Breaking News
  • గ్రీన్ ఇండియా ఛాలెంజ్‌లో పాల్గొన్న మ‌హేశ్‌. పుట్టిన‌రోజు ఇంత కంటే గొప్ప‌గా సెల‌బ్రేట్ చేసుకోలేన‌ని ట్వీట్‌. తార‌క్‌, విజ‌య్‌, శృతిహాస‌న్‌ను నామినేట్ చేసిన‌ మ‌హేశ్‌. ఈ కార్య‌క్ర‌మం చెయిన్ కంటిన్యూ కావాల‌ని, స‌రిహ‌ద్దులు దాటాల‌ని కోరిన మ‌హేశ్‌. ప‌చ్చ‌ద‌నం వైపు అడుగులు వేద్దామ‌న్న మ‌హేశ్‌. ఎంపీ సంతోష్ కుమార్‌ను అభినందించిన మ‌హేశ్‌.
  • నిజామాబాద్ : ఎమ్మెల్సీ వీజీ గౌడ్​కు కరోనా పాజిటివ్​ . ఆయన భార్య, కుమారుడికి కూడా పాజిటివ్ నిర్ధారణ. నిమ్స్‌లో కరోనా పరీక్షలు చేయించుకున్నట్లు వీజీ గౌడ్. హైద్రాబాద్ లో హోం క్వారంటైన్‌లో ఎమ్మెల్సీ కుటుంబం.
  • దేశవ్యాప్తంగా ఒక్క రోజులో 64,399 కరోనా కొత్త కేసులు నమోదు. 24 గంటల వ్యవధిలో దేశవ్యాప్తంగా 861 మంది మృతి. దేశంలో ఇప్పటి వరకు నమోదైన కేసుల సంఖ్య 21,53,011. యాక్టివ్ కేసుల సంఖ్య 6,28,747, కోలుకుని డిశ్చార్జైనవారు 14,80,885. కోవిడ్-19 మహమ్మారి కారణంగా చనిపోయినవారు 43,379 మంది.
  • విజయవాడ: ఐడెంటిఫికేషన్ పూర్తి.. స్వర్ణా ప్యాలెస్ అగ్ని ప్రమాద ఘటనలో మృతి చెందిన వివరాలు... డోక్కు శివ బ్రహ్మయ్య, మచిలీపట్నం (58) పూర్ణ చంద్ర రావు.. మొవ్వ , సుంకర బాబు రావు ,సింగ్ నగర్ (రిటైర్డ్ ఎస్సై.) మజ్జి గోపి మచిలీపట్నం సువర్ణ లత పొన్నూరు, నిడుబ్రోలు వెంకట లక్ష్మి సువర్చలా దేవి,(జయ లక్ష్మి ) కందుకూరు పవన్ కుమార్ కందుకూరు..ఎం అబ్రహం.. చర్చి ఫాథర్...జగ్గయ్య పేట రాజకుమారి అబ్రహం జగ్గయ్యపేట రమేష్, విజయవాడ.
  • సంగారెడ్డి జిల్లా కలెక్టర్, ఎస్పీ, జిల్లా వైద్య శాఖ సిబ్బంది, ఎంపీ, ఎమ్మెల్యేలు, ఎమ్మె ల్సీ, మున్సిపల్ కమిషనర్లు, మున్సిపల్ ఛైర్మన్లు, కౌన్సిలర్లు, జెడ్పీటీసీలు, ఎంపీటీసీలు, సర్పంచ్ లతో కోవిడ్ పై మంత్రి హరీశ్ రావు హైదరాబాద్ లోని తన నివాసం నుంచిటెలి కాన్ఫరెన్స్ నిర్వహించారు.
  • భారత్-చైనా సరిహద్దుల్లో భూకంపం రిక్టర్ స్కేలుపై తీవ్రత 4.1గా నమోదు చైనాలోని తూర్పు షిజాంగ్ - భారత్ సరిహద్దుల్లో భూకంప కేంద్రం.

మరోసారి ముక్కుసూటిగా..నో పాలిటిక్స్..!!

No political development at the moment: Sourav Ganguly, మరోసారి ముక్కుసూటిగా..నో పాలిటిక్స్..!!

దేశంలో బీజేపీ ఎంత రైజింగ్‌లో ఉందన్న విషయం అందరికి తెలిసిందే. మోదీ- షా ద్వయం దేశవ్యాప్తంగా కాషాయజెండా ఎగరవేయాలని ఉవ్వీళ్లూరుతోంది. ఆ దిశగా వడివడిగా అడుగులు వేస్తుంది. కలిసొచ్చేవారిని కలుపుకుంటూ..కయ్యానికి కాలు దువ్వేవారి బెండు తీస్తూ ముందుకుసాగుతోంది. జాతీయ స్థాయిలో ప్రధాన ప్రత్యర్థి అయిన కాంగ్రెస్ పార్టీ నాయకత్వలేమితో కొట్టుమిట్టాడుతుండుంతో..రాష్ట్రాలలో బీజేపీ వ్యతిరేకంగా మాట్లాడే నేతలు సైతం సైలెంట్ అవ్వక తప్పడం లేదు. అందుకు ప్రత్యక్ష ఉదాహారణ..ఇటీవలే మోదీతో అస్సలు పొసగని పశ్చిమ బెంగాల్ ముఖ్యమంత్రి మమతా బెనర్జీ..తెలంగాణ సీఎం కేసీఆర్ విడివిడిగా భేటీ అయ్యి చర్చలు జరపడం.

కాగా ప్రస్తుతం బీజేపీ అధినాయకత్వం త్వరలో ఎన్నికలు జరుగనున్న రాష్ట్రాలపై ప్రధానంగా దృష్టి సారించింది. ముఖ్యంగా దీదీకి చెక్ పెట్టేందుకు పశ్చిమ బెంగాల్‌లో అంతర్గత ప్రణాళికలు రచిస్తోంది. లోక్ సభ ఎన్నికల్లో కమలం పార్టీ మంచి ఫలితాలను అందుకున్న నేపథ్యంలో.. దీంతో అసెంబ్లీ ఎన్నికలకు గట్టిగా సమాయత్తం అవుతోంది.

అందులో భాగంగానే భారత క్రికెట్ జట్టు మాజీ కెప్టెన్ సౌరవ్ గంగూలీకి బీజేపీ ప్రాధాన్యతను ఇస్తోందని వార్తలు వస్తున్నాయి. గంగూలీని ఏకంగ్రీవంగా బీసీసీఐ ప్రెసిడెంట్ గా చేసేందుకు బీజేపీ సహకారం అందించిందని ప్రచారం జరుగుతోంది. తద్వారా మంచి ఇమేజ్ ఉన్న దాదా మద్దతు కూడగట్టి ఎన్నికల్లే లబ్ది పొందొచ్చన్నది బీజేపీ ప్లాన్‌గా తెలుస్తోంది. ఇటీవలే అమిత్ షా- గంగూలీల సమావేశం ఊహాగానాలకు మరింత ఆజ్యం పోసింది. బెంగాల్ అసెంబ్లీ ఎన్నికల్లో బీజేపీకి ఆయన మద్దతు పలికేలా అమిత్ షా ఒప్పించారని అందుకే ఆయనకు బీసీసీఐ పగ్గాలను అప్పగిస్తున్నారనే ప్రచారం జరుగుతూ ఉంది. అమిత్ షా- గంగూలీల మధ్య ఆ డీల్ జరిగినట్టుగా రూమర్స్ విసృతంగా వ్యాపించాయి. అమిత్ షా కూడా ఇటీవల మాట్లాడుతూ..గంగూలీ బీజేపీలోకి వస్తే స్వాగతిస్తామని..బీసీసీఐ ఎన్నిక విషయంలో ఎటువంటి డీల్ లేదని స్పష్టం చేశారు.

అయితే ఉన్నది ఉన్నట్టు సూటిగా మాట్లాడే దాదా..తాజా రూమర్స్‌పై స్పందించాడు.  తను బీజేపీతో ఎలాంటి రాజకీయ ఒప్పందాన్నీ చేసుకోలేదని తేల్చి చెప్పాడు. అసెంబ్లీ ఎన్నికల్లో ఎవరికి మద్దతు ఇవ్వడం లేదని… అమిత్ షాతో సమావేశంలో అలాంటి ఒప్పందాలు చేసుకోలేదని కుండబద్ధలు కొట్టాడు. అంతే  కాదు… తను బీసీసీఐ అధ్యక్షుడిగా ఎన్నికవుతున్నందుకు తనను అభినందించిన బెంగాల్ ముఖ్యమంత్రి మమతా బెనర్జీకి కూడా దాదా కృతజ్ఞతలు  తెలిపాడు.

Related Tags