Tirumala: తిరుమలలో పెరిగిన భక్తుల రద్దీ.. గురువారం శ్రీవారి దర్శించుకున్న భక్తులు సంఖ్య, హుండీ ఆదాయం వివరాలు

Tirumala: తిరుమలలో భక్తులు రద్దీ గణనీయంగా పెరిగింది. కరోనా తీవ్రత తగ్గడంతో కలియుగ ప్రత్యక్షదైవం వెంకటేశ్వరస్వామిని దర్శించుకునేందుకు భక్తులు అధికసంఖ్యలో తిరుమల తరలి వస్తున్నారు. ఈ మధ్యకాలంలో 40 వేల మంది భక్తులు వెంకన్నను దర్శించుకున్న దాఖలాలు లేవు. అయితే గురువారం ఆ మార్క్ రీచ్ అయ్యింది. భారీ సంఖ్యలో 41,442 మంది భక్తులు దర్శించుకుని మొక్కులు చెల్లించుకున్నట్లు తిరుమల తిరుపతి దేవస్థానం తెలిపింది. ఈ క్రమంలో గురువారం  వెంకన్న హుండీ ఆదాయం రూ. 2 కోట్ల 99 లక్షలు వచ్చినట్టు  వెల్లడించింది. నిన్న శ్రీవారిని దర్శించుకుని 18,161 మంది భక్తులు తలనీలాలు సమర్పించినట్లు వివరించింది.

అయితే కోవిడ్ నేపథ్యంలో టికెట్ కౌంటర్ల వద్ద భక్తుల రద్దీని తగ్గించేందుకు టీడీపీ ప్రత్యేక ఏర్పాట్లను చేస్తున్న విషయం విదితమే. ఈ క్రమంలోనే 300 రూపాయల ప్రత్యేక ప్రవేశ దర్శన టికెట్ల కోటాను బుధవారం ఉదయం 9గంటలకు ఆన్‌లైన్‌లో టీటీడీ విడుదల చేసింది. అధికారిక వెబ్ సైట్‌లో అందుబాటులో ఉండే ఈ టికెట్లను ఆన్‌లైన్‌లో  కొనుగోలు చేసుకోవచ్చు.

Also Read: Special Trains : రైల్వే ప్రయాణికులకు గుడ్ న్యూస్.. సికింద్రాబాద్ నుంచి తిరుపతికి స్పెషల్‌ రైళ్లు..