David Warner: కారణం చెప్పకుండానే కెప్టెన్సీ నుంచి తొలిగిస్తే బాధగా ఉంటుంది.. డేవిడ్ వార్నర్ సంచలన వ్యాఖ్యలు..
డేవిడ్ వార్నర్ ప్రపంచంలో అత్యుత్తమ బ్యాట్స్మెన్లలో ఒక్కడు. అతడు ఒంటి చేతితో మ్యాచ్లు గెలిపించిన సందర్భాలు ఉన్నాయి. ఐపీఎల్ సన్ రైజర్స్ హైదరాబాద్కు టైటిల్ను అందించాడు...
డేవిడ్ వార్నర్ ప్రపంచంలో అత్యుత్తమ బ్యాట్స్మెన్లలో ఒక్కడు. అతడు ఒంటి చేతితో మ్యాచ్లు గెలిపించిన సందర్భాలు ఉన్నాయి. ఐపీఎల్ సన్ రైజర్స్ హైదరాబాద్కు టైటిల్ను అందించాడు. కానీ 2021 ఐపీఎల్లో సరిగా ఆడకపోవటంతో అతడిని సన్ రైజర్స్ హైదరాబాద్ జట్టు కెప్టెన్సీ నుంచి తర్వాత తుది జట్టు నుంచి తొలగించారు. అయితే ఐపీఎల్ తర్వాత కొద్ది రోజులకే ప్రారంభమైన టీ20 వరల్డ్ కప్లో వార్నర్ అద్భతంగా రాణించాడు. ఆస్ట్రేలియా వరల్డ్ కప్ గెలవడంలో కీలక పాత్ర పోషించాడు. ఐపీఎల్లో సన్ రైజర్స్ హైదరాబాద్ జట్టు నుంచి తొలగించడంపై వార్నర్ స్పందించాడు.
“ఏడాది తరబడి మీరు అత్యంత ఇష్టపడే జట్టు నుంచి అసలు మీ తప్పు లేకుండా, కారణం చెప్పకుండానే కెప్టెన్సీ నుంచి తొలగించబడినప్పుడు బాధ కలుగుతుంది. అదే సమయంలో ఎలాంటి ఫిర్యాదులూ లేవు. భారత్లోని అభిమానులు ఎప్పుడూ ఉంటారు. మేము వినోదం కోసం ఆడతాము. మేము శ్రేష్ఠతను పెంచడానికి ఆడతాము” అని ది ఎకనామిక్ టైమ్స్కి ఇచ్చిన ఇంటర్వ్యూలో వార్నర్ అన్నారు. 2016లో సన్రైజర్స్ హైదరాబాద్ను ఐపీఎల్ టైటిల్కు తీసుకెళ్లిన డేవిడ్ వార్నర్.. ఐపీఎల్ 2021 రెండో దశలో కేవలం రెండు మ్యాచ్ల్లో మాత్రమే ఆడాడు.
“ఐపీఎల్ టీమ్లో నాకు చోటు దక్కకపోవడానికి కారణం ఏదైనా కావచ్చు, నేను ఎప్పుడూ చేయని విధంగా చాలా కష్టపడి శిక్షణ పొందానని మీకు చెప్పగలను. నేను ఒక్క రోజు కూడా ప్రాక్టీస్ చేయకుకండా ఉండలేదు. నేను నెట్స్లో చాలా బాగా బ్యాటింగ్ చేశాను. ” వార్నర్ చెప్పాడు. ఆదివారం జరిగిన ఫైనల్లో న్యూజిలాండ్ను ఓడించి ఆస్ట్రేలియా తమ తొలి టీ20 ప్రపంచకప్ టైటిల్ను ఎగరేసుకుపోయింది. డేవిడ్ వార్నర్ బ్యాట్తో తన అద్భుతమైన ప్రదర్శనతో చేశాడు. 38 బంతుల్లో 53 పరుగులు చేశాడు. టీ20 వరల్డ్ కప్ ఏడు మ్యాచ్ల్లో 289 పరుగులు సాధించాడు.
Read Also.. Viral Video: బస్ డ్రైవర్ను కౌగిలించుకున్న ట్రెంట్ బౌల్ట్.. వైరల్గా మారిన వీడియో..
Brad Hogg: డేవిడ్ వార్నర్ వచ్చే ఐపీఎల్లో ఆ జట్టుకు ఆడే ఆవకాశం ఉంది.. ఎందుకంటే..