Rishabh Pant Helicopter Shot: డిసెంబర్ 2022 చివరలో జరిగిన భారత వికెట్ కీపర్ బ్యాట్స్మెన్ రిషబ్ పంత్ కారు ప్రమాదం నుంచి కోలుకున్నాడు. 15 నెలల తర్వాత IPL 2024 ద్వారా క్రికెట్ ఫీల్డ్కి తిరిగి వచ్చాడు. సీజన్లోని మొదటి రెండు గేమ్లలో, పంత్ వైపు నుంచి అద్భుతమైన ప్రదర్శన లేదు. కానీ, చెన్నై సూపర్ కింగ్స్తో జరిగిన మ్యాచ్లో ఢిల్లీ క్యాపిటల్స్ కెప్టెన్ బ్యాట్ పెద్ద సందడి చేసింది. జట్టు విజయంలో కీలక పాత్ర పోషించాడు.
CSKపై పంత్ తన పాత శైలిలో ఉన్నాడు. ముఖ్యంగా హెలికాప్టర్ షాట్ సృష్టికర్త ఎంఎస్ ధోని ఎదురుగా అలాంటి షాట్ కొట్టి సీఎస్కేకి షాకిచ్చాడు. మూడో స్థానంలో బ్యాటింగ్కు వచ్చిన పంత్ దాదాపు యార్కర్ను వైడ్ లాంగ్-ఆన్ ద్వారా సిక్సర్ను బాదాడు. దీనికి సంబంధించిన వీడియో సోషల్ మీడియాలో వైరల్ అవుతోంది.
— Cricket Videos (@cricketvid123) March 31, 2024
18వ ఓవర్ 5వ బంతికి ముస్తాఫిజుర్ రెహమాన్పై పంత్ ఒంటి చేత్తో సిక్సర్ బాదాడు. పంత్ కొట్టిన షాట్ బౌండరీ లైన్ వెలుపల డీప్ స్క్వేర్ లెగ్ వద్ద ప్రేక్షకుల మధ్య పడింది. ఈ మ్యాచ్లో రిషబ్ పంత్ హాఫ్ సెంచరీ సాధించాడు. 31 బంతుల్లో హాఫ్ సెంచరీ పూర్తి చేశాడు. 19వ ఓవర్లో, పంత్ పతిరానాపై 4 బంతుల్లో 2 ఫోర్లు, ఒక సిక్స్ సహాయంతో తన అర్ధ సెంచరీని పూర్తి చేశాడు. 32 బంతుల్లో 4 ఫోర్లు, 3 సిక్సర్ల సాయంతో 51 పరుగులు చేశాడు.
That iconic one-handed six is back 🥹#DCvCSK #JioCinemaSports #TATAIPL #IPLonJioCinema pic.twitter.com/N01gOlTLRM
— JioCinema (@JioCinema) March 31, 2024
ఈ సీజన్లో చెన్నై సూపర్ కింగ్స్పై ఢిల్లీ క్యాపిటల్స్ తొలి విజయాన్ని అందుకుంది. ఈ మ్యాచ్లో ఢిల్లీ జట్టు 20 పరుగుల తేడాతో విజయం సాధించింది. తొలుత బ్యాటింగ్ చేసిన ఢిల్లీ 5 వికెట్లకు 191 పరుగులు చేసింది. దీనికి సమాధానంగా సీఎస్కే జట్టు 6 వికెట్లకు 171 పరుగులు మాత్రమే చేయగలిగింది.
మరిన్ని క్రీడా వార్తల కోసం ఇక్కడ క్లిక్ చేయండి..