Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

వీడు రీల్ స్పైడర్‌మ్యాన్ కాదు… రియల్!

Spiderman of Philadelphia, వీడు రీల్ స్పైడర్‌మ్యాన్ కాదు… రియల్!

ప్రముఖ హాలీవుడ్‌ చిత్రం స్పైడర్‌మ్యాన్‌లో పీటర్‌ పార్కర్‌ చేసిన విన్యాసాలు అందరూ చూసే ఉంటారు. అయితే అవన్నీ గ్రాఫిక్స్‌తోనే సాధ్యం. కానీ అమెరికాలో జరిగిన ఓ అగ్ని ప్రమాదం మనకు నిజంగానే ఓ స్పైడర్‌మ్యాన్‌ని చూపించింది. ఫిలడెల్ఫియాలో ఓ 19 అంతస్తుల భవనంలో హఠాత్తుగా అగ్ని ప్రమాదం చోటు చేసుకుంది. మూడో అంతస్తులో చెలరేగిన మంటలు క్రమంగా పైకి ఎగబాకాయి. ఈ క్రమంలో దట్టమైన పొగలు మొత్తం భవనానికి వ్యాపించాయి. దీంతో అప్రమత్తమైన ప్రజలు ముందుగానే అందులో నుంచి తప్పించుకోగలిగారు. కొంతమందికి స్వల్ప గాయాలయ్యాయి.

ఈ క్రమంలో దాదాపు 15వ అంతస్తులో ఉన్న ఓ యువకుడు ప్రమాదం నుంచి తప్పించుకోవడానికి పెద్ద సాహసమే చేశాడు. ఏ ఆధారం లేకుండా స్పైడర్‌మ్యాన్‌ తరహాలో దాదాపు 14 అంతస్తులు అలవోకగా దిగేశాడు. అదీ కేవలం మూడు నిమిషాల్లోనే. ప్రమాద ఘటనను హెలికాప్టర్‌ ద్వారా కవర్‌ చేస్తున్న స్థానిక మీడియా సంస్థలు ఆ యువకుడి సాహసాన్ని వీడియోలో బందించాయి. ప్రస్తుతం దీనికి సంబంధించిన వీడియో నెట్టింట్లో చక్కర్లు కొడుతోంది. అయితే అతను ఎవరు, ఏంటి అన్నది మాత్రం తెలియరాలేదు.