Breaking News
  • విశాఖ: సింహాద్రి అప్పన్నస్వామికి స్వర్ణ తులసీ దళాలు సమర్పణ. రూ.25 లక్షలు విలువైన 50 స్వర్ణ తులసీ దళాలు సమర్పించిన బోకం శ్రీనివాసరావు దంపతులు. గతంలోనూ పలు కానుకలు సమర్పించిన శ్రీనివాసరావు.
  • అమరావతి: ఓఎన్‌జీసీ, గెయిల్‌ అధికారులతో మంత్రి పెద్దిరెడ్డి భేటీ. మత్స్యకారులకు చేయూతనివ్వాలని కోరిన పెద్దిరెడ్డి రామచంద్రారెడ్డి. కార్పొరేట్‌ రెస్పాన్స్‌బిలిటీ కింద 2శాతం చెల్లించాలని కోరిన మంత్రి. గతంలో రూ.150 కోట్లు ఇస్తామని ఓఎన్‌జీసీ, గెయిల్‌ అంగీకారం. బకాయిలు రూ.82.12 కోట్లు వెంటనే చెల్లించాలని కోరిన పెద్దిరెడ్డి. ఆయిల్ నిక్షేపాల వెలికితీత సమయంలో మత్స్య సంపదకు నష్టం కలుగకుండా జాగ్రత్తలు తీసుకోవాలని సూచన.
  • తిరుపతి: మీడియాతో మాజీ సీఎం కిరణ్‌ కుమార్‌రెడ్డి చిట్‌చాట్‌. పీసీసీ చీఫ్‌ పదవి మీడియా ఊహగానాలేనన్న కిరణ్‌కుమార్‌రెడ్డి. పీసీసీ చీఫ్‌ పదవిపై అంతగా ఆసక్తి లేదన్న మాజీ సీఎం. తాజా రాజకీయాల తీరుపై తీవ్ర అసంతృప్తి. తాను తిరుపతిలో తెలుగు మహాసభలను ఘనంగా నిర్వహించానన్న కిరణ్‌. చిత్తూరు జిల్లాలో తాను ప్రారంభించిన తాగు, సాగు నీరు ప్రాజెక్టు కొనసాగించకపోవడం పట్ల ఆవేదన. తిరుపతిలో అంతర్జాతీయ స్టేడియం నిర్మించకపోవడంపై అసంతృప్తి.
  • సైదాబాద్‌ పీఎస్‌లో అక్బరుద్దీన్‌పై కేసునమోదు. అక్బరుద్దీన్‌పై క్రిమినల్‌ కేసు నమోదు చేయాలని సైదాబాద్‌ పోలీసులను ఆదేశించిన నాంపల్లి కోర్టు. భారత దేశ సార్వభౌమత్వాన్ని సవాల్‌ చేసిన అక్బరుద్దీన్‌. న్యాయవాది కరుణసాగర్‌ ఫిర్యాదుతో కేసునమోదు.
  • గుంటూరు: దుర్గి మండలం ధర్మవరంలో జనసేన నేతల పర్యటన. బోనబోయిన శ్రీనివాస్‌యాదవ్‌ ఆధ్వర్యంలో కార్యకర్తలకు పరామర్శ. గ్రామంలో తిరునాళ్ల సందర్భంగా పోలీసులు, గ్రామస్తుల మధ్య ఘర్షణ. గురజాల డీఎస్పీ శ్రీహరిని కలిసిన జనసేన నేతలు. గొడవతో సంబంధం లేని వారిని కేసుల నుంచి తొలగించాలని విజ్ఞప్తి. గురజాల సబ్‌జైలులో ఉన్న ధర్మవరం జనసైనికులకు పరామర్శ.
  • తూ.గో: రాజమండ్రి దగ్గర పురాతన హెవలాక్‌ బ్రిడ్జిని పరిశీలించిన ఎంపీ మార్గాని భరత్‌, టూరిజం ఎండీ ప్రవీణ్‌కుమార్‌. హెవలాక్‌ బ్రిడ్జిని పర్యాటక కేంద్రంగా తీర్చుదిద్దనున్న ప్రభుత్వం. వాకింగ్‌, సైక్లింగ్‌ ట్రాక్‌, ఫుడ్‌బజార్‌, ఫ్యాషన్‌ బజార్లకు ఏర్పాటు. 40 అడుగుల మేర ట్రాక్‌ ఏర్పాటు చేయాలని కోరిన ఎంపీ. త్వరలో పనులు ప్రారంభిస్తామన్న ఎండీ ప్రవీణ్‌కుమార్‌.

టాలీవుడ్‌లో ఎవరెవరు విడాకులు తీసుకున్నారంటే..!

Tollywood divorced celebrities, టాలీవుడ్‌లో ఎవరెవరు విడాకులు తీసుకున్నారంటే..!

టాలీవుడ్‌లో మరో జంట విడాకులు తీసుకుంది. మంచు మోహన్ బాబు చిన్న తనయుడు, హీరో మంచు మనోజ్ తన భార్య ప్రణతీ రెడ్డితో విడాకులు తీసుకున్నారు. 2015లో ప్రణతీ రెడ్డిని ప్రేమ వివాహం చేసుకున్న మనోజ్.. అభిప్రాయబేధాల వలన నాలుగు సంవత్సరాల తరువాత ఆమెతో బంధాన్ని తెంచుకున్నారు. ఈ మేరకు గురువారం తన ట్విట్టర్‌లో ఒక ఎమోషనల్ లెటర్‌ను ఆయన పెట్టారు. కాగా గతంలోనూ పలువురు సినీ సెలబ్రిటీలు విడాకులు తీసుకున్నారు. వారెవరో చూద్దాం.

పవన్ కల్యాణ్: 1997లో నందిని అనే మహిళను అరేంజ్ మ్యారేజ్ చేసుకున్న పవర్ స్టార్ పవన్ కల్యాణ్ 2008లో ఆమెకు విడాకులు ఇచ్చారు. అయితే అప్పటికే నటి రేణు దేశాయ్‌తో సహజీవనం చేస్తూ వచ్చిన పవన్.. 2009లో ఆమెను రెండో పెళ్లి చేసుకున్నారు. అప్పటికే వీరిద్దరికి అకీరా నందన్ పుట్టగా.. వివాహం తరువాత ఆధ్య జన్మించింది. ఇక 2012లో రేణుతో కూడా విడిపోయిన ఆయన.. రష్యన్‌కు చెందిన అన్నా లెజినోవాను మూడో వివాహం చేసుకున్నారు. ప్రస్తుతం ఈ జంటకు మార్క్ శంకర్ పవనోవిచ్, పోలెనా అంజనా పవనోవా అనే ఇద్దరు పిల్లలు ఉన్నారు. మరోవైపు రేణు కూడా గతేడాది పుణెకు చెందిన ఓ వ్యాపారవేత్తతో నిశ్చితార్ధం చేసుకున్న విషయం తెలిసిందే.

నాగార్జున: 1984లో ప్రముఖ నిర్మాత రామా నాయుడు కుమార్తె, నటుడు వెంకటేష్ సోదరి లక్ష్మీ దగ్గుబాటిని వివాహమాడారు టాలీవుడ్ కింగ్ నాగార్జున. వీరిద్దరికి 1986లో నాగ చైతన్య జన్మించాడు. అయితే బేధాప్రియాలు రావడంతో 1990లో ఆమెకు విడాకులు ఇచ్చిన నాగార్జున.. 1992లో నటి అమలను ప్రేమ వివాహం చేసుకున్నారు. ఆ తరువాత నాగార్జున, అమలకు 1994లో అఖిల్ జన్మించాడు. ఇక లక్ష్మీ దగ్గుబాటి చెన్నైకు చెందిన శరత్ అనే మరో వ్యక్తిని వివాహమాడింది.

సుమంత్: నాగార్జున మేనల్లుడైన సుమంత్.. నటి కీర్తి రెడ్డిని 2004లో ప్రేమ వివాహం చేసుకున్నారు. అయితే అభిప్రాయ బేధాల వల్ల రెండేళ్లల్లోనే(2006) వీరిద్దరు విడాకులు తీసుకున్నారు. ఆ తరువాత సుమంత్ మరో వివాహం చేసుకోనప్పటికీ.. కీర్తి, కార్తీక్ అనే మరో వ్యక్తిని 2014లో వివాహమాడింది.

రామ చలమ్- ఊర్వశి: అలనాటి నటి, నిర్మాత అయిన రామ చలమ్.. మొదట రమణ కుమారిని వివాహం చేసుకున్నారు. అయితే 1964లో జరిగిన ఓ అగ్ని ప్రమాదంలో ఆమె మరణించగా.. ఆ తరువాత ప్రముఖ నటి ఊర్వశి శారదను రెండో పెళ్లి చేసుకున్నారు. కొన్ని కారణాల వల్ల వీరిద్దరు కూడా విడిపోగా.. రామ చలమ్ 1989లో కన్నుమూశారు.

శరత్ బాబు- రమా ప్రభ: టాలీవుడ్ నటులైన శరత్ బాబు- రమా ప్రభ 1981లో ప్రేమ వివాహం చేసుకున్నారు. కానీ కొన్ని కారణాల వలన 1988లో వీరిద్దరు విడాకులు తీసుకొని వేర్వేరుగా ఉన్నారు. ప్రస్తుతం ఈ ఇద్దరు సింగిల్‌గానే తమ జీవితాన్ని కొనసాగిస్తున్నారు.

ప్రకాష్ కోవెలమూడి: ప్రముఖ దర్శకుడు రాఘవేంద్ర రావు తనయుడైన ప్రకాష్ కోవెలమూడి, రచయిత కనిక దిల్లోన్‌ను 2014లో పెళ్లాడారు. వీరిద్దరు కలిసి 2015లో సైజ్ జీరో సినిమాకు పనిచేశారు. అయితే 2017లో ఈ ఇద్దరు విడాకులు తీసుకోగా.. ఈ విషయాన్ని ఈ ఏడాది కనిక ఓ ఇంటర్వ్యూలో వెల్లడించింది. ఈ సందర్భంగా మాట్లాడుతూ తామిద్దరం మంచి స్నేహితులుగా కొనసాగుతున్నామని కనిక తెలిపింది. ఇక విడాకుల తరువాత కంగనా, రాజ్‌కుమార్‌ రావులతో ప్రకాష్ తెరకెక్కించిన జడ్జిమెంటల్ హై క్యా అనే సినిమాకు కనిక రచయితగా పనిచేయడం విశేషం. ప్రస్తుతం వీరిద్దరు కూడా సింగిల్ స్టేటస్‌ను అనుభవిస్తున్నారు.

ఇక వీరితో పాటు టాలీవుడ్ టాప్ దర్శకుల్లో ఒకరైన క్రిష్ కూడా తన భార్య రమ్యతో విడాకులకు అప్లై చేసినట్లు గతేడాది వార్తలు వచ్చాయి. అంతేకాదు వీరిద్దరు ప్రస్తుతం సెపరేట్‌గా ఉన్నట్లు ఫిలింనగర్‌లో టాక్.