Telugu News Sports News Cricket news From Ben Stokes to Harry Brook and Jason Roy these 3 Players were banned by bcci from Ipl 2026 auction

IPL 2026 Auction: ఐపీఎల్ వేలం నుంచి ముగ్గురు తోపు ప్లేయర్లు ఔట్.. నిషేధించిన బీసీసీఐ.. ఎందుకంటే?

IPL 2026 Auction: ఐపీఎల్ 2026 వేలానికి 350 మంది ఆటగాళ్లను ఎంపిక చేయగా, 1,005 మందిని మినహాయించారు. నిషేధం కారణంగా వేలానికి ఎంపిక కాని ముగ్గురు తోపు ఆటగాళ్లు కూడా ఉన్నారు. వారు ఎవరు, ఎందుకు నిషేధం విధించారో ఇప్పుడు తెలుసుకుందాం..

Ipl 2026 Auction

Updated on: Dec 09, 2025 | 4:39 PM

IPL 2026 Auction: ఐపీఎల్ 2026 వేలానికి రంగం సిద్ధమైంది. మంగళవారం బీసీసీఐ మినీ వేలంలో పాల్గొనే 350 మంది ఆటగాళ్ల జాబితాను విడుదల చేసింది. మొత్తం 1,005 మంది ఆటగాళ్లను IPL మినీ వేలం నుంచి మినహాయించగా, ముగ్గురికి ప్రవేశం నిరాకరించింది. ఈ ఆటగాళ్ళు ప్రపంచ క్రికెట్‌లో ఎంతో పేరుగాంచిన వారు కావడం గమనార్హం. కాగా, బీసీసీఐ తన స్వంత నియమాల కారణంగా వారిని నిషేధించింది. ముగ్గురు ఆటగాళ్ళు ఇంగ్లాండ్‌కు చెందినవారే కావడం గమనార్హం. టీ20 క్రికెట్‌లో సొంతంగా మ్యాచ్‌లను గెలిపించే సామర్థ్యాన్ని కలిగి ఉన్నారు.

ఈ ముగ్గురు ఆటగాళ్లపై నిషేధం..

2026 ఐపీఎల్ వేలం నుంచి నిషేధించిన ముగ్గురు ఆటగాళ్లు బెన్ స్టోక్స్ , హ్యారీ బ్రూక్, జాసన్ రాయ్. ఈ ముగ్గురు ఇంగ్లీష్ ఆటగాళ్లు కూడా ఇదే కారణంతో నిషేధించబడ్డారు. 2025 IPL వేలంలో అమ్ముడైన తర్వాత హ్యారీ బ్రూక్, జాసన్ రాయ్ తమ పేర్లను ఉపసంహరించుకున్నారు. కాగా, బీసీసీఐ నిబంధనల ప్రకారం, వారిని రెండేళ్లపాటు నిషేధించింది. 2025లో ఢిల్లీ క్యాపిటల్స్ హ్యారీ బ్రూక్‌ను రూ. 6.25 కోట్లకు కొనుగోలు చేసింది. కానీ, ఇంగ్లాండ్ దేశీయ సీజన్ ఆడటానికి అతను లీగ్‌ను విడిచిపెట్టాడు. అందువల్ల, బ్రూక్‌ను 2026, 2027 వరకు నిషేధించారు. జాసన్ రాయ్ 2024లో వ్యక్తిగత కారణాల వల్ల IPL నుంచి నిష్క్రమించాడు. 2025 వేలంలో కనిపించలేదు. బెన్ స్టోక్స్ కూడా అదే విధంగా నిషేధం విధించబడ్డాడు. ఇప్పుడు అతను కూడా అదే నిషేధాన్ని ఎదుర్కొంటున్నాడు.