Breaking News
  • ఢిల్లీ భారత్ లో విజృంభిస్తున్న కరోనా వైరస్. ఒక లక్ష 98 వేల మార్క్ ని దాటినా కరోనా పాజిటివ్ కేస్ లు. 2 లక్షలకు చేరువ లో కరోనా కేస్ లు. దేశవ్యాప్తంగా కరోనా పాజిటివ్ కేసులు : 198706. దేశ వ్యాప్తంగా యాక్టీవ్ కేసులు: 97581. కరోనా నుంచి డిశ్చార్జ్ అయిన బాధితులు: 95526. దేశం మొత్తం కరోనా తో మృతుల సంఖ్య : 5598. కేంద్ర ఆరోగ్య మంత్రిత్వ శాఖ.
  • రాజేంద్రనగర్ గ్రే హౌండ్స్ ప్రాంతంలో మళ్లీ చిరుత తిరుగుతూ సిసి కెమెరాకు చిక్కిన ఆనవాళ్లు. గ్రే హౌండ్స్ కాంపౌండ్ లోపల ఉన్నట్టు గుర్తింపు. 700ఎకరాల్లో పోలీస్ గ్రే హౌండ్స్ . గ్రే హౌండ్స్ ఉన్నతాధికారుల నుండి అనుమతి వచ్చిన తర్వాతే బొన్లు ఏర్పాటు చేస్తామని చెబుతున్న అటవీశాఖ అధికారులు. గ్రే హౌండ్స్ చుట్టూ జూ సిబ్బంది, షూటర్స్, ట్రాప్ కెమెరా లతో అప్రమత్తం.
  • రెండు రాష్ట్రా ప్రభుత్వాలకు ఈనెల 4న జరిగే కృష్ణా నది యజమాన్య బోర్డు మీటింగ్ ఏజెండాలను పంపిన కృష్ణా నీటీ యాజమాన్య బోర్డ్. ఏజెండాలో ప్రధానంగా 5 అంశాల ప్రస్తావన. తెలంగాణ, ఏపీ ప్రభుత్వాలు చేపడుతున్న ప్రాజెక్టు లు , అభ్యంతరాలు , ప్రాజెక్టుల డీపీఆర్ లు.
  • టిటిడి : తిరుమలలో శ్రీవారి దర్శనానికి రాష్ట్ర ప్రభుత్వం గ్రీన్ సిగ్నల్. టిటిడి ఉద్యోగాలు, స్థానికులతో ట్రయల్ రన్ నడిపేందుకు రాష్ట్ర ప్రభుత్వం అనుమతి. 6 అడుగుల భౌతిక దూరం పాటిస్తూ దర్శనం కల్పించాలని సూచన. టీటీడీ ఈవో లేఖకు స్పందించిన ఏపీ ప్రభుత్వం. ఉత్తర్వులు జారీ చేసిన ప్రభుత్వ ప్రత్యేక ప్రధాన కార్యదర్శి జే.ఎస్.వి ప్రసాద్.
  • తూ. గో.జిల్లా: కోనసీమలో కరోన కలకలం. కోనసీమను గజ గజ లాడిస్తున్న ..ముంబై నుంచి వచ్చిన వలస కూలీలు . ఈరోజు ఒక్కరోజులో 28 కరోన పోసిటివ్ కేసులు నమోదు.
  • టీవీ9 తో ఉస్మానియా మెడికల్ కాలేజ్ ప్రిన్సిపాల్ శిశి కళ . ఉస్మానియా మెడికల్ కాలేజీ లో 12 మందికి కోవిడ్ పాజిటివ్. భయం గుప్పెట్లో ఉస్మానియా పీజీలు. ఇప్పటికే రిడింగ్ రూమ్ ను మోసివేసిన కాలేజ్ యాజమాన్యం. ప్రతి ఒక్క పీజీ ని ppe కిట్స్ వెస్కొమని సూచిస్తున్న ప్రిన్సిపల్ శశికళ. జూనియర్ డాక్టర్స్ కు పాజిటివ్ రావటం తో హాస్టల్ ను శానిటేషన్ చేసిన ghmc.

బీసీసీఐలో దాదా గిరి.. కోహ్లీ కెప్టెన్సీకి ఎసరేనా?

Ganguly Take Oath As BCCI President, బీసీసీఐలో దాదా గిరి.. కోహ్లీ కెప్టెన్సీకి ఎసరేనా?

బీసీసీఐ అధ్యక్షుడిగా బెంగాల్ టైగర్ సౌరవ్ గంగూలీ ఏకగ్రీవంగా ఎంపికయ్యాడు. ఈ నెల 23న కొత్త టీమ్‌తో బాధ్యతలు చేపట్టనున్నాడు. ఈ నేపథ్యంలో టీమిండియాలో భారీగా మార్పులు చోటు చేసుకునే అవకాశాలు ఉన్నట్లుగా చర్చ జరుగుతోంది. ఇన్నాళ్లు బీసీసీఐ పాలన సీఓఏ చేతుల్లో ఉండేది. అందుకే టీమిండియా ప్రదర్శనపై సమీక్ష అనేది లేకుండా పోయింది. అంతేకాక కెప్టెన్ విరాట్ కోహ్లీ- కోచ్ రవిశాస్త్రి కనుసన్నల్లోనే జట్టు కూర్పు జరిగేది.

అంతేకాక ఈ ఇద్దరూ చెప్పినట్లుగానే అంతా జరుగుతోందని బహిర్గతంగా కూడా మాటలు వినిపించాయి. ఇటీవల జట్టులో చెలరేగిన గొడవలు దగ్గర నుంచి సహాయక కోచ్‌ల మార్పులు వరకు ఇదే తంతు. జట్టు కూర్పు విషయానికి వస్తే.. ఈ ఇద్దరూ తమకు నచ్చిన వాళ్ళను తీసుకుంటున్నారే తప్ప.. దేశవాళీ క్రికెట్‌లో అద్భుతంగా రాణించిన వారికీ ఏమాత్రం ఛాన్స్ ఇవ్వట్లేదు. ఈ విషయాన్ని నిరూపించడానికి ఇటీవల కాలంలో జరిగిన సంఘటనలే సాక్ష్యాలు.

ఇది ఇలా ఉండగా భారత్ జట్టు 2013 తర్వాత ఛాంపియన్స్ ట్రోఫీ గెలిచింది లేదు. అటు ధోని సారధ్యంలో వచ్చిన టీ20, వన్డే వరల్డ్ కప్ తప్ప మరే మెగా టోర్నీలోనూ చెప్పుకోదగ్గ ప్రదర్శన కనబరచలేదు. ఇక రీసెంట్‌గా ప్రపంచకప్ టోర్నీ గురించి మాట్లాడితే భారత్ జట్టు తీవ్రంగా నిరాశ పరిచిందని చెప్పవచ్చు. అంతేకాక వరల్డ్‌కప్‌లో భారత జట్టు ఆటతీరుపై గంగూలీ అదే పనిగా విమర్శించాడు కూడా. వరుసగా ఏడు ఐసీసీ టోర్నీల్లో జట్టు వైఫల్యాలను ఎట్టి చూపాడు. విరాట్ ఏదో ఒక ఫార్మటు నుంచి కెప్టెన్‌గా తప్పుకోవాలని.. జట్టు కూర్పు కూడా సరిలేదని చెప్పాడు. అటు అంబటి రాయుడు లాంటి ప్లేయర్స్‌ను కూడా దూరం పెట్టడంపై కూడా దాదా మండిపడ్డాడు.

విరాట్ కోహ్లీ నేతృత్వంలో టీమ్ స్వదేశంలో అద్భుత విజయాలు అందుకుంటోంది తప్ప.. విదేశాల్లో అంతగా రాణించట్లేదు. అంతేకాక మిడిల్ ఆర్డర్ పెద్ద ప్రాబ్లెమ్. మరోవైపు రవిశాస్త్రిపై కూడా వేటు పడే అవకాశం లేకపోలేదు. ఇప్పుడు బీసీసీఐ బాస్‌గా గంగూలీ బాధ్యతలు చేపట్టనుండగా.. టీమిండియాకు మంచి రోజులు రానున్నాయని నెటిజన్లు భావిస్తున్నారు. అటు కోహ్లీ కెప్టెన్సీకు కూడా సవాల్ ఇప్పుడు ఎదురవుతుందని వారు అభిప్రాయపడుతున్నారు.

ఇకపోతే దాదా సారధ్యంలో జైషా సెక్రటరీగా, జాయింట్ సెక్రటరీగా జయేష్ జార్జీ.. ట్రెజరర్‌గా అరుణ్ ధుమాల్.. వైస్ ప్రెసిడెంట్‌ మహీమ్ వర్మ బాధ్యతలు చేపట్టనున్నారు.

Related Tags