Mominul Haque: బంగ్లాదేశ్ టెస్ట్ జట్టు కెప్టెన్ రాజీనామా.. కారణం ఏంటంటే..?
Mominul Haque:బంగ్లాదేశ్ టెస్టు జట్టు కెప్టెన్ మోమినుల్ హక్ తన కెప్టెన్సీకి రాజీనామా చేశాడు. ఇటీవల శ్రీలంకతో జరిగిన టెస్టు సిరీస్లో ఓటమి తర్వాత ఈ నిర్ణయం తీసుకున్నాడు.
Mominul Haque:బంగ్లాదేశ్ టెస్టు జట్టు కెప్టెన్ మోమినుల్ హక్ తన కెప్టెన్సీకి రాజీనామా చేశాడు. ఇటీవల శ్రీలంకతో జరిగిన టెస్టు సిరీస్లో ఓటమి తర్వాత ఈ నిర్ణయం తీసుకున్నాడు. ఈఎస్పీఎన్ క్రిక్ ఇన్ఫో వెబ్సైట్ ఈ సమాచారాన్ని అందించింది. 2019 నుంచి జట్టుకు సారథ్యం వహిస్తున్న మోమినుల్ చాలా ఒత్తిడికి లోనయ్యాడు. అందుకే బ్యాటింగ్లో ఇబ్బంది పడ్డాడు. అతని సారథ్యంలో బంగ్లాదేశ్ కేవలం మూడు టెస్టుల్లో విజయం సాధించగా 12 మ్యాచ్ల్లో ఓడిపోయింది. రెండు మ్యాచ్లు డ్రా అయ్యాయి.
2022లో మోమినుల్ ఆరు మ్యాచ్లు మాత్రమే ఆడాడు. ‘నేను పరుగులు చేయనప్పుడు, జట్టు గెలవనప్పుడు కెప్టెన్గా వ్యవహరించడం కష్టమవుతుందని భావిస్తున్నాను. అందుకే కెప్టెన్సీని వదులుకోవడమే సరైన చర్య అని నేను భావిస్తున్నాను’ అని చెప్పాడు. బ్యాటింగ్పై దృష్టి పెట్టాల్సి ఉందని అందుకే కెప్టెన్సీ నుంచి తప్పుకున్నట్లు మోమినుల్ చెప్పాడు. బోర్డు కెప్టెన్గా కొనసాగమని కోరింది కానీ తాను ఇకపై కెప్టెన్గా ఉండలేనని చెప్పినట్లు పేర్కొన్నాడు.
మరిన్ని క్రికెట్ వార్తల కోసం ఇక్కడ క్లిక్ చేయండి