటంటే, అతను 2022లో 68 సిక్సర్లు కొట్టాడు. ఇది కూడా ఒక పెద్ద రికార్డుగా నిలిచింది. ఈ ప్రత్యేక ప్రదర్శన కారణంగా సూర్య ఐసీసీ పురుషుల టీ20 ప్లేయర్ ఆఫ్ ద ఇయర్గా ఎంపికయ్యాడు. ఈ మేరకు ఐసీసీ ట్వీట్ ద్వారా సమాచారం ఇచ్చింది.
సూర్యకు బీసీసీఐ ప్రత్యేకంగా అభినందనలు తెలిపింది. బోర్డు తన అధికారిక ట్విట్టర్ హ్యాండిల్లో సూర్య ఫోటోను షేర్ చేసింది. ICC పురుషుల T20 క్రికెటర్ ఆఫ్ ద ఇయర్గా అవతరించినందుకు అభినందనలు తెలిపింది. బీసీసీఐ కూడా సూర్య వీడియోను షేర్ చేసింది.
As @surya_14kumar becomes the ICC Men’s T20I Cricketer of the Year 2️⃣0️⃣2️⃣2️⃣, relive the best of SKY and hear his special message after receiving the award ????
Watch ?️https://t.co/IGRTAM8PZ6 https://t.co/6NkbPHh16F
— BCCI (@BCCI) January 25, 2023
విశేషమేమిటంటే, సూర్యకుమార్ యాదవ్ ఇప్పటివరకు టీమ్ ఇండియా తరపున 45 టీ20 ఇంటర్నేషనల్ మ్యాచ్లు ఆడాడు. ఈ సమయంలో అతను 1578 పరుగులు చేశాడు. ఈ ఫార్మాట్లో అతను 3 సెంచరీలు, 13 హాఫ్ సెంచరీలు సాధించాడు. టీ20లో సూర్య అత్యుత్తమ స్కోరు 117 పరుగులు.
Presenting the ICC Men’s T20I Cricketer of the Year 2022 ?#ICCAwards
— ICC (@ICC) January 25, 2023
మరిన్ని క్రికెట్ వార్తల కోసం ఇక్కడ క్లిక్ చేయండి..