Breaking News
  • క్వారంటైన్‌ కేంద్రాలుగా స్టార్‌ హోటళ్లు. భువనేశ్వర్‌ మున్సిపల్‌ కార్పొరేషన్‌ పరిధిలోని 12 హోటళ్లలో.. క్వారంటైన్‌కు అవసరమైన ఏర్పాట్లు చేసిన ఒడిశా ప్రభుత్వం. ముందుజాగ్రత్తగా సెల్ఫ్‌ క్వారంటైన్‌ గదిలో ఉండాలనుకునేవారు.. డబ్బులు చెల్లించి ప్రైవేట్‌ హోటళ్లలో ఉండొచ్చన్న ప్రభుత్వం. రోజుకు రూ.2,500 చొప్పున వసూలు చేయనున్నట్టు ప్రభుత్వం ప్రకటన.
  • కొత్త ఔషధాన్ని అభివృద్ధి చేసిన అమెరికా శాస్త్రవేత్తలు. మానవ కణాల్లోకి కరోనా వైరస్‌ ప్రవేశించకుండా అడ్డుకునే.. కొత్త ఔషధాన్ని సిద్ధంచేసిన ఎంఐటీ శాస్త్రవేత్తలు. కరోనా ఇన్‌ఫెక్షన్‌ను త్వరగా నయం చేస్తుందని ప్రకటన.
  • ఆర్బీఐ డిప్యూటీ గవర్నర్‌ బి.పి.కనుంగో పదవీకాలం పొడిగింపు. రేపటితో ముగియనున్న బి.పి.కనుంగో పదవీకాలం. కనుంగో పదవీకాలం మరో ఏడాది పాటు పొడిగిస్తూ ఆర్బీఐ ప్రకటన.
  • కోత కాదు వాయిదా. ఏపీపై కరోనా తీవ్ర ప్రభావం. ప్రజాప్రతినిధుల జీతాలు వాయిదా. సీఎం నుంచి స్థానిక సంస్థల సభ్యుల వరకు.. 100 శాతం జీతాన్ని వాయిదా వేసిన ఏపీ ప్రభుత్వం. ఐఏఎస్‌, ఐపీఎస్‌, ఐఎఫ్‌ఎస్‌ అధికారుల జీతాల్లో 60 శాతం వాయిదా. నాలుగో తరగతి ఉద్యోగుల జీతంలో 10 శాతం వాయిదా. మిగతా ఉద్యోగుల జీతంలో 50 శాతం వాయిదా. వాయిదా వేసిన జీతాలు మళ్లీ చెల్లించనున్న ఏపీ ప్రభుత్వం.
  • ఏపీలో విజృంభిస్తోన్న కరోనా వైరస్‌. ప.గో జిల్లాలో 14 పాజిటివ్‌ కేసులు నమోదు. నిన్నటి వరకు ఒక్క కేసూ లేని జిల్లాలో ఒకేసారి బయటపడ్డ 14 కేసులు. బాధితులంతా ఢిల్లీ ప్రార్థనలకు వెళ్లొచ్చినట్టు గుర్తింపు. ఏపీలో మొత్తం 58కి చేరిన కరోనా కేసులు.

బీ కేర్‌ఫుల్ ఆల్.. ఆ పోస్టులు పోస్ట్ చేస్తే.. ఇక మీ పని అంతే..

Social media users can attract NSA over Ayodhya posts, బీ కేర్‌ఫుల్ ఆల్.. ఆ పోస్టులు పోస్ట్ చేస్తే.. ఇక మీ పని అంతే..

సోషల్ మీడియా.. ఇది ఇప్పుడు సగటు మనిషి నిత్యం ఉపయోగిస్తున్న ప్లాట్‌ఫాం. అయితే ఈ సోషల్ మీడియాలో ఏది పడితే అది పోస్ట్ చేయడం.. చాలా మందికి అలవాటుగా మారిపోయింది. అయితే దీనిని ఎంతో మంది శాస్త్ర విజ్ఞానానికి ఉపయోగిస్తే.. అదే సమయంలో సంఘ విద్రోహ శక్తులు.. దీనిని దుర్వినియోగం చేస్తూ.. సమాజంలో అలజడులు సృష్టించేందుకు ప్రయత్నిస్తుంటారు. అయితే పలు సమయాల్లో సంయమనంగా ఉండాల్సిన తరుణంలో కొందరు సంఘ విద్రోహ శక్తులు సోషల్ మీడియాను ఆయుధంగా చేసుకుని.. సమాజంలో అశాంతిని రేకెత్తించేందుకు ప్రయత్నిస్తుంటారు. అయితే తాజాగా చారిత్రాత్మక తీర్పు వెలువడనున్న నేపథ్యంలో.. యూపీ ప్రభుత్వం సంచలన నిర్ణయం తీసుకుంది.

మరికొద్ది రోజుల్లో అయోధ్య తీర్పు వెలువడనున్న నేపథ్యంలో.. తీర్పు అనంతరం.. సోషల్ మీడియా వేదికగా ఎవరైన రెచ్చిపోయి.. వివాదాస్పద పోస్టులు పెడితే సహించేది లేదంటూ హెచ్చరికలు జారీ చేశారు యూపీ డీజీపీ. ఎట్టి పరిస్థితుల్లోనూ ఎవరైనా.. చట్టాన్ని తమ చేతుల్లోకి తీసుకోడానికి ప్రయత్నిస్తే.. సహించేది లేదన్నారు.అంతేకాదు.. ఈ విషయంలో ఇంటెలిజెన్స్ విభాగం సర్వ సన్నద్ధంగా ఉందన్నారు. శాంతిభద్రతలను దెబ్బతీసేందుకు ప్రయత్నించే వారిపై జాతీయ భద్రతా చట్టం ప్రకారం కేసులు పెడతామంటూ హెచ్చరికలు జారీ చేశారు.

అంతేకాకుండా సోషల్ మాధ్యమాల్లో వస్తున్న పోస్టింగులను గమనించడానికి ప్రత్యేకంగా ఓ కమిటీని ఏర్పాటు చేశామని, ఎలాంటి అభ్యంతరకరమైన పోస్టులు వచ్చినా వారిపై వెంటనే చర్య తీసుకుంటామని తెలిపారు. మరోవైపు అయోధ్య తీర్పు వస్తున్న నేపథ్యంలో ఎవరు కూడా వివాదాస్పద వ్యాఖ్యలు చేయవద్దంటూ సీఎం యోగి కోరారు. తీర్పు నేపథ్యంలో అధికారులందరికీ సెలవులను రద్దు చేశారు.

Related Tags