Vastu Tips: బెడ్రూమ్లో ఈ వస్తువులు ఉన్నాయా? అయితే, వెంటనే తీసేయండి..!
Vastu Tips: కొన్నిసార్లు చిన్న విషయాలు కూడా మీ జీవితాన్ని ప్రభావితం చేస్తాయి. వాస్తు శాస్త్రం ప్రకారం.. నివాస స్థలం, జీవితం ఆనందమయం..
Vastu Tips: కొన్నిసార్లు చిన్న విషయాలు కూడా మీ జీవితాన్ని ప్రభావితం చేస్తాయి. వాస్తు శాస్త్రం ప్రకారం.. నివాస స్థలం, జీవితం ఆనందమయం అవటానికి వాస్తు ఉపకరిస్తుంది. అందుకే, ఇంట్లో ప్రతీది వాస్తు ప్రకారం ఏర్పాటు చేసుకోవాలని సూచిస్తారు. లేదంటే.. సమస్యల సుడిగుండంలో చిక్కుకుంటారని అంటున్నారు వాస్తు నిపుణులు. అయితే, ఇంట్లో అతి ముఖ్యమైన ప్రదేశాలలో బెడ్ రూమ్ ఒకటి. అందుకే బెడ్ రూమ్పై ఎక్కువ శ్రద్ధ పెట్టాలి. వాస్తు ప్రకారం.. బెడ్ రూమ్ని డిజైన్ చేయడం ద్వారా మీ ఇంటిని పునరుద్ధరించడమే కాకుండా, జీవితంలోనూ అనేక సానుకూల మార్పులు చోటు చేసుకుంటాయి. వాస్తు ప్రకారం బెడ్రూమ్ ఎలా ఉండాలో ఇప్పుడు తెలుసుకుందాం..
వాస్తు శాస్త్రం సూత్రాల ప్రకారం.. నిద్రించడానికి దక్షిణ దిశ ఉత్తమంగా పరిగణించబడుతుంది. అంటే పడుకునేటప్పుడు తల దక్షిణం వైపు, పాదాలు ఉత్తరం వైపు ఉండాలి. వాస్తు ప్రకారం.. బెడ్రూమ్లో బెడ్ ప్లేస్మెంట్ చాలా ముఖ్యం. ఇది కుటుంబ సభ్యుల ఆరోగ్యం, నిద్రపై ప్రభావం చూపుతుంది. అతిథి గదిలో మంచం తల పడమర వైపు ఉండాలి. మీ మంచం చెక్కతో చేసినట్లయితే మంచిది. ఇనుము చేసిందయితే.. జీవితంలో ప్రతికూల ప్రభావం చూపుతుంది. అందుకే మెటల్, ఇనుప మంచం మీద పడుకోవద్దు.
గది మూలలో మంచం ఉంచవద్దు..
గది మూలలో బెడ్ ఉంచడం మానుకోండి. ఇది సానుకూల శక్తి ప్రవాహాన్ని అడ్డుకుంటుంది. వాస్తు ప్రకారం.. బెడ్ గోడ మధ్య భాగంలో ఉండాలి. తద్వారా చుట్టూ తిరగడానికి తగినంత స్థలం ఉంటుంది.
గుండ్రటి మంచం వద్దు..
మంచం ఎల్లప్పుడూ దీర్ఘచతురస్రాకారంగా, చతురస్రాకారంలో ఉండాలి. గుండ్రంగా, ఓవల్ బెడ్లను వినియోగించొద్దు. వాస్తు ప్రకారం, మీ డబుల్ కాటన్ బెడ్లో రెండు సింగిల్ పరుపులకు బదులుగా ఒకే పరుపు ఉండేలా చూసుకోండి. అలాగే మంచం చెక్కతో తయారు చేయించుకోవాలి.
ఇవి అస్సలు ఉండొద్దు..
దంపతుల మధ్య సఖ్యతను వాస్తు శాస్త్రం ప్రభావితం చేస్తుంది. దంపతులు రెండు వేర్వేరు పరుపులపై కాకుండా ఒక పరుపుపై పడుకోవాలి. అనందకరమైన బంధం కోస భార్య ఎల్లప్పుడూ భర్తకు ఎడమ వైపున పడుకోవాలి. అలాగే గదిలో ఒంటరిగా ఉన్న జంతువులు, పక్షులకు సంబంధించిన చిత్రాలను, వస్తువులను అస్సలు ఉంచకూడదు. జంటలను మాత్రమే ఏర్పాటు చేయాలి. వాస్తు ప్రకారం.. బెడ్ రూమ్లో యుద్ధం, రాక్షసుడు, గుడ్లగూబ, గద్ద, రాబందు చిత్రాలను ఏర్పాటు చేయొద్దు. వాటికి బదులుగా జింక, హంస, చిలుక ఫోటోలను పెట్టుకొవచ్చు. ఆహ్లాదకరమైన పర్యటనల ఫోటోలు, కుటుంబ పర్యటనల ఫోటోలను గదిలో పెట్టొచ్చు. ఇవి మీకు మంచి సమయాన్ని గుర్తు చేస్తాయి.
ఆ వైపు నిద్రించొద్దు..
పడకగదిలో ఈశాన్య దిశకు ఎదురుగా నిద్రించే జంటకు బిడ్డ పుట్టడంలో ఇబ్బంది తలెత్తే అవకాశం ఉందని వాస్తు శాస్త్ర నిపుణులు చెబుతున్నారు. స్త్రీ గర్భవతిగా ఉన్నప్పుడు దంపతులు ఆగ్నేయ ముఖంగా ఉన్న పడకగదిలో ఉండకూడదని విశ్వాసం.
మరిన్ని ఆధ్యాత్మిక వార్తల కోసం ఈ లింక్ క్లిక్ చేయండి..