Breaking News
  • అమరావతి: చంద్రబాబును నమ్మి భూములిచ్చి దళిత రైతులు మోసపోయారు. మా ప్రభుత్వ నిర్ణయంతో దళిత రైతులకు న్యాయంజరిగింది-ఎమ్మెల్యే ఆర్కే. దళిత రైతుల భూములను చంద్రబాబు తనవారికి కారుచౌకగా ఇప్పించారు. రాజధాని ప్రాంతంలో బినామీలుగా ఉన్న మంత్రులు, ఎమ్మెల్యేల చిట్టాను త్వరలో బయటపెడతాం-ఎమ్మెల్యే ఆర్కే.
  • ప్రకాశం జిల్లా: సింగరాయకొండ మండలం పాకల దగ్గర సముద్రంలో నలుగురు యువకుల గల్లంతు. ముగ్గురిని కాపాడిన మెరైన్‌ పోలీసులు. మరో యువకుడి కోసం కొనసాగుతున్న గాలింపు.
  • యానాంలో ప్రేమజంట అనుమానాస్పద మృతి. మృతులు కాట్రేనిపాడుకు చెందిన రమేష్‌. మలికిపురం మండలానికి చెందిన యువతిగా గుర్తింపు. పెద్దలు పెళ్లికి అంగీకరించలేదని ఈ నెల 9న ఇంటి నుంచి వెళ్లిపోయిన ప్రేమజంట. కేసు నమోదు చేసి దర్యాప్తు చేస్తున్న పోలీసులు.
  • శంషాబాద్‌ ఎయిర్‌పోర్ట్‌లో భారీగా బంగారం పట్టివేత. దుబాయ్‌ నుంచి వచ్చిన ప్రయాణికుడి నుంచి 14 కిలోల బంగారం స్వాధీనం. అదుపులోకి తీసుకుని విచారిస్తున్న కస్టమ్స్ అధికారులు. పట్టుబడ్డ బంగారం విలువ రూ.5.46 కోట్లు ఉంటుందని అంచనా.
  • అమరావతి: అసెంబ్లీకి వెళ్లకుండా మమ్మల్ని అడ్డుకున్నారు-చంద్రబాబు. అమాయకులపై ఎస్సీ, ఎస్టీ యాక్ట్‌ పెట్టి దాడులు చేస్తున్నారు. టీడీపీ హయాంలో ఇంగ్లీష్‌ మీడియాన్ని వైసీపీ నేతలు వ్యతిరేకించారు ఇప్పుడు ఇంగ్లీష్ మీడియం తెచ్చి రెండు నాలుకలధోరణి అవలంబిస్తున్నారు కొత్త చీఫ్‌ మార్షల్‌ దుర్మార్గంగా ప్రవర్తిస్తున్నారు-చంద్రబాబు.
  • గుంటూరు: ఎన్నికల్లో ఇచ్చిన హామీలను వైసీపీ నెరవేర్చలేదు. ఆర్టీసీ చార్జీలు పెంచి సామాన్యుడి నడ్డి విరిచారు-యరపతినేని. ఉల్లి ధరలు ఆకాశాన్ని అంటాయి-మాజీ ఎమ్మెల్యే యరపతినేని. నియోజకవర్గ పరిధిలో ఇసుక మాఫియా రెచ్చిపోతోంది. వైసీపీ కార్యకర్తలే ఇసుకను బ్లాక్‌ మార్కెట్‌లో అమ్ముతున్నారు-మాజీ ఎమ్మెల్యే యరపతినేని.

ఎదురుగా 23 అడుగుల అనకొండ.. మనోడు ఏం చేశాడంటే..!

diver comes face to face with anaconda, ఎదురుగా 23 అడుగుల అనకొండ.. మనోడు ఏం చేశాడంటే..!

చిన్న పాము కనిపిస్తేనే.. ‘‘ఇవాళ మనం అయిపోయామురోయ్’’ అనుకొని వెంటనే గట్టిగా అరుస్తూ.. ఉరుకులు, పరుగులు పెడతాము. అలాంటిది 23 అడుగుల అనకొండ ఎదురైతే.. అమ్మో ఊహించుకోవడానికే భయంగా ఉంది కదా..! అలాంటి సీన్ సినిమాలో వస్తేనే మన గుండె ఆగిపోయేంత పని అవుతుంది. అలాంటిది ఓ స్కూబా డైవర్ పెద్ద సాహసమే చేశాడు. తన ధైర్యాన్నంతా కూడగట్టుకొని ఆ అనకొండ కదలికలను తన కెమెరాలో బంధించాడు. దీనికి సంబంధించిన వీడియో ప్రస్తుతం సోషల్ మీడియాలో హల్‌చల్ చేస్తోంది.

బ్రెజిల్‌కు చెందిన బార్టోలోమియో బోవ్, జుకా గరాపే అనే ఇద్దరు ప్రొఫెషనల్‌ స్కూబా డైవర్లు ఈ జూలైలో ఫొర్మోసో నదిలోకి దిగారు. అక్కడ వారు డైవింగ్ చేస్తున్న సమయంలో 23 అడుగుల అనకొండ కనిపించింది. వెంటనే దాన్ని తన కెమెరాలో బంధించాడు బోవ్. ఆ సమయంలో ఆ అనకొండ పలుమార్లు అతడి కెమెరా దగ్గరగా కూడా వచ్చింది. అయితే ఏ మాత్రం బెదరిని బోవ్.. ఆ అనకొండ ఎటు వెళ్తే అటుగా వెళ్లి వీడియోను తీశాడు.

ఆ తరువాత దీని గురించి బోవ్ మాట్లాడుతూ.. అనకొండలు మనుషులు అనుకున్నంత క్రూర జీవులు కాదని అన్నాడు. నదిలో ఈ అనకొండ చాలా ప్రశాంతంగా తన పని తాను చేసుకుంటూ ఉందని.. కొన్ని సార్లు తన కెమెరాకు దగ్గరగా వచ్చిందని చెప్పుకొచ్చారు. సాధారణంగా అనకొండలు మనుషులకు హాని చేస్తాయని మనం అనుకుంటామని.. కానీ ఈ అనకొండ ప్రవర్తన ఆ అపోహను తొలగించిందని బోవ్ తన అనుభవాలను తెలిపారు. ఇదిలా ఉంటే ప్రపంచంలో బతికున్న అనకొండలలో ఇదే పెద్దదని.. దీని బరువు దాదాపు 90కేజీల వరకు ఉండొచ్చని బోవ్ తెలిపారు. కాగా ఈ వీడియోను చూసిన పలువురు నెటిజన్లు.. ‘‘ఓరి నాయనో.. నీకు ధైర్యం ఎక్కువేనయ్యా’’ అంటూ కామెంట్లు పెడుతున్నారు.