గోవాలో సైకిల్ తొక్కుతూ కనిపించిన సోనియాగాంధీ.. వైరల్ గా మారిన వీడియో..

జాతీయ రాజకీయాల్లో ఎప్పడూ బిజీ బిజీగా ఉండే కాంగ్రెస్ అధినేత్రి సోనియా గాంధీకి కాస్త తీరిక దొరికినట్లు ఉంది.. ఎంచక్కా ప్రకృతిని అస్వాదిస్తూ సైకిల్ పై చక్కర్లు కొడుతున్నారు.

  • Balaraju Goud
  • Publish Date - 5:24 pm, Wed, 25 November 20

జాతీయ రాజకీయాల్లో ఎప్పడూ బిజీ బిజీగా ఉండే కాంగ్రెస్ అధినేత్రి సోనియా గాంధీకి కాస్త తీరిక దొరికినట్లు ఉంది.. ఎంచక్కా ప్రకృతిని అస్వాదిస్తూ సైకిల్ పై చక్కర్లు కొడుతున్నారు. ఇందుకు సంబంధించిన వీడియో ఒకటి సోషల్ మీడియాలో వైరల్ గా మారింది. గత కొంతకాలం దేశ రాజధాని ఢిల్లీలో వాయుకాలుష్యం అధికమైంది. దీంతో ప్రశాంత వాతావరం కోసం గోవా వచ్చిన సోనియా గాంధీ లీలా ప్యాలెస్ హోటల్ లో బస చేస్తున్నారు. కాగా, ఆరోగ్యం కోసం ప్రతిరోజు వ్యాయామం చేస్తున్నారు. ఇందులో భాగంగా సైకిల్ పై సరదా హోటల్ అవరణలో విహరించారు. సైకిల్ తొక్కుతూ, జాగింగ్ చేస్తూ.. చాలా ఆరోగ్యవంతంగా కనిపించారు.

కాగా, కొద్దిరోజులుగా ఆమె ఆరోగ్య సమస్యలతో సతమతమవుతున్నారు. దీర్ఘకాలిక ఛాతీ సంబంధిత వ్యాధితో బాధపడుతున్న ఆమె, వైద్యుల పర్యవేక్షణలో చికిత్సపొందుతున్నారు. దీనికి తోడు ఢిల్లీలో వాయు కాలుష్యం పెరగడంతో తాత్కాలికంగా గోవాలో నివాసముంటున్నారు. సోనియా గాంధీ సైకిల్ తొక్కడానికి సంబంధించిన వీడియో ఇప్పుడు సోషల్ మీడియాలో వైరల్ గా మారింది. ఆమె ఆరోగ్యంగా ఎంత ఫీట్ గా ఉన్నారో చూడండంటూ కాంగ్రెస్ నేతలు కామెంట్స్ చేస్తున్నారు.