Breaking News
  • అమరావతి: చంద్రబాబును నమ్మి భూములిచ్చి దళిత రైతులు మోసపోయారు. మా ప్రభుత్వ నిర్ణయంతో దళిత రైతులకు న్యాయంజరిగింది-ఎమ్మెల్యే ఆర్కే. దళిత రైతుల భూములను చంద్రబాబు తనవారికి కారుచౌకగా ఇప్పించారు. రాజధాని ప్రాంతంలో బినామీలుగా ఉన్న మంత్రులు, ఎమ్మెల్యేల చిట్టాను త్వరలో బయటపెడతాం-ఎమ్మెల్యే ఆర్కే.
  • ప్రకాశం జిల్లా: సింగరాయకొండ మండలం పాకల దగ్గర సముద్రంలో నలుగురు యువకుల గల్లంతు. ముగ్గురిని కాపాడిన మెరైన్‌ పోలీసులు. మరో యువకుడి కోసం కొనసాగుతున్న గాలింపు.
  • యానాంలో ప్రేమజంట అనుమానాస్పద మృతి. మృతులు కాట్రేనిపాడుకు చెందిన రమేష్‌. మలికిపురం మండలానికి చెందిన యువతిగా గుర్తింపు. పెద్దలు పెళ్లికి అంగీకరించలేదని ఈ నెల 9న ఇంటి నుంచి వెళ్లిపోయిన ప్రేమజంట. కేసు నమోదు చేసి దర్యాప్తు చేస్తున్న పోలీసులు.
  • శంషాబాద్‌ ఎయిర్‌పోర్ట్‌లో భారీగా బంగారం పట్టివేత. దుబాయ్‌ నుంచి వచ్చిన ప్రయాణికుడి నుంచి 14 కిలోల బంగారం స్వాధీనం. అదుపులోకి తీసుకుని విచారిస్తున్న కస్టమ్స్ అధికారులు. పట్టుబడ్డ బంగారం విలువ రూ.5.46 కోట్లు ఉంటుందని అంచనా.
  • అమరావతి: అసెంబ్లీకి వెళ్లకుండా మమ్మల్ని అడ్డుకున్నారు-చంద్రబాబు. అమాయకులపై ఎస్సీ, ఎస్టీ యాక్ట్‌ పెట్టి దాడులు చేస్తున్నారు. టీడీపీ హయాంలో ఇంగ్లీష్‌ మీడియాన్ని వైసీపీ నేతలు వ్యతిరేకించారు ఇప్పుడు ఇంగ్లీష్ మీడియం తెచ్చి రెండు నాలుకలధోరణి అవలంబిస్తున్నారు కొత్త చీఫ్‌ మార్షల్‌ దుర్మార్గంగా ప్రవర్తిస్తున్నారు-చంద్రబాబు.
  • గుంటూరు: ఎన్నికల్లో ఇచ్చిన హామీలను వైసీపీ నెరవేర్చలేదు. ఆర్టీసీ చార్జీలు పెంచి సామాన్యుడి నడ్డి విరిచారు-యరపతినేని. ఉల్లి ధరలు ఆకాశాన్ని అంటాయి-మాజీ ఎమ్మెల్యే యరపతినేని. నియోజకవర్గ పరిధిలో ఇసుక మాఫియా రెచ్చిపోతోంది. వైసీపీ కార్యకర్తలే ఇసుకను బ్లాక్‌ మార్కెట్‌లో అమ్ముతున్నారు-మాజీ ఎమ్మెల్యే యరపతినేని.

ఒక్క టికెట్ వారి జీవితాన్ని మార్చేసింది.. ఇంతకీ ఏమైందో తెలుసా?

Six Kerala Friends Jointly Win Rs 12 Crore in Onam Bumper Lottery, ఒక్క టికెట్ వారి జీవితాన్ని మార్చేసింది.. ఇంతకీ ఏమైందో తెలుసా?

కొంతమందిని చూస్తే వీడు.. నక్క తోక తొక్కాడు అందుకే అదృష్టం పట్టింది అంటుంటారు. అలా ఉంటుంది వారి లక్. నిజంగా కొంతమందిని అదృష్ట దేవత ఏ మార్గంలో కరుణిస్తుందో ఊహించడమే కష్టంగా ఉంటుంది. సరిగ్గా అలాంటి ఘటనే ఇటీవల తెలంగాణకు చెందిన ఓ డ్రైవర్ ఎక్కడో దుబాయ్‌లో లాటరీ టికెట్ కొంటే ఏకంగా రూ.28 కోట్లకు అధిపతిని చేసింది. అచ్చం అలాంటి ఘటనే మరొకటి ఇప్పుడు వైరల్‌గా మారింది. కేరళలోని కొల్లాం జిల్లాలో ఆరుగురు స్నేహితులు రాత్రికి రాత్రే కోటీశ్వరులుగా మారిపోయారు. అసలు ఏం జరిగిందో తెలియాలంటే ఇది చదవండి.

కేరళ కొల్లాం జిల్లాలో ఉన్న ఓ నగల దుకాణంలో రాజీవన్, రామ్‌జిమ్ , రోనీ, వివేక్, సుబిన్, రతీష్ అనే ఆరుగురు మిత్రులు బుధవారం ఓ లాటరీ టికెట్ కొన్నారు. అందరిలాగే వీరు సరదాగే కొనుకున్నారు. ఆ మరుసటి రోజు గురువారం వీరు కొన్న లాటరీకి సంబంధించిన ఫలితాలు వెలువడ్డాయి. అనూహ్యంగా మొదటి ఫ్రైజ్ TM160869 టికెట్‌ను వరించింది. ఈ ఆరుగురు స్నేహితులు కొన్న ఈ లాటరీ టికెట్‌కే మొదటి బహుమతి రావడంతో వీరు ఏకంగా రూ.12 కోట్లు జాక్‌పాట్ కొట్టారు. అయితే వీరంతా గెలుచుకున్నది రూ.12 కోట్లయినా అన్ని కటింగులూ పోనూ చేతికి వచ్చేది మాత్రం రూ.7.5 కోట్ల రూపాయలు. ఒక్క లాటరీ టికెట్ వీరి జీవితాన్ని రాత్రికి రాత్రే మార్చేయడంతో ఈ ఆరుగురు స్నేహితుల ఆనందానికి అవధులు లేవు. తాము గెలుచుకున్న సొమ్ముతో తమకు ఉన్న అప్పులు తీర్చేస్తామని, ఆ తర్వాత వివిధ సేవా కార్యక్రమాలకు వినియోగిస్తామని వీరు చెప్పారు.