Breaking News
  • హైదరాబాద్‌: గురుకుల పాఠశాల ప్రిన్సిపాల్‌ దాష్టీకం. విద్యార్థిని నేలకేసి కొట్టిన ప్రిన్సిపాల్‌ సుబ్రహ్మణ్యం. ప్రిన్సిపాల్‌ను నిలదీసిన విద్యార్థి తల్లిదండ్రులు. మీకు దిక్కున్న చోట చెప్పుకోండని దురుసుప్రవర్తన. ప్రిన్సిపాల్‌ సుబ్రహ్మణం కులంపేరుతో దూషిస్తూ.. చితకబాదుతున్నాడని కన్నీళ్లు పెట్టుకున్న విద్యార్థులు.
  • ఢిల్లీ: కాళేశ్వరం ప్రాజెక్టుపై ఎన్జీటీలో విచారణ. విచారణకు హాజరుకాని తెలంగాణ పీసీబీ అధికారులు . తదుపరి విచారణ ఫిబ్రవరి 10కి వాయిదా . పర్యావరణ అనుమతుల విషయంలో పీసీబీ అధికారులు.. నిర్లక్ష్యంగా వ్యవహరించారన్న పిటిషనర్‌ హయాతుద్దీన్‌.
  • ఢిల్లీ: 2020-21 వార్షిక బడ్జెట్‌ ప్రతుల ముద్రణ ప్రారంభం. ఆర్థికశాఖ కార్యాలయం నార్త్‌బ్లాక్‌లో హల్వా వేడుక. బడ్జెట్‌ ప్రతుల ముద్రణ సందర్భంగా హల్వా వేడుక ఆనవాయితీ. హాజరైన కేంద్ర ఆర్థిక మంత్రి నిర్మలా సీతారామన్‌.. సహాయమంత్రి అనురాగ్‌ ఠాకూర్‌, ఆర్థికశాఖ కార్యదర్శులు.
  • ప.గో: ఒకే రాష్ట్రం.. ఒకే రాజధాని బీజేపీ నినాదం-మాణిక్యాలరావు. రాజధానికి భూములు ఇచ్చిన రైతుల గురించి టీడీపీ మాట్లాడుతోంది. ఐదు కోట్ల ఆంధ్రుల తరపున బీజేపీ-జనసేన పోరాడుతుంది. రాష్ట్రంలో జగన్ పాలన తుగ్లక్ పాలనను గుర్తుచేస్తోంది-మాణిక్యాలరావు.
  • సిద్దిపేట: గజ్వేల్‌లో మంత్రి హరీష్‌రావు ఎన్నికల ప్రచారం. ఈ ఎన్నికల్లో ఉత్తమ్‌ మాటలన్నీ ఉత్తర ప్రగల్బాలే అని తేలిపోనుంది. 2 వేల వార్డులు గెలుస్తామంటున్న బీజేపీకి.. గజ్వేల్‌లోని 20 వార్డుల్లో ఏ ఒక్క వార్డు గెలవలేరు-హరీష్‌రావు. 20 వార్డులను గెలిపించుకుంటే మరింత అభివృద్ధి-హరీష్‌రావు.

త్రి నేత్రంతో కాపాడుతున్న మహాశివుడు..!

Lord Shiva Temple in Peddapalli District, త్రి నేత్రంతో కాపాడుతున్న మహాశివుడు..!

అక్కడ వెలసిన ఆ ఆలయం ఎంతో మహిమానిత్వమట. సాక్ష్యత్తు మహాశివుడే..తన త్రినేత్రంతో అక్కడి వారందరినీ కాపాడుతున్నాడని స్థానికులంతా ఆ ఆలయాన్ని ఎంతో భక్తి శ్రద్దలతో దర్శించి తరిస్తున్నారు. పెద్దపల్లి జిల్లా సుల్తానాబాద్‌ మండలంలోని సుగ్లాంపల్లి గ్రామం మీదుగా ఉన్న రాజీవ్‌ రహదారి ఒకప్పుడు ప్రమాదాలకు కేరాఫ్‌ అడ్రస్‌గా ఉండేది. రాత్రి పగలు అనే తేడా లేకుండా ఈ రహదారిపై ప్రతినిత్యం ఏదో రకంగా ప్రమాదాలు జరుగుతూ ప్రజలు, ప్రయాణికులు ప్రాణాలు కొల్పోతుండేవారట. అనేక మంది తీవ్రంగా గాయపడిన సంఘటనలు కూడా చాలానే ఉన్నాయని స్థానికులు చెబుతున్నారు. అయితే, ఇదే ప్రాంతంలో ఓ రైస్‌ మిల్లు కూడా ఉంది. దాని ఎదురుగా ఉన్న ఒక రోడ్డు, దానిని అనుకునే రాజీవ్‌ రహదారి ఉండటంతో ప్రమాదాల సంఖ్య మరీ ఎక్కువగా ఉండేదని చెప్పారు. ఈ క్రమంలోనే ఓ పండితుడు చెప్పిన మాటప్రకారం రైస్‌ మిల్లుకు ఎదురుగా ఎదురుగా వీధి పోటు ఉన్నందు వల్లే అక్కడ రక్త తర్పణం జరుగుతుందని, అక్కడ శివాలయం నిర్మించినట్లయితే, ప్రమాదాలను అరికట్టవచ్చని చెప్పారట. సిద్ధాంతి చెప్పిన మాట మేరకు  అక్కడ శివాలయం నిర్మించారు. అందులోనే మహా గణపతి, నాగప్రతిమలను ప్రతిష్టించారు. ప్రతినిత్యం అక్కడ దూపదీప నైవేద్యాలు సమర్పిస్తూ..పూజాది కైంకర్యాలు నిర్వహిస్తున్నారు. ఇక అప్పటి నుంచి రోడ్డు ప్రమాదాలు తగ్గాయిని చెబుతున్నారు. అంతేకాదు, రైస్‌ మిల్లు కూడా మంచి లాభాలతో కొనసాగుతోందని అంటున్నారు మిల్లు సిబ్బంది, స్థానికులు. ఏదేమైనప్పటికీ సుగ్లాంపల్లి సమీపంలో ప్రమాదాలు పూర్తిగా తగ్గుముఖం పట్టాయని, ఈ మార్గంలో ప్రయాణించే వారంతా సురక్షితంగా తమ గమ్యస్థానాలకు చేరుకుంటున్నారని ఇటు స్థానిక ప్రజలు, అటు ప్రయాణికులు, వాహనదారులు హర్షం వ్యక్తం చేస్తున్నారు.

 

Lord Shiva Temple in Peddapalli District, త్రి నేత్రంతో కాపాడుతున్న మహాశివుడు..!